ಯುಗಾದಿ ಹಬ್ಬ !!!

ವರುಷದ ಮೊದಲು
ಬಂದಿತು ಹಬ್ಬ
ಯುಗಾದಿ ಅದರ ಹೆಸರಣ್ಣ

ಬೇವು ಬೆಲ್ಲವ ತಿಂದು
ಕಷ್ಟ ಸುಖ ಸಮನಾಗಿ
ನೋಡೋಣ ಬಾರಣ್ಣ

ಎಣ್ಣೆಯ ಹಚ್ಚಿ
ಸ್ನಾನ ಮಾಡಿ
ಹೊಸ ಬಟ್ಟೆಯನು ಧರಿಸೋಣ

ಮಾವಿನ ಬೇವಿನ
ತೋರಣ ಮಾಡಿ
ಬಾಗಿಲಿಗೆ ಕಟ್ಟೋಣ

ಪೂಜೆಯ ಮಾಡಿ
ಭಟ್ಟರು ಓದುವ
ಪಂಚಾಂಗವ ಕೇಳೋಣ

ಅಮ್ಮನು ಮಾಡುವ
ಬಿಸಿಬಿಸಿ ಹೋಳಿಗೆ
ಸವಿಯನು ಸವಿಯೋಣ

ಸಾಲಲಿ ಕೂತು

ಬಾಳೆಯ ಎಲೆಯಲ್ಲಿ
ಹಬ್ಬದೂಟವ ಮಾಡೋಣ

ತಿಂದು ತೇಗಿ

ಆಟವ ಆಡಿ

ಎಲ್ಲರಿಗೂ ಶುಭವ ಕೋರೋಣ

--ರೂpaश्री

ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು!! ಬೆಂಗ್ಳೂರಿಂದ ಅಜ್ಜಿ-ತಾತಾ ಬಂದಿರೋದ್ರಿಂದ ಪುಟ್ಟಿ ಈಗ ಬಹಳ ಬಿಜಿ. ಜೊತೆಗೆ ನನ್ನ ಕೆಲಸ ಹೆಚ್ಚಾಗಿ/ ಸೋಮಾರಿತನ ಜಾಸ್ತಿಯಾಗಿ ಪುಟ್ಟಿ ಬ್ಲಾಗ್ ಇದುವರೆಗೆ ಒಂದು ಸಣ್ಣ ಬ್ರೇಕ್ ತಗೊಂಡಿತ್ತು. ಪ್ರೀತಿಯಿಂದ ವಿಚಾರಿಸಿದ ಎಲ್ಲರಿಗೂ ವಂದನೆಗಳು:)
ಮತ್ತೆ ಸಿಗೋಣ!

Read More