Saturday, June 27, 2009

ನೋಡು ಬಾ ನೋಡು ಬಾ ನಮ್ಮ ತಾತನೂರ !!!

ಅಜ್ಜಿ-ತಾತನ ಊರು ಅಂದ್ರೆ ಎಲ್ಲರಿಗೂ ವಿಶೇಷವಾದ ಪ್ರೀತಿಯಿರುತ್ತೆ. ೩ ವರ್ಷದವಳಿದ್ದಾಲೇ ಅಜ್ಜಿ-ತಾತರನ್ನು ಕಳೆದುಕೊಂಡ ನನಗೆ ನಮ್ಮ್ ತಾತನ ಊರಿನ ಬಗ್ಗೆ ಪ್ರೀತಿ ಹುಟ್ಟಲು ಕಾರಣವೇ ಅಲ್ಲಿರುವ ದೇವಸ್ಥಾನ. ನನ್ನ ತಾತನ (ತಂದೆಯ ತಂದೆ) ಊರು ಮಂಡ್ಯ ಜಿಲ್ಲೆಯಲ್ಲಿರುವ ಹೊಸಹೊಳಲು, ಹೊಯ್ಸಳ ಶೈಲಿಯ ಗುಡಿಯಿರುವ ಊರು. 'ಹೊಳಲು' ಅಂದರೆ ಹಳೆಗನ್ನಡದಲ್ಲಿ ಪಟ್ಟಣವೆಂದು. ಊರಿನಲ್ಲಿರೋ ಶಿಲಾಶಾಸನದ ಪ್ರಕಾರ 1125 ADಯಲ್ಲಿ ವೀರ ಗಂಗನರಸಿಂಹ ಬಲ್ಲಾಳರ ಕಾಲದಲ್ಲಿ ನೊಳಂಬ ಶೆಟ್ಟಿ ಮತ್ತು ನಂದಿನಾಥ ವೀರಭದ್ರದೇವ ಅನ್ನೋರು ಈ ದೇವಸ್ಥಾನವನ್ನು ಕಟ್ಟಿಸಿದ್ದು. ಈ ಊರು ಹಿಂದೆ ಅಗ್ರಹಾರವಾಗಿತ್ತಂತೆ. ಇಲ್ಲಿರುವರೆಲ್ಲ ರೈತಾಪಿ ಹಾಗು ನೇಯ್ಗೆ ಆಧಾರಿತ ಕುಟುಂಬಗಳು.
ಹೊಯ್ಸಲ ತ್ರಿಕೂಟಾಚಲ ಶೈಲಿಯಲ್ಲಿ ನಿರ್ಮಿತವಾಗಿರುವ ಗುಡಿ ಒಂದು ಮೀಟರ್ ನಷ್ಟು ಎತ್ತರದ ಅಡಿಪಾಯದ ಮೇಲೆ ನಿಂತಿದೆ. ಪಶ್ಚಿಮಕ್ಕಿರುವ ಕೂಟವು ಹದಿನಾರು ಮೂಲೆಗಳಿರುವ ನಕ್ಷತ್ರದ ಆಕಾರದಲ್ಲಿದೆ, ಹಾಗು ಇದರ ಶಿಖರ ಮತ್ತು ಕಲಶ ಇಂದಿಗೂ ಭದ್ರವಾಗಿದೆ. ಉತ್ತರ-ದಕ್ಷಿಣದಲ್ಲಿರುವ ಕೂಟಗಳು ಚೌಕಟ್ಟಾಗಿವೆ. ಗುಡಿಗಿರುವುದು ಒಂದೇ ಗೋಪುರ.
ದೇವಸ್ಥಾನದ ಹೊರ ಗೋಡೆಗಳು ಸುಂದರವಾದ ಕೆತ್ತನೆಗಳಿಂದ ಆವೃತವಾಗಿದೆ. ಕೆಳಭಾಗದಲ್ಲಿ ಆನೆಗಳ ಸಾಲುಗಳ ಮದ್ಯೆ ಸಲಗನೊಡನೆ ಹೋರಾಡುತ್ತಿರುವ ವೀರನೊಬ್ಬನ ಕೆತ್ತನೆ. ನಂತರದ ಸಾಲಿನಲ್ಲಿ ರಾಮಾಯಣ, ಮಹಾಭಾರತ, ಭಾಗವತದ ಸನ್ನಿವೇಶಗಳನ್ನು ವರ್ಣಿಸುವ ಕೆತ್ತನೆಗಳು. ಹಂಸಗಳ ಸಾಲೂಯಿದೆ. ಎಲ್ಲಕ್ಕಿಂತ ಅಧ್ಭುತವಾಗಿರೋದು ಮಧ್ಯದ ಸಾಲು. ನಾಟ್ಯ ಗಣಪತಿ, ನಾಟ್ಯ ಸರಸ್ವತಿ, ಮಾಧವ, ಮೋಹಿನಿ, ಪಾರ್ವತಿ, ನರಸಿಂಹ ಮುಂತಾದ ದೇವರುಗಳನ್ನು ಅತಿ ಸುಂದರವಾಗಿ ಬಿತ್ತರಿಸಲಾಗಿದೆ.
ನವರಂಗದಲ್ಲಿರುವ ಕಂಬಗಳು ಸಣ್ಣ ಕುಸುರಿ ಕೆತ್ತನೆಗಳನ್ನೊಳಗೊಂಡಿದೆ. ಇಲ್ಲಿರುವ ಕೆಲವು ಕಂಭಗಳಲ್ಲೂ ಸಂಗೀತ ಹೊಮ್ಮುತ್ತದೆ. ಬೇಲೂರಿನಲ್ಲಿರುವ ಮದನಿಕೆಯನ್ನು ಹೋಲುವ ನಾಟ್ಯ ಭಂಗಿಗಳು ಇಲ್ಲೂ ಇವೆ. ದೇವಸ್ಥಾನದ ಮುಖ್ಯ ದೇವರು ಶ್ರೀಲಕ್ಷ್ಮಿನಾರಾಯಣ ವಿಗ್ರಹವು ಪಶ್ಚಿಮಕೂಟದಲ್ಲಿ ಪ್ರತಿಸ್ಥಾಪಿಸಲಾಗಿದೆ. ಗರ್ಭಗುಡಿಯ ಎದುರಿರುವ ಕಂಭದಲ್ಲಿ ಹೆಬ್ಬರಳಿನ ಅಂಗುಷ್ಟ ಗಾತ್ರದ ಸ್ಟ್ರಾ ನಲ್ಲಿ ಎಳನೀರು ಕುಡಿಯುತ್ತಿರೋ ಆಂಜನೇಯ ವಿಗ್ರಹವಿದೆ. ಬೆಳಕು ಹೆಚ್ಚಿಲ್ಲವಾದ್ದರಿಂದ ಕಾಣೋಲ್ಲ. ಪೂಜಾರಿಯವರನ್ನು ಕೇಳಿದರೆ ದೀಪದ ಬೆಳಕಿನಲ್ಲಿ ತೋರಿಸುವರು.

ನಮ್ಮೂರಿಗೆ ದಾರಿ:
ಮೈಸೂರಿನಿಂದ ಕೇವಲ 53ಕಿ.ಮಿ ದೂರದಲ್ಲಿರೋ ನಮ್ಮೂರಿಗೆ ಬೆಂಗಳೂರು/ ಮೈಸೂರು/ ಹಾಸನ ಎಲ್ಲಾ ಕಡೆಗಳಿಂದಲೂ ಬಸ್ ವ್ಯವಸ್ಥೆಯಿದೆ. ಕೃಷ್ಣರಾಜಪೇಟೆ(ಕೆ.ಆರ್.ಪೇಟೆ) ಅಲ್ಲಿಂದ ೨-೩ ಕಿ.ಮಿ, ಅಲ್ಲಿ ಸುಸಜ್ಜಿತ PWD ಗೆಸ್ಟ್ ಹೌಸ್ ಕೂಡ ಇದೆ.

ನಮ್ಮೂರಿಗೆ ಹೋಗಲು ಬೆಂಗಳೂರು-ಮೈಸೂರ್ ಹೆದ್ದಾರಿಯಲ್ಲಿ ಇನ್ನೇನು ಶ್ರೀರಂಗಪಟ್ಟಣ ಒಂದು ಕಿ.ಮಿ ಇದೆ ಅನ್ನೋವಾಗ ಬಲಗಡೆಗೆ ಒಂದು ತಿರುವು ಸಿಗುತ್ತೆ (ಕೃಷ್ಣರಾಜ ಪೇಟೆ ಅಂತ ಸಣ್ಣದೊಂದು ಬೋರ್ಡ್ ಇದೆ). ಅಲ್ಲಿ ಬಲಕ್ಕೆ ತಿರುಗಿ ನಲವತ್ತು ಕಿಲೋಮೀಟರ್ ಹೋದರೆ ಕೆ.ಆರ್. ಪೇಟೆ ಸಿಗುತ್ತೆ(ಮಾರ್ಗದಲ್ಲಿ ಪಾಂಡವಪುರ ಸಿಗುತ್ತೆ) . ಅಲ್ಲಿ ಸರ್ಕಲ್-ನಲ್ಲಿ ಎಡಕ್ಕೆ ತಿರುಗಿ ಎರಡೂವರೆ ಕಿಮಿ ಬಂದ್ರೆ ಹೊಸಹೊಳಲು ಸಿಗುತ್ತೆ.

ನಮ್ಮೂರಿನ ಬಗ್ಗೆ ವೈಕಿಪೀಡಿಯಾ ಹೀಗೆನ್ನುತ್ತದೆ.

ದೇವಸ್ಥಾನದ ಬಗ್ಗೆ ಸರ್ಕಾರ ನಿರ್ಲಕ್ಷ್ಯ ತೋರಿದೆ. ಇದಕ್ಕೊಂದು ಸರಿಯಾದ ಕಾಂಪೊಂಡ್ ಹಾಕಿದ್ದು ಇತ್ತೀಚೆಗೆ. ನಾನು ಚಿಕ್ಕವಳಿದ್ದಾಗ ಮಕ್ಕಳು ದೇವಸ್ಥಾನದ ಗೋಪುರದ ಮೇಲೆಲ್ಲಾ ಹತ್ತಿ ಬಚ್ಚಿಟ್ಟುಕೊಳ್ಳುವ ಆಟ ಇತ್ಯಾದಿ ಆಡುತ್ತಿದ್ದರು. ಕೆತ್ತನೆಗಳನ್ನು ಕಲ್ಲಿನಿಂದ ಚೆಚ್ಚುತ್ತಿದ್ದರು:(

Friday, June 26, 2009

ಹ್ಯಾಪಿ ಬರ್ತ್ ಡೇ ಶಕ್ತಿ!!!

ಶಕ್ತಿ ಅನ್ನೊ ಪುಟ್ಟಿಯ ಅಕ್ಕನಿಗೆ ನಾಳೆಗೆ ಎರಡು ವರ್ಷ ತುಂಬಲಿದೆ. ಈ ಸಂದರ್ಭದಲ್ಲಿ ಅವಳಿಗೆ ಶುಭ ಹಾರೈಸುತ್ತಾ ಈ ಪುಟ್ಟ ಚೋರಿ ನಮ್ಮ ಪುಟ್ಟಿಯೊಂದಿಗೆ ಕಳೆದಿರುವ ಕೆಲವು ಸಂತಸದ ಕ್ಷಣಗಳು....

ಪುಟ್ಟಿಯ ತೊಟ್ಟಿಲು ಪೂಜೆಯ ದಿನ..ವ್ಯಾಲೆಂಟೈನ್ಸ್ ಡೇ ದಿನ..ಒಂದುವರೆ ತಿಂಗಳ ಪುಟ್ಟಿ/೭ ತಿಂಗಳ ಶಕ್ತಿ!ಆಟವಾಡಲು ಮನೆಗೆ ಬಂದಾಗ...


ಈಜುವೆ ನೀ ಮೀನಿನಂತೆ
ಓಡುವೆ ನೀ ಜಿಂಕೆಯಂತೆ
ನೀ ಬಲು ಧೈರ್ಯವಂತೆ
ಆಗು ನೀ ಶ್ರೀಮಂತೆ

ಬೆಳ್ಳಿ ಲೋಟದಲಿ
ಕೋಕಾಕೋಲ ಕುಡಿಯುವೆ
ತುಂಟಾಟದಲಿ
ಅಮ್ಮನ
ಗೋಳಾಡಿಸುವೆ


ವರುಷ ತುಂಬಿದೆ ಎರಡು
ಅದಕ್ಕೆ ಇವತ್ತು ಹಬ್ಬ
ಬರಲಿಂಥ ನೂರಾ ಎರಡು
ಶಕ್ತಿ ಇಂದು ನಿನ್ನ ಹುಟ್ಟುಹಬ್ಬ!!
--ರೂpaश्री
ಪುಟ್ಟಿ ತನ್ನದೇ ಸ್ಟೈಲಿನಲ್ಲಿ ’ಆಪಿ ಯೂ ಯೂ... ಚಚ್ಚಿ’ ಅಂತ ಅಕ್ಕನಿಗೆ ವಿಶ್ ಮಾಡ್ತಾಯಿದ್ದಾಳೆ :)

Thursday, June 25, 2009

ಲಾಲಿ ಲಾಲಿ... ಕತ್ತೆಯ ಮರಿ ಚೆಂದ !

ಸರ್ವಮಂಗಳ ಚಿತ್ರದಲ್ಲಿ ಎಸ್.ಜಾನಕಿ ಅವರು ಇಂಪಾಗಿ ಹಾಡಿರೋ ಅಮ್ಮನ ಮಮತೆ ತುಂಬಿರೋ ಈ ಹಾಡು....

ಲಾಲಿ ಲಾಲಿ ಲಾಲಿ ಲಾಲಿ
ಕತ್ತೆಯ ಮರಿ ಚೆಂದ
ತೊತ್ತಿನ ನುಡಿ ಚೆಂದ
ಕತ್ತೆಯ ಮರಿ ಚೆಂದ
ತೊತ್ತಿನ ನುಡಿ ಚೆಂದ
ಮುತ್ತುಗದ ಹೂವು ಕಡು ಚೆಂದ
ಮುತ್ತುಗದ ಹೂವು ಕಡು ಚೆಂದ
ಕಂದಮ್ಮಾ ..ನಿನ್ನಾಟ ಚೆಂದ ನಮಗೆಲ್ಲಾ
ನಿನ್ನಾಟ ಚೆಂದ ನಮಗೆಲ್ಲಾ
ಲಾಲಿ ಲಾಲಿ ಲಾಲಿ ಲಾಲಿ

ಎಲ್ಲರಾ ಮಕ್ಕಳಂಗೆ ಅಲ್ಲ ಕಣೆ ನನ್ನಮ್ಮ
ಎಲ್ಲರಾ ಮಕ್ಕಳಂಗೆ ಅಲ್ಲ ಕಣೆ ನನ್ನಮ್ಮ
ನಲ್ಲರಳಗಣ್ಣು ನಗು ಮುಖಾ
ನಲ್ಲರಳಗಣ್ಣು ನಗು ಮುಖಾ
ಕಾಮನಬಿಲ್ಲು ಹೋಲ್ತಾವೆ ಕುಡಿ ಹುಬ್ಬು
ಬಿಲ್ಲು ಹೋಲ್ತಾವೆ ಕುಡಿ ಹುಬ್ಬು
ಲಾಲಿ ಲಾಲಿ ಲಾಲಿ ಲಾಲಿ

ಕಂಡದ್ದು ಕನಸಾಗಿ ಉಂಡದ್ದು ಸವಿಯಾಗಿ
ಕಂಡದ್ದು ಕನಸಾಗಿ ಉಂಡದ್ದು ಸವಿಯಾಗಿ
ಕಂದ ನೀ ಕಾಡಬೇಡೆಂದು ಬೇಡುವೆ
ಕಂದಮ್ಮ ಮಾಡು ನಿದ್ದೆಯ
ಕಂದಮ್ಮ ಮಾಡು ನಿದ್ದೆಯ
ಲಾಲಿ ಲಾಲಿ ಲಾಲಿ ಲಾಲಿ
ಲಾಲಿ ಲಾಲಿ ಲಾಲಿ ಲಾಲಿ


Wednesday, June 24, 2009

ಕೃಷ್ಣ

ಇಂಡಿಯಾದಲ್ಲಿದ್ದಾಗ ತನ್ನ ಸೋದರ ಮಾವನ ಮಗಳು ಖುಶಿ ಶ್ರೀ ಕೃಷ್ಣನ ಅವತಾರ ತಾಳಿದ್ಲು. ಅದನ್ನ ನೋಡಿ ನಮ್ಮ ಪುಟ್ಟಿ ರಾಧೆ ಆದ್ಲು. ಅವರಿಬ್ಬರ ಫೋಟೋಗಳು...


ಪುಟಾಣಿ ಕೃಷ್ಣ
ಪುಟ್ಟ ಪುಟ್ಟ ಅಂಗೈ
ಭಲಾರೆ ಗಡಿಗೆ
ದೊಡ್ಡ ಬೆಣ್ಣೆ ಮುದ್ದೆ
ತೆಗೆದ ಮುಕ್ಕಿದ
ತೆಗೆದ ನೆಕ್ಕಿದ
ಕೈಯೆಲ್ಲ ಬೆಣ್ಣೆ
ಮುಖವೆಲ್ಲ ಬೆಣ್ಣೆ
ತುಂಟ ಕೃಷ್ಣ
ತುಂಟ ಕೃಷ್ಣ
(ಕವಿ : ಜೆ. ಪಿ. ರಾಜರತ್ನಂ )




Monday, June 22, 2009

ಟೋಪಿ ಬೇಕಾ ಟೋಪಿ!!

ಪುಟ್ಟಿ ಈಗ ಹೊರಗೆ ಹೊರಟಲು ಅಂದ್ರೆ ತಲೆಗೊಂದು ಟೋಪಿ, ಕಣ್ಣಿಗೆ ಗಾಗಲ್ಸ್ ಬೇಕೆ ಬೇಕು. ಟೋಪಿ ಹಾಕೋವರ್ಗೂ ಮನೆಯಿಂದ ಹೊರೊಡೋಲ್ಲ ಅಂತಾಳೆ, ’ತೋಪಿ ತೋಪಿ’ ಅಂತ ತಲೆ ಮೇಲೆ ಬೆರೆಳಿಟ್ಟು ಕೇಳುತ್ತಾಳೆ.


ಅವಳ ಟೋಪಿ ಆಟ ನನ್ಗೆ ಚಿಕ್ಕಂದಿನಲ್ಲಿ ನಾವು ಆಡ್ತಾಯಿದ್ದ ಟೋಪಿ ಆಟ ನೆನಪು ಮಾಡಿಸ್ತು. ನಾವು ಮಕ್ಕಳೆಲ್ಲಾ ವೃತ್ತಕಾರವಾಗಿ ನೆಲದ ಮೇಲೆ ಕೂರೋದು. ನಮ್ಮಲೊಬ್ಬರು ಕರ್ಛೀಪ್/ಟೋಪಿ ಅನ್ನು ಕೈಯಲ್ಲಿ ಹಿಡಿದು ಕುಳಿತವರ ಸುತ್ತ ಗುಂಡಗೆ ಸುತ್ತು ಹಾಕಲಾರಂಭಿಸುತ್ತಾ ಹಾಡೋದು.... ಕುಳಿತ ನಾವು ಒಕ್ಕೊರಳಿನಿಂದ ಉತ್ತರ ಕೊಡೋದು
ಟೋಪಿ ಬೇಕಾ ಟೋಪಿ
ಎಂತಹ ಟೋಪಿ
ಚಿನ್ನದ/ಬಣ್ಣದ ಟೋಪಿ
ಎಷ್ಟು ರೂಪಾಯಿ
ಸಾವಿರ ರೂಪಾಯಿ
ಬೇಡ ಬೇಡ
ಒಂದು ರೂಪಾಯಿ
ನಂಗೆ ಬೇಕೀಗಾ
ಎಲ್ಲರೂ`ನಂಗೇ... ನಂಗೇ' ಅಂತ ಕೂಗಿದಾಗ ಎಲ್ಲರಿಗೂ ಬೆನ್ನು ಬಗ್ಗಿಸಿ ತಲೆಯನ್ನು ನೆಲಕ್ಕಿಡಲು ಹೇಳೋದು. ನಂತರ ಯಾರಾದರೊಬ್ಬರ ಮೇಲೆ ತನ್ನ ಕೈಲಿದ್ದ ಕರ್ಛೀಪ್ ಅನ್ನು ಹಾಕಿ ಓಡೋದು . ಹೀಗೆ ಕರ್ಛೀಪ್/ಟೋಪಿ ಯಾರಿಗೆ ಸಿಕ್ಕುತ್ತೊ ಅವರು ಅದನ್ನು ಹಿಡಿದು ತನಗೆ ಟೋಪಿ ಹಾಕಿದವನ/ಳ ಹಿಂದೆ ಓಡೋದು. ಮೊದಲನೆಯವರು ಟೋಪಿ ಹಾಕಿಸಿಕೊಂಡವರ ಜಾಗದಲ್ಲಿ ಕೂರುವ ಮುನ್ನ ಅವರನ್ನು ಮುಟ್ಟಿಸಬೇಕು. ಹಾಗೆ ಮುಟ್ಟಿಸಲಾಗದಿದ್ದರೆ ಟೋಪಿ ಹಾಕಿಸಿಕೊಂಡವ `ಟೋಪಿ ಬೇಕೆ ಟೋಪಿ ...' ಅಂತ ಸುತ್ತು ಹಾಕುತ್ತಾ ಆಟ ಮೊದಲಿಂದ ಶುರುವಾಗುತ್ತದೆ. ಚಿಕ್ಕಂದಿನಲ್ಲಿ ನಾವುಗಳು ಗಂಟಾನುಗಟ್ಟಲೆ ಆಡುತ್ತಿದ್ದ ಬೇಜಾರೇ ಬರದ ಸಖತ್ತು ಖುಶಿಯ ಆಟದ ಈ ಸವಿ ನೆನಪಿನ ಜೊತೆಗೆ ಪುಟ್ಟಿಯ ಕೆಲವು ಟೋಪಿ ಫೋಟೋಗಳು...
ಹುಟ್ಟಿದ ಮೊದಲೆರ‍ಡು ತಿಂಗಳು..

ಪಾರ್ಟಿ ಟೋಪಿ...ಕುಂಬಳ ಟೋಪಿ!!
ಛಳಿ ಛಳಿ ಟೋಪಿ
ಕ್ರಿಸ್ಮಸ್ ಟೋಪಿ!


ಪುಟ್ಟ್ ತಲೆಗೊಂದ್ ದೊಡ್ಡ್ ಹೆಲ್ಮೆಟ್...

ಬಣ್ಣ ಬಣ್ಣದ ಟೋಪಿ...


Sunday, June 21, 2009

ಅಪ್ಪಂದಿರ ದಿನಕ್ಕೆ ಕಾರ್ಡ್!!

ಅಪ್ಪಂದಿರ ದಿನಕ್ಕೆ ತನ್ನ ಪ್ರೀತಿಯ ಅಪ್ಪನಿಗೆ ಒಂದು ಚೆಂದದ ಕಾರ್ಡ್ ಮಾಡಿ ಕೊಟ್ಟ್ಲು ಪುಟ್ಟಿ. ಅವರಪ್ಪನ ಸಂತೋಷಕ್ಕೆ ಮಿತಿಯೇ ಇರ್ಲಿಲ್ಲ. ಕಣ್ಣಂಚಿನಲ್ಲಿ ನೀರು ತುಂಬಿಕೊಂಡು ಆಹಾ ! ನನ್ನ್ ಮಗ್ಳು ಅಂತ ಮುದ್ದಾಡಿದ್ದೇ ಆಡಿದ್ದೂ....

ಕಾರ್ಡ್ ಮಾಡಿದ್ದು ಪುಟ್ಟಿ.. ಆದ್ರೊಳಗೆ ಬರ್ದಿದ್ದು ನಾನು, ಸದ್ಯಕ್ಕೆ ಅವಳ ಪರವಾಗಿ!

ದಿನ ಬೆಳಗ್ಗೆ ಅಪ್ಪ ಲ್ಯಾಬಿಗೆ ಹೊರಡೋವಾಗ ಅವರ ಎರಡೂ ಕೆನ್ನೆಗಳಿಗೆ ಮುತ್ತನಿತ್ತು, ತಾನು ಕೆನ್ನೆ ಮತ್ತೆ ಎರಡೂ ಕೈಗಳಿಗೆ ಮುತ್ತಿಕ್ಕಿಸಿಕೊಂಡು... ಕೈಗೆ ಕಾರಿನ ಕೀಗಳನ್ನು ಕೊಟ್ಟು ಬಾಯ್ ಹೇಳ್ತಾಳೆ!
ನಾನು ಆಮೇಲೆ ’ಅಪ್ಪ ಎಲ್ಲಿ ಪುಟ್ಟಿ’ ಅಂದ್ರೆ ಮುದ್ದಾಗಿ ’ಆಪಿ’ ಅಂತಾಳೆ...
ಅಪ್ಪನ ಮೇಲೆ ಪ್ರೀತಿ ಹೆಚ್ಚಾದಾಗ ಕತ್ತಿನ ಸುತ್ತ ಕೈಗಳನ್ನು ಬಳಸಿ ’ಐ ಲೂ( ಲವ್ ಯೂ) ಅಂತಾಳೆ :)


ಚಿತ್ರ:ದೇವತಾ ಮನುಷ್ಯ (೧೯೯೦)
ಗೀತರಚನೆ:ಚಿ.ಉದಯಶಂಕರ್
ಸಂಗೀತ :ಉಪೇಂದ್ರ ಕುಮಾರ್
ಗಾಯಕರು: ಡಾ.ರಾಜಕುಮಾರ್ ಮತ್ತು ಬಿ.ಆರ್.ಛಾಯಾ

ಮಗಳು:
ನಿನ್ನಂಥ ಅಪ್ಪ ಇಲ್ಲಾ ಒಂದೊಂದು ಮಾತು ಬೆಲ್ಲ
ನಿನ್ನಂಥ ಅಪ್ಪ ಇಲ್ಲಾ ಒಂದೊಂದು ಮಾತು ಬೆಲ್ಲ
ನೀನೇ ನನ್ನ ಜೀವ ನೀನೇ ನನ್ನ ಪ್ರಾಣ
ಯಾವ ದೇವ ತಂದ ವರವೋ ಇನ್ನು ನಾನು ಅರಿಯೆನು

ಅಪ್ಪ:
ನಿನ್ನಂಥ ಮಗಳು ಇಲ್ಲಾ ಬಾಳಲ್ಲಿ ನೀನೇ ಎಲ್ಲಾ
ನಿನ್ನಂಥ ಮಗಳು ಇಲ್ಲಾ ಬಾಳಲ್ಲಿ ನೀನೇ ಎಲ್ಲಾ
ನಿನ್ನ ಕಂಡ ಮೇಲೆ ಬೆಳಕ ಕಂಡೆ ಬಾಲೆ
ಯಾವ ದೇವ ತಂದ ವರವೋ ಇನ್ನು ನಾನು ಅರಿಯೆನು

ನಿನ್ನಂಥ ಅಪ್ಪ ಇಲ್ಲಾ
ನಿನ್ನಂಥ ಮಗಳು ಇಲ್ಲಾ

ಮಗಳು:
ನೀ ಹೀಗೇ ನಡೆಯಲು ನಡು ಹೀಗೇ ಕುಣಿಯಲು
ಹದಿನೆಂಟು ವಯಸಿನ ಹುಡುಗನ ಹಾಗಿದೆ
ಅಪ್ಪ:
ನೀ ಹೀಗೆ ನಗುತಿರೆ ಜೊತೆಯಾಗಿ ಬರುತಿರೆ
ಆನಂದ ತರುತಿರೆ ಹುಡುಗನೇ ಎಂದಿಗೂ
ಇಬ್ಬರೂ :
ರಂಪಂ ರಪಂಪ ಪಂಪ ರಂಪಂ ರಪಂಪ ಪಂಪ
ಮಗಳು:
ಮಾತಿನಾ ಮೋಡಿಗೆ ನಿನ್ನಾಣೆ ನಾನು ಮೆಚ್ಚಿದೆ

ನಿನ್ನಂಥ ಮಗಳು ಇಲ್ಲಾ
ನಿನ್ನಂಥ ಅಪ್ಪ ಇಲ್ಲಾ

ಅಪ್ಪ:
ಸಂತೋಷವೆಂದರೆ ಉಲ್ಲಾಸವೆಂದರೆ
ಸಂಗೀತವೆಂದರೆ ನಿನ ಜೊತೆ ನಡೆದರೆ
ಮಗಳು:
ಮುದ್ಡಾದ ಮಾತನು ಹಿತವಾದ ರಾಗದಿ
ದಿನವೆಲ್ಲ ಆಡಲು ಹೇಗೇ ನೀ ಅರಿತೆಯೋ
ಇಬ್ಬರೂ :
ರಂಪಂ ರಪಂಪ ಪಂಪ ರಂಪಂ ರಪಂಪ ಪಂಪ
ಅಪ್ಪ:
ನನ್ನ ಈ ಅರಗಿಣಿ ಮಾತಾಡೇ ನೋಡಿ ಕಲಿತೆನು


ನಿನ್ನಂಥ ಅಪ್ಪ ಇಲ್ಲಾ ಒಂದೊಂದು ಮಾತು ಬೆಲ್ಲ
ನಿನ್ನಂಥ ಮಗಳು ಇಲ್ಲಾ ಬಾಳಲ್ಲಿ ನೀನೇ ಎಲ್ಲಾ
ಮಗಳು:
ನೀನೇ ನನ್ನ ಜೀವ ನೀನೇ ನನ್ನ ಪ್ರಾಣ
ಅಪ್ಪ:
ನಿನ್ನ ಕಂಡ ಮೇಲೆ ಬೆಳಕ ಕಂಡೆ ಬಾಲೆ
ಇಬ್ಬರೂ :
ಯಾವ ದೇವ ತಂದ ವರವೋ ಇನ್ನು ನಾನು ಅರಿಯೆನು


ನಿನ್ನಂಥ ಅಪ್ಪ ಇಲ್ಲಾ
ನಿನ್ನಂಥ ಮಗಳು ಇಲ್ಲಾ
ನಿನ್ನಂಥ ಅಪ್ಪ ಇಲ್ಲಾ
ನಿನ್ನಂತ್ ಮಗಳು ಇಲ್ಲಾ
ನಿನ್ನಂಥ ಅಪ್ಪ ಇಲ್ಲಾ
ನಿನ್ನಂಥ ಮಗಳು ಇಲ್ಲಾ

Wednesday, June 17, 2009

ಚೆಂಡು ಆಹಹಾ ಚೆಂಡು!!

ನಾಲ್ಕು ತಿಂಗಳ ಕಂದ ತನ್ನ ಪುಟ್ಟ ಕೈ ಕಾಲುಗಳಿಂದ ಚೆಂಡಿನ ಜೊತೆ ಆಟ ಆಡ್ತಾಯಿದ್ದಾಗ....
ಬಣ್ಣದ ಚೆಂಡು,
ಆಹಹಾ ರಬ್ಬರ ಚೆಂಡು!
ಗಾಳಿಯನುಂಡು
ಪುಟಿಯುವ ಚೆಂಡು
ಕಾಣಿಸುವುದು ಬಲು ದುಂಡು
ಆಹಹಾ ರಬ್ಬರ ಚೆಂಡು

ಆಹಹಾ ಬಣ್ಣದ ಚೆಂಡು!
ಪುಟಿಯಲು ಕಂಡು
ಹುಡುಗರ ದಂಡು
ನೆರೆವುದು ಹಿಂಡು ಹಿಂಡು
ಕರೆವುದು ಬಣ್ಣದ ಚೆಂಡು

ಆಹಹಾ ಕುಣಿಯುವ ಚೆಂಡು!
ತೈ ತಕ್ಕ ಎಂದು
ಕುಣಿ ಕುಣಿ ಎಂದು
ನಮ್ಮನು ಕುಣಿಸುವ ಚೆಂಡು
ಆಹಹಾ ರಬ್ಬರ ಚೆಂಡು

ಆಟಕೆ ಎಳೆಯುವ ಚೆಂಡು!
ಅಮ್ಮನು ಕರೆದರು
ಅಪ್ಪನು ಕರೆದರು
ಹೋಗಲು ಬಿಡದೀ ಚೆಂಡು
ಆಹಹಾ ಬಣ್ಣದ ಚೆಂಡು

ಮೊದಲೇ ಗಾಳಿಯ ಚೆಂಡು!
ಕೊನೆಯಲಿ ಒಂದು
ದಿನ ಪುಸ್ಸೆಂದು
ಆಟವ ಮುಗಿಸುವ ಚೆಂಡು
ಆಹಾಹ ರಬ್ಬರ ಚೆಂಡು
--ಡಾ. ದುಂಡಪ್ಪ ಸಿದ್ಧಪ್ಪ ಕರ್ಕಿ


Thursday, June 11, 2009

ಯಾವ ತಾಯಿಯು ಹಡೆದ ಮಗಳಾದರೇನು - ಬಿಳಿ ಹೆಂಡ್ತಿ

ಎಂ.ಜೆ.ಎಂ. ಪ್ರೊಡಕ್ಷನ್ಸ್ ಅವರ, ಮ.ನ.ಮೂರ್ತಿಯವರ ಕಾದಂಬರಿ ಆಧಾರಿತ ಚಿತ್ರ ’ಬಿಳಿ ಹೆಂಡ್ತಿ’ ಯಲ್ಲಿರೋ ಈ ಹಾಡು ನನ್ನ ನೆಚ್ಚಿನ ಗೀತೆಗಳಲ್ಲೊಂದು.
ಸಾಹಿತ್ಯ : ವಿಜಯನರಸಿಂಹ
ಸಂಗೀತ : ವಿಜಯಭಾಸ್ಕರ್
ಗಾಯನ : ಕಸ್ತೂರಿ ಶಂಕರ್

ಯಾವ ತಾಯಿಯು ಹಡೆದ ಮಗಳಾದರೇನು
ಕನ್ನಡಾಂಬೆಯ ಮಡಿಲ ಹೂವಾದೆ ನೀನು
ಯಾವ ತಾಯಿಯು ಹಡೆದ ಮಗಳಾದರೇನು
ಕನ್ನಡಾಂಬೆಯ ಮಡಿಲ ಹೂವಾದೆ ನೀನು
ಯಾವ ತಾಯಿಯು ಹಡೆದ ಮಗಳಾದರೇನು

ಈ ತಾಯ ಕರುಣೆಯ ತಂಪಿನಲಿ
ಈ ತಾಯ ಕಣ್ಣಿನ ಕಾಂತಿಯಲಿ
ಈ ತಾಯ ಬಂಧನದ ರಕ್ಷೆಯಲ್ಲಿ
ಈ ತಾಯ ಬಂಧನದ ರಕ್ಷೆಯಲ್ಲಿ
ಈ ಮನೆಗೆ ನೀನಾಗು ಕಲ್ಪವಲ್ಲಿ
ಯಾವ ತಾಯಿಯು ಹಡೆದ ಮಗಳಾದರೇನು

ಈ ಮನೆಯ ಭಾಗ್ಯದ ಬಾಗಿಲಲ್ಲಿ
ಈ ಮನೆಯ ಧರ್ಮದ ದೀಪದಲ್ಲಿ
ಈ ಮನೆಯ ಪ್ರೀತಿಯ ಗೀತೆಯಲ್ಲಿ
ಈ ಮನೆಯ ಪ್ರೀತಿಯ ಗೀತೆಯಲ್ಲಿ
ಈ ಮನೆಗೆ ನೀನಾಗು ಕಲ್ಪವಲ್ಲಿ
ಯಾವ ತಾಯಿಯು ಹಡೆದ ಮಗಳಾದರೇನು

ಈ ಬಾಳ ಪೂಜೆಯ ರಾಶಿಯಲ್ಲಿ
ಈ ಬಾಳ ಹಾದಿಯ ಸಂಗಮದಲ್ಲಿ
ಈ ಬಾಳ ಹಾಡಿನ ಪಲ್ಲವಿಯಲ್ಲಿ
ಈ ಮನೆಗೆ ನೀನಾಗು ಕಲ್ಪವಲ್ಲಿ
ಯಾವ ತಾಯಿಯು ಹಡೆದ ಮಗಳಾದರೇನು
ಕನ್ನಡಾಂಬೆಯ ಮಡಿಲ ಹೂವಾದೆ ನೀನು
ಯಾವ ತಾಯಿಯು ಹಡೆದ ಮಗಳಾದರೇನು


Wednesday, June 10, 2009

ವಕುಲ್ಲಾ ಸ್ಪ್ರಿಂಗ್ಸ್ !!

ಫ್ಲೋರಿಡಾದಲ್ಲಿ ಬೇಸಿಗೆಯ ಧಗೆ ತಾಳಲಾರದೆ ಈಜುಕೊಳದಲ್ಲಿ ಮುಳುಗೆದ್ದು ಬೋರ್ ಹೊಡೆದಿದ್ದ ಪುಟ್ಟಿ ಮತ್ತವಳ ಅಕ್ಕ ’ಅಭಿ’ ಮೊನ್ನೆ ಹತ್ತಿರದಲ್ಲೇ ಇರುವ ವಕುಲ್ಲಾ ಸ್ಪ್ರಿಂಗ್ಸ್ ಎಂಬಲ್ಲಿಗೆ ಅಪ್ಪ ಅಮ್ಮನ ಜೊತೆ ಹೋಗಿದ್ರು.
ಅಲ್ಲಿ ನೀರು ಸದಾ ಕಾಲ ತಣ್ಣಗೆ ಕೊರೆಯುತ್ತಿರುತ್ತದೆ. ಅಲ್ಲಿ ಇವರಿಬ್ಬರೂ ನೀರಿನಲ್ಲಿ ಆಟವಾಡಿ, ಒಬ್ಬರಿಗೊಬ್ಬರು ನೀರು ಎರಚಾಡಿ ಮಜ ಮಾಡಿದ್ರು. ಕೊನೆಗೆ ಇಬ್ಬರನ್ನೂ ಬಲವಂತವಾಗಿಯೇ ಅಲ್ಲಿಂದ ಎಳೆದು ತರಬೇಕಾಯಿತು !!


Putti enjoying the water..

On the Aligator chair
At the gift shop..

Saturday, June 06, 2009

ನಾಲಗೆ ತಿರುಚು (ಟಂಗ್ ಟ್ವಿಸ್ಟರ್) !

ಮೊನ್ನೆ ಗೆಳೆಯರು ಬಂದಿದ್ರು. ಊಟದ ನಂತರ ನಮ್ಮ್ ಪುಟ್ಟಿ ಮಲಗಿ ಬಿಟ್ಟಿದ್ರಿಂದ ಬಂದಿದ್ದ ಗೆಳೆಯರ ಮಗಳೊಂದಿಗೆ ನಾನೇ ಆಡಬೇಕಾಯ್ತು. ಅವಳೂ ಅದೂ ಇದೂ ಹಾಡುಗಳನ್ನು ಹೇಳುತ್ತಾ ಕುಣಿಯುತ್ತಾ ಕೊನೆಗೆ ಇದನ್ನ ಫಾಸ್ಟ್ ಆಗಿ ಹೇಳಿ ನೋಡೋಣ ಅಂತ " ಬೆಟ್ಟಿ ಬಾಟ್ ಅ ಬಿಟ್ ಆಫ್ ಬಟರ್, ಬಟ್ ದ ಬಟರ್ ವಾಸ್ ಬಿಟ್ಟರ್" ನಾಲಗೆ ತಿರುಚೊಂದು (ಟಂಗ್ ಟ್ವಿಸ್ಟರ್) ಹೇಳಿದ್ಲು. ಅದನ್ನ ಹೇಳಲೋಗಿ ಅವಳೊಂದಿಗೆ ನಾವೂ ಸ್ವಲ್ಪ ಬ್ ಬ್ಬ್ ಬ್ ಅಂತೆಲ್ಲ ಬೊಬ್ಬೆ ಹಾಕಿ ನಕ್ಕಿದ್ದು ಆಯ್ತು.

ಅವರೆಲ್ಲ ಮನೆ ಸೇರಿದ ಮೇಲೆ ನನಗೆ ನಮ್ಮ ಕನ್ನಡದ ನಾಲಗೆ ತಿರುಚುಗಳ ನೆನಪಾಯಿತು. ಕನ್ನಡದ ಕೆಲವು ನಾಲಗೆ ತಿರಚುಗಳು ಮಾತ್ರ ನನಗೆ ಗೊತ್ತಿದ್ದವು. ಸರಿ ಅಮ್ಮನಿಗೆ ಒಂದು ಫೋನ್ ಮಾಡಿ ಅವರಿಂದ ಇನ್ನೊಂದಿಷ್ಟನ್ನ ಕಲಿತೆ. ಅವುಗಳ ಪಟ್ಟಿ ಇಲ್ಲಿದೆ.



"ಕಪ್ಪು ಕುಂಕುಮ, ಕೆಂಪು ಕುಂಕುಮ"

"ಕಾಗೆ ಪುಕ್ಕ, ಗುಬ್ಬಿ ಪುಕ್ಕ"

ಮೇಲಿನ ಸಾಲುಗಳು ನೋಡಲು ಸರಳವಾಗಿ ಕಂಡರೂ, ಅದರ ಒಳಗುಟ್ಟು ಗೊತ್ತಾಗೋದು ಅದನ್ನ ನಾವು ವೇಗವಾಗಿ ಹೇಳಲು ಯತ್ನಿಸಿದಾಗ ಮಾತ್ರ.

"ಅವಳರಳಳೆದ ಕೊಳಗದಲಿ ಇವಳರಳಳೆದಳು'



ಅರಳೀಮರಬುಡ ತಳಿರೊಡೆದೆರಡೆಲೆ ಮತ್ತೆರಡೆಲೆ ಹೆಚ್ಚಾಯ್ತು



"ಆಲದಮರಬುಡತಳಿರೊಡೆದೆರೆಡೆಲೆಯಾಯಿತು"



"ತರಿಕೆರೆಕೆರೆ ಏರಿ ಮೇಲೆ ಮೂರು ಕರಿಕುರಿಮರಿ ಮೇಯ್ತಿತ್ತು" ಇದನ್ನ ಹೇಳೋಕೆ ನಾವು ಕಷ್ಟ ಪಡುವಾಗ ’ದೇವರ ದುಡ್ಡ’ ಚಿತ್ರದಲ್ಲಿ ಎಸ್.ಪಿ.ಬಾಲಸುಬ್ರಮಣ್ಯಂ ಅವರು ಎಷ್ಟ್ ಚೆನ್ನಾಗಿ ಹಾಡಿದ್ದಾರೆ ಕೇಳಿ.









"ಯಾಕ್ ಯಕ್ ಚಿಕ್ಕಪ್ಪ ಕಣ್ ಕಣ್ ಬಿಡ್ತಿಯ" ಇದನ್ನು ವೇಗವಾಗಿ ಹೇಳುತ್ತಾ ಹೋದರೆ.. ಚಿಕ್ಕಪ್ಪ.. ಚಿಪ್ಪಕ್ಕ ಆಗಿರುತ್ತಾನೆ..



"ಸಂಪಂಗಪ್ಪನ ಮಗ ಮರಿಸಂಪಂಗಪ್ಪ" ಇದರಲ್ಲೇ ಸ್ವಲ್ಪ ಭಿನ್ನವಾದದ್ದು ಇನ್ನೆರಡು

"ಸಂಪಂಗಪ್ಪನ ಮಗ ಮರಿಸಂಪಂಗಪ್ಪ. ಮರಿಸಂಪಂಗಪ್ಪನ ಅಪ್ಪ ಸಂಪಂಗಪ್ಪ"

ಸಂಪಿಗೆ ಕೆಂಪುಗಂಗಪ್ಪನ ಮಗ ಮರಿಕೆಂಪುಗಂಗಪ್ಪಅನ್ನೋದನ್ನ ಬೇಗಬೇಗ ಹೇಳುತ್ತಾ ಹೋದರೆ ಗಂಗಪ್ಪ ಗಂಗಮ್ಮನಾಗಿ ಬದಲಾಗುತ್ತಾನೆ.



"ಬಂಕಾಪುರದ ಕೆಂಪು ಕುಂಕುಮ ಬಂಕಾಪುರದ ಕೆಂಪು ಕುಂಕುಮ ಬಂಕಾಪುರದ ಕೆಂಪು ಕುಂಕುಮ"

ಜಂಬಗಿ ತೂಕಪ್ಪ ತುಂಬಿದ ತುಪ್ಪದ ತಂಬಿಗಿ ತಂದಾನ'

"ತಾತಪ್ಪ ತುಂಬಿದ ತುಪ್ಪದ ತಂಬಿಗೆ ತಂದಾನ"

"ಕುರುಡು ಕುದುರೆಗೆ ಹುರಿದ ಹುರ್ಕಡ್ಲಿ"



ತಮಿಳಿನಲ್ಲೂ ಇಂಥದೊಂದು ಇದೆಯೆಂದು ಸ್ನೇಹಿತರು ಹೇಳಿದ್ರು: ಇದು ಯಾರ್‍ ತೆಚ್ಚ ಚಟ್ಟೆ, ಎಂಗ ತಾತ ತೆಚ್ಚ ಚಟ್ಟೆ (ಇದು ಯಾರು ಹೊಲಿದ ಅಂಗಿ, ನಮ್ಮ ತಾತ ಹೊಲಿದ ಅಂಗಿ) ಇದನ್ನು ವೇಗವಾಗಿ ಹೇಳುತ್ತಿದ್ದರೆ ಎಲ್ಲೋ ಒಂದು ಕಡೆ ತಾತ ಚತ್ತ’ (ತಾತ ಸತ್ತ) ಅಂತ ಆಗಿಬಿಡುತ್ತೆ.



ಮೇಲಿನ ಸಾಲುಗಳಲ್ಲಿ ಯಾವುದಾದರೂ ಒಂದನ್ನು ವೇಗವಾಗಿ ಹೇಳಲು ಪ್ರಯತ್ನಿಸಿ. ಎರಡು ಅಥವಾ ಮೂರು ಸಾರಿ ವೇಗವಾಗಿ ಹೇಳುವಷ್ಟರಲ್ಲಿ ನಿಮ್ಮ ನಾಲಗೆ ಹೇಗೆ ತೊಡರಿಕೊಳ್ಳುತ್ತೆ ಅಂತ ನೀವೇ ಅನುಭವಿಸಿ, ಆನಂದಿಸಿ! ಈ ನಾಲಗೆ ತಿರುಚುಗಳ ಮೋಜಿನ ಆಟ ಹೇಗಿತ್ತು ಅಂತ ತಪ್ಪದೇ ತಿಳಿಸಿ ಆಯ್ತಾ ;) ಹಾಗೇನೆ ನಿಮಗೆ ಇನ್ನೂ ಹಲವಾರು ಕನ್ನಡದ ನಾಲಗೆ ತಿರುಚುಗಳು ತಿಳಿದಿದ್ದಲ್ಲಿ, ದಯವಿಟ್ಟು ಹಂಚಿಕೊಳ್ಳುತ್ತೀರಾ?



ಇದು ಯಾವ ಭಾಷೆ?

ಪುಟ್ಟಿಯನ್ನ ಯಾರು ಯಾವುದೇ ಭಾಷೇಲಿ ಮಾತಾಡಿಸಿದ್ರೂ ಅವಳಿಗೆ ಎಲ್ಲಾ ಅರ್ಥ ಆಯ್ತು ಅನ್ನೋ ತರಹ ತಲೆ ಅಲ್ಲಾಡಿಸಿ ಕಿಸಕಿಸನೆ ನಗುತ್ತಾಳೆ. ಹೀಗೆ ಎಲ್ಲಾ ಭಾಷೆಗಳ ಪ್ರವೀಣೆಯಾದ ನಮ್ಮ್ ಪುಟ್ಟಿ ಮಾತಾಡೋದು ಮಾತ್ರ ಕೆಲವೊಮ್ಮೆ ನಮಗೆ ಅರ್ಥನೇ ಆಗೊಲ್ಲ. ಅದ್ಯಾವ ಭಾಷೆ ಮಾತಾಡ್ತಾಯಿರ್ತಾಳೊ ಅವಳಿಗೇ ಗೊತ್ತು. ಇತ್ತೀಚೆಗೆ ಇದರ ಅನುಭವ ನನ್ನ ಸ್ನೇಹಿತೆಯ ಮಗ ಸಿದ್ಧಾರ್ಥನಿಗೂ ಆಯಿತು. ಇವಳೋ ಪಟಪಟ ಅಂತ ಮಾತಾಡ್ತಿದ್ದಾಳೆ. ಅವನಿಗೆ ಏನೂ ಅರ್ಥವಾಗದೆ "ವಾಟ್, ವಾಟ್" ಅಂತ ಕೇಳ್ತಾಯಿದ್ದಾನೆ. ಇವರಿಬ್ಬರ ಈ ಮಾತಿನಾಟ ನೋಡ್ತಾ ಸಿದ್ಧಾರ್ಥನ ತಮ್ಮ ಸುಮುಖ್ ನಗ್ತಿದ್ದಾನೆ ನೋಡಿ :)