Showing posts with label ಮಾತು. Show all posts
Showing posts with label ಮಾತು. Show all posts

Monday, September 27, 2010

ಕಣ್ಣಾ ಮುಚ್ಚೆ ಕಾಡೆ ಗೂಡೆ...

ಕಣ್ಣಾ ಮುಚ್ಚೆ ಕಾಡೆ ಗೂಡೆ
ಉದ್ದಿನ ಮೂಟೆ ಉರುಳಿ ಹೋಯ್ತು
ನಿಮ್ಮಯ ಹಕ್ಕಿ ಬಚ್ಚಿಟ್ಟ್ ಕೊಳ್ಳಿ
ನಮ್ಮಯ ಹಕ್ಕಿ ಬಿಟ್ಟೇ ಬಿಟ್ಟೇ!



ಈ ಹಾಡಿನ ಬಗ್ಗೆ ಹಿಂದೆ ನನ್ನ ಬ್ಲಾಗಿನಲ್ಲಿ ಬರೆದಿದ್ದೆ...

Wednesday, September 15, 2010

Hand Ankle..


ಪುಟ್ಟಿ ಸ್ಕೂಲಿಗೆ ಹೋಗೊಕೆ ಶುರು ಮಾಡಿದಾಗಿನಿಂದ ಮನೆಯಲ್ಲೂ ಆಗಾಗ್ಗೆ ಸ್ವಲ್ಪ ಇಂಗ್ಲೀಷ್ ಮಾತಾಡೋಕೆ ಶುರು ಮಾಡಿದ್ದಾಳೆ, ಆಗೆಲ್ಲಾ ನಾವು"ಹಾಗಂದ್ರೇನು?" ಅಥವಾ "ಕನ್ನಡದಲ್ಲಿ ಅದನ್ನ ಹೇಗೆ ಹೇಳೋದು" ಅಂತ ಅವಳನ್ನು ಮತ್ತೆ ನಮ್ಮ್ ಕನ್ನಡ ಮಾತಾಡೋಕೆ ನೆನಪಿಸುತ್ತೀವಿ. ಇತ್ತೀಚೆಗೆ ಅವಳಿಗೆ ಸಣ್ಣದೊಂದು ಏನೆ ತಗುಲಿದರೂ ಬಂದು "ಉಫ್" ಮಾಡಿಸಿಕೊಳ್ಳೊ ಆಟ ಶುರುವಾಗಿದೆ.

ಇವತ್ತು ಆಟವಾಡುತ್ತಿದ್ದವಳು ಅಡುಗೆ ಮನೆಗೆ ನನ್ನ್ ಹತ್ರ ಓಡಿ ಬಂದು "ಅಮ್ಮ, My Hand Ankle hurt ಆಯ್ತು, ಉಫ್ ಮಾಡು" ಅಂದ್ಲು. "Hand Ankle" ಹಾಗಂದ್ರೇನು ಪುಟ್ಟಿ ನಂಗೆ ಅರ್ಥ ಆಗ್ಲಿಲ್ಲಾ ಅಂದೆ. ಅದಕ್ಕವಳು ತನ್ನ ಬಲಗೈ ಮಣಿಗಂಟನ್ನ ತೋರ್ಸಿ ಇಲ್ಲಿ ಉಫ್ ಮಾಡು ಅಂದ್ಲು. ನಾನು " ಪುಟ್ಟಿ ಇದು ’wrist' .. ankle ಅಂದ್ರೆ ಕಾಲಲ್ಲಿ ಇರೋದು ಅಂದೆ. ಅದಕ್ಕವಳು "ಹೂಂ, (ಕಾಲನ್ನು ತೋರಿಸುತ್ತಾ) ಅದು leg ankle, ಇದು (ಕೈ ತೋರಿಸುತ್ತಾ_ hand ankle ಅಂದ್ಲು!!!

Wednesday, August 18, 2010

ಅಪ್ಪನಿಗೆ ಬುದ್ಧಿವಾದ ....


ಇವತ್ತು ಬೆಳಗ್ಗೆ ತಿಂಡಿಗೆ ರೊಟ್ಟಿ ತಿನ್ನೋವಾಗ ಹೇಮಂತ್ ಒಂದೂವರೆ ತಿಂದು ನಂಗೆ ಸಾಕಾಯ್ತು ಅಂದ್ರು. ನಾನು ಇನ್ನರ್ಧ ತಿನ್ನಿ ಅಂದೆ. ಅವರು ಸುಮ್ನೆ ಯಾಕೆ ನಂಗೆ ಬಲವಂತ ಮಾಡ್ತೀಯ ಬೇಡ ಅಂದ್ರು. ನಾನು ಸುಮ್ಮನಿರದೆ, ಅರ್ಧ ರೊಟ್ಟಿ ಹೆಚ್ಚೇನಾಗೊಲ್ಲ ತಿನ್ನಿ ಅಂತ ವತ್ತಾಯಿಸುತ್ತಿದ್ದೆ. ಅಡುಗೆಮನೆಲಿ exhaust fan ಓಡ್ತಾಯಿದ್ದರಿಂದ ಸ್ವಲ್ಪ ಧ್ವನಿ ಏರಿಸಿ ಮಾತಾಡುತ್ತಿದ್ದೆ. ಅವರೂ ಬೇಡ ಬೇಡ ಅಂತನೇ ಇದ್ದ್ರು. ಅಷ್ಟ್ರಲ್ಲಿ ತನ್ನ ಡ್ರಾಯಿಂಗ್ ಟೇಬಲ್ ನಲ್ಲಿ ತಿಂಡಿ ತಿನ್ನುತ್ತಿದ್ದ ಪುಟ್ಟಿ ಬಂದು “ಅಪ್ಪ ಸುಮ್ನೆ ರೊಟ್ಟಿ ತಿನ್ನು, ಅಮ್ಮ ಕೊಟ್ಟಿದ್ದು ನಾನು ತಿಂತಾಯಿಲ್ಲ(ತಿಂತಾಯಿಲ್ವಾ) ಹಂಗೆ ತಿನ್ನು” ಅಂತಂದ್ಲು. ಆಹಾ! ನನ್ನ ಖುಶಿಗೆ ಮಿತಿಯೇ ಇರಲಿಲ್ಲJ

Saturday, June 05, 2010

ಅಮ್ಮ ರಾಗ :)


ಪುಟ್ಟಿ ದಿನಾ ಬೆಳಗ್ಗೆ ಎದ್ದಾಗ “ಅಮ್ಮ ಅಮ್ಮ” ಅಂತ ಕೂಗಿ ಕರೆಯೋದು ರೂಢಿ. ಅಪ್ಪ ಹೋದ್ರೆ ಕೆಲವೊಮ್ಮೆ ಬರೊಲ್ಲ ಅವ್ಳು, ನಾನೇ ಬೇಕು. ಅಡುಗೆ ಮನೆಯಲ್ಲಿ ತಿಂಡಿ ಕೆಲಸದ್ದಲ್ಲಿದ್ದಾಗ ಕೆಲವೊಮ್ಮೆ ಹೋಗೋದು ಲೇಟ್ ಆಗುತ್ತೆ. ಇವತ್ತೂ ಹಾಗೆ ಆಯ್ತು ನಾನು ಹೋಗೋಷ್ಟ್ರಲ್ಲಿ “ಅಮ್ಮ, ಅಮ್ಮಾ, ಆಆಮ್ಮ, ಆಮ್ಮ್ಮಾಆಆ.....” ಇತ್ಯಾದಿ ಕೂಗ್ತಾಯಿದ್ಲು. ಅದೇನೇ ಅದು ನಿಂದು ಪುಟ್ಟಿ ರಾಗ ಅಂದೆ “ಅದು ಅಮ್ಮ ರಾಗ” ಅಂತ ಕಿಸಕ್ಕನೆ ನಕ್ಕಳುJ

Monday, April 12, 2010

ಒಂದೂರಲ್ಲಿ...

ಪುಟ್ಟಿಗೆ ಈಗ ಕಥೆ ಹೇಳೋಕೆ ಅಮ್ಮ ಅಪ್ಪನ ಜೊತೆ ಅಜ್ಜಿ ತಾತಾ ಕೂಡ ಇದ್ದಾರೆ. ದಿನ ನಿತ್ಯ ತನಗೆ ಯಾವ ಕಥೆ ಬೇಕು ಅಂತ ಡಿಸೈಡ್ ಮಾಡೊದು ಪುಟ್ಟಿನೇ. ಹೀಗೆ ದಿನಕ್ಕೆ ನಾಲ್ಕಾರು ಕಥೆ ಕೇಳಿ ಕೇಳಿ, ಇತ್ತೀಚೆಗೆ ತಾನೇ ಕಥೆ ಹೇಳೋಕೆ ಶುರು ಮಾಡಿದ್ದಾಳೆ. ಅವಳು ಕಥೆ ಹೇಳೋಕೆ ಶುರು ಮಾಡಿ ೨ ವಾರಗಳೇ ಆಯ್ತಾದ್ರೂ ವಿಡಿಯೋ ತೆಗೆಯಲು ಆಗಿರಲಿಲ್ಲ, ನಿನ್ನೆ ಕೊನೆಗೂ ಸ್ವಲ್ಪ ರೆಕಾರ್ಡ್ ಮಾಡಿರುವೆ.
ಬನ್ನಿ ಕಥೆ ಹೇಳುವ ಕಥೆ ಕೇಳೋಣ :)

ಒಂದೂರಲ್ಲಿ....


Friday, September 11, 2009

ಅವ್ವ ಅಪ್ಪ ಯಾರು ಗೊತ್ತಾ ನಿಮ್ಗೆ?

ಮೊನ್ನೆ ಪುಟ್ಟಿ ಅವರಜ್ಜಿ ಜೊತೆ ಮಾತಾಡುತ್ತಿದ್ಲು. ನಾನು ಒಂದ್ ನಿಮ್ಷ ಒಳಗೆ ಹೋಗಿ ಬಂದೆ ಅಷ್ಟ್ರಲ್ಲಿ ಅಮ್ಮ ಇದೇನೆ ರೂಪ, ಪುಟ್ಟಿ ’ಅವ್ವ ಅಪ್ಪ’ ಅಂತ ಹೇಳ್ತಿದ್ದಾಳೆ ಆಗಿನಿಂದ ಅಂದ್ರು. ನನಗೂ ಆಶ್ಚರ್ಯವೆನಿಸಿ ಪುಟ್ಟಿಗೆ ಏನಮ್ಮ ಅದು ಅಂದೆ. ಅದಕ್ಕವಳು ತನ್ನ ಕೈಗಳನ್ನ ಟ್ವಿಂಕ್ಲಿಂಗ್ ಮಾಡುತ್ತಾ ’ಅವ್ವ ಅಪ್ಪ’ ಅಂದ್ಲು. ಅವಳು ೨-೩ ಸರ್ತಿ ತೋರ್ಸಿದಮೇಲೆ ಗೊತ್ತಾಯ್ತು ಅವಳು ’ಟ್ವಿಂಕಲ್ ಟ್ವಿಂಕಲ್ ಲಿಟ್ಟಲ್ ಸ್ಟಾರ್’ ರೈಮಿನ ’ಹೌ ಐ ವಂಡರ್’(ಅವ್ವ).. ಅಪ್ ಅಬೋವ್(ಅಪ್ಪ) ಹೇಳಲು ಪ್ರಯತ್ನಿಸ್ತಾಯಿದ್ದಾಳೆ ಅಂತ!!

ಇಲ್ಲಿಯವರೆಗೆ ತನಗೆ ಹಾಡಬೇಕೆನಿಸಿದಾಗ ಅಮ್ಮನಿಗೆ ಆಕ್ಷನ್ ಮೂಲಕ ಯಾವ ಹಾಡು/ ರೈ ಅಂತ ಹೇಳ್ತಾಯಿದ್ದ ಪುಟ್ಟಿ, ಇತ್ತೀಚೆಗೆ ಬಹಳಷ್ಟು ರೈಮ್ ಗಳನ್ನ ಹೇಳಲು ಪ್ರಯತ್ನಿಸುತ್ತಿದ್ದಾಳೆ.
ಅವಳು ಹೇಳೊದನ್ನ ನನ್ನ ಸ್ನೇಹಿತೆ ’ ಫಿಲ್ಲ್ ಅಪ್ ದ ಬ್ಯ್ಲಾಂಕ್ಸ್’ ಅಂತ ಕರಿತಾರೆ. ಅವಳು ಹೇಳೋ ರೀತಿ ಹೀಗೆ
ಪುಟ್ಟಿ: ಉಂಡಾ ಉಂಡ (ಉಂಡಾಡಿ ಗುಂಡ)
ನಾನು: ಮದ್ವೆ ಮನೆಗೆ ಹೋದ
ಪುಟ್ಟಿ: ತನ್ನೆಲ್ಲ ಬೆರಳುಗಳನ್ನ ತೋರಿಸುತ್ತಾ.... ಹತ್ತು
ನಾನು: ಹತ್ತು ಲಾಡು
ಪುಟ್ಟಿ: ತಿಂಟ(ತಿಂದ)
ಪುಟ್ಟಿ: ಇನ್ನು
ನಾನು: ಇನ್ನು ಬೇಕು ಎಂದ
ಪುಟ್ಟಿ: ಅಮ್ಮ ಬೆ....
ನಾನು: ಅಮ್ಮ ಬೆಣ್ಣೆ ಕೊಟ್ಟ್ರು
ಪುಟ್ಟಿ: ಅಪ್ಪ ...
ನಾನು: ಅಪ್ಪ ದೊಣ್ಣೆ ತಂದ್ರು
ಪುಟ್ಟಿ: ತನ್ನ ಕೈಗಳನ್ನ ಕಟ್ಟಿ, ಬೆರಳಿಂದ ಬಾಯ್ ಮುಚ್ಚಿಕೊಳ್ಳುವಳು
ನಾನು: ಕೈ ಕಟ್ಟ್ ಬಾಯ್ ಮುಚ್ಚ್

ಬಾ ಬಾ .. ಈಪ್(ಶೀಪ್).. ವೂಲ್.. ಎಚ್ಚ ಎಚ್ಚ(ಯಸ್ ಸರ್ ಯಸ್ ಸರ್)... ಇದು ಅವಳು ಬಾ ಬಾ ಬ್ಲ್ಯಾಕ್ ಶೀಪ್ ಹೇಳೊ ರೀತಿ :)

ಅಲ್ಲದೇ ನಾಯಿಮರಿ ಹಾಡು, ನಮ್ಮ ಮನೆಯ ಪಾಪ, ಒಂದು ಎರಡು ಮುಂತಾದವನ್ನ ಸ್ವಲ್ಪ ಸ್ವಲ್ಪ ಹೇಳಲು ಶುರು ಮಾಡಿದ್ದಾಳೆ!

Friday, July 24, 2009

ತಾತನ್ ಹೆಸ್ರು "ಮಾಮು"....

ಪುಟ್ಟಿ ಈಗ ಬಹಳಷ್ಟು ಹೊಸ ಹೊಸ ಮಾತುಗಳನ್ನ ಕಲ್ತಿದ್ದಾಳೆ. ಅಮ್ಮನ ಹೆಸ್ರು ಪೂಪ, ಅಪ್ಪನ ಹೆಸ್ರು "ಏಮಂತ್", ತಾತನ ಹೆಸ್ರು "ಮಾಮು"(ರಾಮು), ಅಜ್ಜಿತಾತ ಇರೋದು "ಇಂಡಾ"(ಇಂಡಿಯಾ) ಎಲ್ಲಾ ಹೇಳ್ತಾಳೆ. ಅಲ್ಲದೇ ವರ್ಲ್ಡ್ ಮ್ಯಾಪಿನಲ್ಲಿ ಇಂಡಿಯಾ, USA, ಆಸ್ಟ್ರೇಲಿಯಾ ಗುರುತಿಸ್ತಾಳೆ.



ಅವಳ ಬುಕ್ ನಲ್ಲಿರೋ ಬಹುತೇಕ ಎಲ್ಲಾ ಪ್ರಾಣಿಗಳನ್ನ ಗುರ್ತು ಹಿಡಿತಾಳೆ. ಅಲ್ಲದೇ ಅವನ್ನು ಅವರಪ್ಪನ ಸ್ಟ್ಯಾಂಪ್ಸ್ ನಲ್ಲಿ ಕೂಡ ಕಂಡುಹಿಡಿದು ತೋರಿಸ್ತಾಳೆ. ಆನಿ, ಆರ್ಚ್(horse), ಡಾಗಿ , ತೌ (cow), ಲಾಯ್(lion), ಫಿಶ್, ಶೀಪ್, ಚಿಚೆನ್ (chicken), ಬಾ (bird), ಬಟ್ (butterfly), ಮನ್ (monkey), ಡಕ್....

ಅವಳಿಗೆ ಬುಕ್ಸ್ ಅಂದ್ರೆ ತುಂಬಾ ಇಷ್ಟ. ಅವಳ ಇತರ ಎಲ್ಲಾ ಆಟದ ಸಾಮಾನುಗಳು ಈಗ ಮೂಲೆ ಸೇರಿವೆ. ಅವಳ ಬಳಿ ಇರೋ ಬುಕ್ಸ್ ಅಲ್ಲದೇ ಆಗಾಗ್ಗೆ ಲೈಬ್ರರಿಯಿಂದಲೂ ಬಹಳಷ್ಟು ಬುಕ್ಸ್ ತರ್ತೀನಿ ಪುಟ್ಟಿಗೆ. ಇಲ್ಲಿಯವರೆಗೆ ಅವಳು ಹೆಚ್ಚು ಇಷ್ಟಪಟ್ಟ ಬುಕ್ಸ್ ಇವು:
Moo, moo who are you? : a fold-out surprise book
Peek-a-baby [Board book]
Peek-a-boo! : a lift-the flap book
Baby loves peekaboo! : touch-and-feel and lift-the-flap
What does baby do? : a first lift-the-flap book [Board book]
Bob's busy saw [Board Book]
What does baby say? [Board book]
Baby animals [Board book]
My big animal book
Pooh's 123
Fruity Cutie Colors
Baby Bop's Counting Book
Barney's Color ಸರ್ಪ್ರೈಸ್

ಪ್ರತಿಯೊಂದು ಬುಕ್ಕನ್ನು ದಿನಕ್ಕೊಂದು ಐದಾರು ಸರ್ತಿ ತಿರುವು ಹಾಕುತ್ತಾ, ಅದರಲ್ಲಿರೋ ಪ್ರತಿಯೊಂದನ್ನು ಗುರುತಿಸಿ ಹೇಳೋದು ಅವಳಿಗೆ ಬಹಳ ಖುಶಿ. ಅವಳು ಹೀಗೆ ಹೇಳೋವಾಗ ಅಮ್ಮ ’ಗುಡ್ ಗರ್ಲ್’ ಹೇಳೋದು ಮರೆತ್ರೆ, ತನಗೆ ತಾನೆ "ದುದ್ದು, ಗುಗ್ಗು" ಹೇಳ್ಕೋತಾಳೆ :-) ಅವಳು ಹೀಗೆ ಬುಕ್ ಓದೊವಾಗ ನನ್ಗೆ ಅಥವಾ ಅವರಪ್ಪನಿಗೆ ಅದು, ಅದು ಅಂತ ಬೆರಳು ಮಾಡಿ ಕೇಳ್ತಾಳೆ. ಅದೇ ನಾವು ಕೇಳಿದ್ರೆ ೨-೩ ಸರಿ ಹೇಳಿ ನಂತರ ಏನೆ ಕೇಳಿದ್ರೂ "ಡಾಡಿಡುಡಾ, ಪಂಪಂ" ಅಂತೆಲ್ಲಾ ಏನೋ ಹೇಳ್ತಾಳೆ. ಅವಳಿಗೆ ಓದಲು ಬಿಡಬೇಕು, ನಾವು ಪ್ರಶ್ನೆ ಮಾಡಬಾರದು!!
ಅದೆ ನಾವು ಸರಿಯುತ್ತರ ಕೊಡದೇ "ಡಾಡಿಡುಡಾ, ಪಂಪಂ" ಅಂತೆಲ್ಲಾ ಅಂದ್ರೆ ಸಿಟ್ಟು ಮಾಡಿಕೊಂಡು "ಬಾಬಿ’(ಬ್ಯಾಡ್ ಬಾಯ್) ಅಂತಾಳೆ:(


ನಮ್ಮ್ ಪುಟ್ಟಿಗೆ ಟಿವಿ ಅಂದ್ರೆ ಅಷ್ಟಕ್ಕೆ ಅಷ್ಟೆ. ಆದ್ರೆ ಕನ್ನಡ ಅಥವಾ ಇಂಗ್ಲೀಶ್ ರೈಮ್ಸ್ ಹಾಕಿದ್ರೆ ನೋಡ್ತಾಳೆ ಅದೂ ಎಲ್ಲಾ ಹಾಡಿಗೂ ತನ್ನದೇ ಶೈಲಿಯಲ್ಲಿ ಆಕ್ಶನ್ ಮಾಡುತ್ತಾ! ಅದ್ ಬಿಟ್ಟ್ರೆ ಅನಿಮಲ್ ಪ್ಲಾನೆಟ್ ಅದ್ರಲ್ಲೂ ಆನೆ, ಪ್ರಾಣಿಗಳಿರೋ "ರಾಮಲಕ್ಷ್ಮಣ", "ಹಾಥಿ ಮೆರೆ ಸಾಥಿ" ಚಿತ್ರಗಳನ್ನ ಸ್ವಲ್ಪ ನೋಡ್ತಾಳೆ.
ರೈಮ್ಸ್ ಅವ್ಳಿಗೆ ಈಗ ನಾವು ಕಾರಿನಲ್ಲಿ ಹೋಗೋವಾಗ ಕೂಡ ಅಮ್ಮ ಹಾಡಿ ಹೇಳ್ಬೇಕು. ತನಗೆ ಯಾವ ರೈಮ್ ಬೇಕು ಅನ್ನೋದನ್ನ ಮಾತಿನಲ್ಲಿ ಅಥವಾ ಆಕ್ಷನ್ ಮಾಡಿ ತೋರಿಸ್ತಾಳೆ. ಇದ್ರಲ್ಲಿ ಅವ್ಳಿಗೆ "ಆನೆ ಬಂತು ಆನೆ", "ಅವಳ ಹೆಸ್ರು ಪದ್ದು", "ಘಂಟೆಯ ನೆಂಟನೆ", "ಚಂದಮಾಮ ಓಡಿ ಬಾ", "Baa baa black sheep", "Hickory Dickory dock", "Row row row your boat", "Twinkle Twinkle little star", "Humpty Dumpty sat on a wall", "Two little dicky birds sat on a wall" ಇವು ತುಂಬಾ ಇಷ್ಟ.

ಅಮ್ಮನಿಗೆ ಅಡಿಗೆ ಮನೆಯಲ್ಲಿ ಸಹಾಯ ಮಾಡೋದು ಅಂದ್ರೆ ಎಲ್ಲೆಲ್ಲಿದ ಖುಶಿ!! ಈರುಳ್ಳಿ ಸಿಪ್ಪೆ ಬಿಡಿಸೋದೇನು, ತಪಾತಿ(ಚಪಾತಿ) ಹಿಟ್ಟನ್ನ ನಾದೋದು, ಲಟ್ಟಿಸೊದು... ಮನೆಯಲ್ಲಿ ಸಣ್ಣದೊಂದು ಪೇಪರ್ ಚೂರು, ಕಸ ಬಿದ್ದಿದ್ರೂ "ಟಾಆ"(ಟ್ರಾಶ್/ಕಸ) ಅಂತ ಕಸದಬುಟ್ಟಿಗೆ ಹಾಕೋದು!! ಹೀಗೆ ದಿನವಿಡೀ ಏನೋ ಮಾಡುತ್ತಾ ಅಮ್ಮನಿಗೆ ಕೆಲ್ಸ ಕೊಡ್ತಾಳೆ:)



Wednesday, July 08, 2009

ಅಮ್ಮ, ನಾನು ಪಿಶ್!!!


ಈಗ ನಮ್ಮೂರಲ್ಲಿ ಬೇಸಿಗೆ ತುಂಬಾ ಜೋರಾಗಿದೆ. ದಿನ ಸೂರ್ಯ ಮುಳುಗೋದು ರಾತ್ರಿ ಒಂಬತ್ತಕ್ಕೆ. ದಿನವಿಡೀ ಸುಡು ಸುಡು ಅಂತಾಯಿರುತ್ತೆ, ಹೊರಗೆ ಹೋಕೆ ಆಗೊಲ್ಲ. ಪೂಲ್ ನಲ್ಲಿ ಆಟ ಮಿಸ್ಸ್ ಹಾಗಾಗಿ ಪುಟ್ಟಿಗೆ ಸ್ವಲ್ಪ ಬೋರ್. ಅದಕ್ಕೆ ದಿನಾ ಅವಳನ್ನ ಮನೇಲಿ ’ಸ್ನಾನ ತೊಟ್ಟಿ/ ಟಬ್’ ನಲ್ಲಿ ಸ್ವಲ್ಪ ಹೊತ್ತು ಆಟವಾಡಲು ಬಿಡೋದು!
ಇವತ್ತು ಹಾಗೆ ಆಡುತ್ತಿದ್ದವಳು "ಅಮ್ಮ, ಪಿಶ್" ಅಂದ್ಲು. ನಾನು "ಎಲ್ಲಿ ಪುಟ್ಟಿ?" ಅಂದೆ. ಅದಕ್ಕವಳು "ಗೀಡು ಗೀಡು (ಅಂದ್ರೆ ನೀರು)" ಅಂತದ್ಲು. ನೀರು ಸರಿ, ಫಿಶ್ ಎಲ್ಲಮ್ಮ ಅಂದಿದಕ್ಕೆ "ನಾನು" ಅನ್ನೋದೇ !!!
ಮೊನ್ನೆ ಅವಳ ಬುಕ್ ನಲ್ಲಿರೋ ಫಿಶ್ ತೊರಿಸುತ್ತಾ ಅದು ನೀರಲ್ಲಿ ಇರುತ್ತೆ ಇತ್ಯಾದಿ ಎಲ್ಲಾ ಹೇಳಿದ್ದೆ. ಈಗ ನೀರಿನಲ್ಲಿರೋ ತಾನೂ ಕೂಡ ಫಿಶ್ ಅನ್ನೋದು ಅವಳ ಅನಿಸಿಕೆ.

Saturday, June 06, 2009

ಇದು ಯಾವ ಭಾಷೆ?

ಪುಟ್ಟಿಯನ್ನ ಯಾರು ಯಾವುದೇ ಭಾಷೇಲಿ ಮಾತಾಡಿಸಿದ್ರೂ ಅವಳಿಗೆ ಎಲ್ಲಾ ಅರ್ಥ ಆಯ್ತು ಅನ್ನೋ ತರಹ ತಲೆ ಅಲ್ಲಾಡಿಸಿ ಕಿಸಕಿಸನೆ ನಗುತ್ತಾಳೆ. ಹೀಗೆ ಎಲ್ಲಾ ಭಾಷೆಗಳ ಪ್ರವೀಣೆಯಾದ ನಮ್ಮ್ ಪುಟ್ಟಿ ಮಾತಾಡೋದು ಮಾತ್ರ ಕೆಲವೊಮ್ಮೆ ನಮಗೆ ಅರ್ಥನೇ ಆಗೊಲ್ಲ. ಅದ್ಯಾವ ಭಾಷೆ ಮಾತಾಡ್ತಾಯಿರ್ತಾಳೊ ಅವಳಿಗೇ ಗೊತ್ತು. ಇತ್ತೀಚೆಗೆ ಇದರ ಅನುಭವ ನನ್ನ ಸ್ನೇಹಿತೆಯ ಮಗ ಸಿದ್ಧಾರ್ಥನಿಗೂ ಆಯಿತು. ಇವಳೋ ಪಟಪಟ ಅಂತ ಮಾತಾಡ್ತಿದ್ದಾಳೆ. ಅವನಿಗೆ ಏನೂ ಅರ್ಥವಾಗದೆ "ವಾಟ್, ವಾಟ್" ಅಂತ ಕೇಳ್ತಾಯಿದ್ದಾನೆ. ಇವರಿಬ್ಬರ ಈ ಮಾತಿನಾಟ ನೋಡ್ತಾ ಸಿದ್ಧಾರ್ಥನ ತಮ್ಮ ಸುಮುಖ್ ನಗ್ತಿದ್ದಾನೆ ನೋಡಿ :)
 

Thursday, March 12, 2009

ತಾಯಿತ ಯಾರು ಗೊತ್ತಾ??

ಅಪ್ಪ, ಅಮ್ಮ, ಪಾಪ, ತಾತಾ, ಮಾಮ ಇವಿಷ್ಟೆ ಮಾತಾಡುತ್ತಿದ್ದ ಪುಟ್ಟಿಗೆ ಈಗ ನಾವು ಮಾತಾಡೋದೆಲ್ಲ ಚೆನ್ನಾಗಿ ಅರ್ಥ ಆಗುತ್ತೆ. ತನಗೆ ಹಸಿವಾದ್ರೆ ಅಡಿಗೆ ಮನೆಗೆ ಕರೆದೊಯ್ದು ಬಟ್ಟಲು, ಸ್ಪೂನ್ ತೋರ್ಸಿತಾಳೆ. ನಿದ್ದೆ ಬಂದಾಗ ಹಾಸಿಗೆ ತೋರಿಸ್ತಾಳೆ. ಅಷ್ಟೆ ಅಲ್ಲ ತಾನೂ ಎಲ್ಲಾ ಮಾತಾಡಲು ಪ್ರಯತ್ನಿಸುತ್ತಾಳೆ.
ನಿನ್ನ್ ಹೆಸ್ರು ಏನು ಅಂದ್ರೆ "ತಾಯಿತ" ಅಂತ ಮುದ್ದಾಗಿ ಹೇಳ್ತಾಳೆ. ಸಾಹಿತ್ಯ ಯಾರು ಅಂತ ಪ್ರಶ್ನಿಸಿದ್ರೆ "ನಾಆಅನ್..ನಾಆಆನ್" ಅಂತ ತನ್ನ ಪುಟ್ಟ ಕೈಗಳಿಂದ ಎದೆ ತಟ್ಟುತ್ತಾಳೆ. ಅಮ್ಮ ಹೆಸ್ರೇನು ಅಂದ್ರೆ "ಊಪ, ಪೂಪ" ಅಂತ ನಗ್ತಾಳೆ. ನಾಯಿ ನೋಡಿದ್ರೆ "ದಾಗೀಈ.." ಅಂತ ತೋರಿಸ್ತಾಳೆ. ಡಾಗಿ ಏನ್ ಅನ್ನುತ್ತೆ ಅಂದ್ರೆ "ಬಾಬು..ಬೌಬು" ಅಂತಾಳೆ. ದೋಸೆ, ಚಪಾತಿ ಇವೆಲ್ಲ ಅವಳ ಬಾಯಲ್ಲಿ "ಚಾಪ" ಆದ್ರೆ, ಸೊಪ್ಪು "ತೊಪ್ಪು, ಚೊಪ್ಪು" ಆಗಿದೆ. ಬೆಕ್ಕು ನೋಡಿದ್ರೆ "ಮಯ್ಯ ಮಯ್ಯ" ಅಂತ ಸಂತಸ ಪಡ್ತಾಳೆ. ಅಮ್ಮನ ಕೈಯಲ್ಲಿ ಹಾಲಿನ ಲೋಟ ನೋಡಿದ್ರೆ ಬಹಳ ಖುಶಿಯಿಂದ "ಹಾಆಲ್...." ಅಂತಾಳೆ. ಸಂಜೆ ಹಾಲು ಕುಡಿದ ತಕ್ಷಣ ಚಪ್ಪಲಿ ತೋರಿಸಿ "ಚಪ್ಪ ಚಪ್ಪ" ಅಂತ ತನ್ನ ಕಾಲುಗಳನ್ನ ತೋರಿಸಿ ಹಾಕು ಅಂತ ಸನ್ನೆ ಮಾಡ್ತಾಳೆ. ನಿದ್ದೆ ಮಾಡಲು ಹಾಸಿಗೆ ಬಳಿ ಹೋದ್ರೆ "ತಾತಿ.. ತಾಗಿ" ಅಂತಾಳೆ. ಮುದ್ದು ಮಾಡೋ ಅಜ್ಜಿನ ಕಂಡು "ಅಗ್ಗಿ" ಅಂತ ಕೂಗ್ತಾಳೆ. ಅವಳು ಕೆನ್ನೆ ಮುತ್ತು ಕೊಟ್ಟಾಗ ಅಮ್ಮ ಥ್ಯಾಂಕ್ಯೂ ಅಂದ್ರೆ ತಾನೂ " ತಾಕ್" ಅಂತಾಳೆ. ಅಜ್ಜ ಪೂಜೆ ಮಾಡೋವಾಗ ಅವರ ಜೊತೆ ದೇವರಮನೆಲಿ ಕೂತು "ಊವಾ (ಹೂವು), ಅನ್ನ(ಹಣ್ಣು)" ತೋರಿಸ್ತಾಳೆ. ಮನೆಗೆ ಬರುವ ಅಕ್ಕ ಪಕ್ಕದ ಮನೆಯ ಮಕ್ಕಳನ್ನ "ಅತ್ತ, ಅನ್ನಾಆಅ..." ಅಂತ ಕರೆಯುತ್ತಾ ಅವರೊಂದಿಗೆ ಆಟವಾಡ್ತಾಳೆ. ಅವಳಿಗಿಷ್ಟವಾದ ಬಾಳೆಹಣ್ಣು ಕಾಣಿಸಿದ್ರೆ "ನಾನಾ" ಅಂತ ಕೈ ತೋರಿಸಿ ಕೇಳ್ತಾಳೆ.
ಅವಳ ಈ ಮುದ್ದು ಮಾತುಗಳನ್ನ ವಿಡಿಯೋ ರೆಕಾರ್ಡ್ ಮಾಡೋಣ ಅಂತ ಕ್ಯಾಮೆರಾ ಕೈಗೆತ್ತಿದರೆ ಸಾಕು ಪೋಸ್ ಕೊಟ್ಟು ನಗಲು ಶುರು ಮಾಡ್ತಾಳೆ. ಆಗ ಎಷ್ಟು ಮಾತಾಡ್ಸಿದ್ರೂ ನಗುನೇ ಮಾತಾಗುತ್ತೆ. ಆದ್ರೂ ಕೆಲವನ್ನು ರೆಕಾರ್ಡ್ ಮಾಡಿದ್ದೀನಿ. ಅದರ ತುಣುಕು ಇಲ್ಲಿದೆ ನೋಡಿ.

Sunday, March 08, 2009

ತಾತು ಅಂದ್ರೆ ತಾಯಿನ್!!

ಪುಟ್ಟಿ ಸಣ್ಣ ಮಗುವಾಗಿದ್ದಾಗಿನಿಂದ ಪ್ರತಿ ದಿನ ಎದ್ದ ಕೂಡಲೆ ಅವಳನ್ನ ದೇವರ ಮುಂದೆ ಕರೆತರೋದು ರೂಢಿ. ಒಂದೆರಡು ಶ್ಲೋಕಗಳನ್ನು ಹೇಳಿ, ಅವಳ ಕೈಯಿಂದ ಹುಂಡಿಗೆ ಕಾಸು ಹಾಕಿಸೋದು ಅವರಪ್ಪನ ಕೆಲಸ. ಇತ್ತೀಚೆಗೆ ಎದ್ದ ಕೂಡಲೆ ಪುಟ್ಟಿ ರೂಮ್ ನಲ್ಲಿರೋ ದೇವರಿಗೆ ಕೈ ಮುಗಿದು, "ಓಂ" ಹೇಳ್ತಾಳೆ. ಅವರಪ್ಪನ ಸ್ನಾನವಾದ ನಂತರ, ಅವರೊಂದಿಗೆ ದೇವರ ಮುಂದೆ ಹೋಗಿ ತಾನೂ ಕೈ ಮುಗಿದು, ಅವರಪ್ಪ ಮರೆತರೆ ತಾನೇ "ತಾತು ಅಥವಾ ತಾಯಿನ್" ಅಂತ ಕೇಳಿ ಹುಂಡಿಗೆ ದುಡ್ಡು ಹಾಕ್ತಾಳೆ.
ಅಲ್ಲದೇ ಅವರಪ್ಪನ ಕಾಯಿನ್ ಕಲೆಕ್ಷನ್ ನೋಡೋದು ಅವಳಿಗೆ ಬಲು ಖುಶಿ! ಅಪ್ಪನ ಆಲ್ಬಂನೆಲ್ಲಾ ದಿನಾ ಒಂದ್ ಸರ್ತಿ ಜಾಲಾಡ್ತಾಳೆ. ಪ್ರತಿಯೊಂದು ಕಾಯಿನ್ ತೋರಿಸಿ "ಅದು ತಾತು, ಇದು ತಾತು" ಅಂತ ಹೇಳ್ತಾಳೆ. ಅವರಪ್ಪ ಕಾಯಿನ್ ಜೋಡಿಸಲು ಕುಳಿತರೆ ತಾನೂ ಕೂರ್ತಾಳೆ.

ಝಣ ಝಣ ಝಣ
ಜೇಬು ತುಂಬ ಹಣ
ಮೇಲಕೆತ್ತಿ ಬಿಡಲು ಸದ್ದು
ಠಣ್ ಠಣಾ ಠಣ.
ನದಿಯೊಲ್ಲೊಂದು ಬಕ
ಮುದುರಿಕೊಂಡು ಮುಖ
ಕಾಲನೆತ್ತಿ
ಕುಣಿಯುತ್ತಿತ್ತು
ಥೈ ಥಕಾ ಥಕಾ..
ಸುತ್ತ ಹಸಿರು ವನ
ನಡುವೆ ಮೇವ ದನ
ಕೊಳಲನೂದಿ ಗೊಲ್ಲನೊಬ್ಬ
ತನನ ನಾ ತನಾ...