Showing posts with label ಲಾಲಿ ಹಾಡು. Show all posts
Showing posts with label ಲಾಲಿ ಹಾಡು. Show all posts

Saturday, August 20, 2011

ತೂಗುವೆ ರಂಗನ ತೂಗುವೆ ಕೃಷ್ಣನ!!!




ತೂಗುವೆ ರಂಗನ ತೂಗುವೆ ಕೃಷ್ಣನ
ತೂಗಿ ಜೋ ಜೋ ಹಾಡುವೆ

ಮೇಲುಕೋಟೆಯ ಸ್ವಾಮಿ ಚೆಲುವರಾಯನ
ಬೇಲೂರ ಶ್ರೀಚೆನ್ನಕೇಶವನ
ಉಡುಪಿಯಲಿ ವಾಸಿಸುವ ಶ್ರೀ ಕೃಷ್ಣನ
ಶ್ರೀರಂಗಪಟ್ಟಣದಿ ಮಲಗಿದವನ

ತೂಗುವೆ ರಂಗನ ತೂಗುವೆ ಕೃಷ್ಣನ
ತೂಗಿ ಜೋ ಜೋ ಹಾಡುವೆ



ಕಣ್ಣಲ್ಲಿ ಹುಣ್ಣಿಮೆ ತಂದವನ
ನಗುವಲ್ಲೇ ಮಲ್ಲಿಗೆ ಚೆಲ್ಲುವನಾ
ಚಲುವಲ್ಲೆ ತಾವರೆಯ ನಾಚಿಸುನವ
ಈ ಮನೆಯ ಬೆಳಕಾಗಿ ಬಂದವನ

ತೂಗುವೆ ರಂಗನ ತೂಗುವೆ ಕೃಷ್ಣನ
ತೂಗಿ ಜೋ ಜೋ ಹಾಡುವೆ



ಆಲದೆಲೆಯ ಮೇಲೆ ಮಲಗಿದವನ
ಹತ್ತವತಾರದ ಪರಮಾಥ್ಮನ
ಮತ್ತೆ ನಮಗಾಗಿಳೆಗೆ ಬಂದವನ
ಜಗವನ್ನೆ ತೂಗುವ ಜಗದೀಶನ


ತೂಗುವೆ ರಂಗನ ತೂಗುವೆ ಕೃಷ್ಣನ
ತೂಗಿ ಜೋ ಜೋ ಹಾಡುವೆ

Saturday, August 21, 2010

ಬಾ ಬಾರೋ ಚಿನ್ನ...




ಬಾ ಬಾರೋ ಚಿನ್ನ,

ಇನ್ನೆಷ್ಟು ಆಡುವೇ?

ಬೇಡವೆ ಆಟಕೆ ಪುರುಸೊತ್ತು?

ಬೇಡವೆ ಆಟಕೆ ಪುರುಸೊತ್ತು, ನನ್ನ ಚಿನ್ನ?

ನಿದ್ದೆ ಮಾಡುವ ಹೊತ್ತು ಈಗಾಯ್ತು...||


ಬೆಳಗಿಂದ ನೀನು ಎಷ್ಟೊಂದು ಆಡಿದೆ,

ದಣಿವಿಲ್ಲವೇನೋ ನನ್ನ ರಾಜ

ದಣಿದಿಲ್ಲವೇನೋ ನನ್ನ ಮುದ್ದು ರಾಜಣ್ಣ

ನಿದ್ದೆ ಮಾಡುವ ಹೊತ್ತು ಈಗಾಯ್ತು...||


ನಾಳೆ ಆಡುವೆಯಂತೆ,

ತೀಟೆ ಮಾಡುವೆಯಂತೆ,

ನಿದ್ದೆಯ ಮಾಡೋ ಬಂಗಾರ

ನಿದ್ದೆ ಮಾಡೋ ಬಂಗಾರ - ದಮ್ಮಯ್ಯ

ಮಲಗುವ ಹೊತ್ತು ಈಗಾಯ್ತು...||


ಹಾಲು ಕೆನ್ನೆಯ ರಾಜ,

ಕಪ್ಪು ಕಂಗಳ ತೇಜ

ತೂಗುವೆ ಬಾರೋ ನನ್ನ ಪುಟ್ಟ

ತೂಗುವೆ ಬಾರೋ ನನ್ನ ಪುಟ್ಟಣ್ಣ

ಮಲಗುವ ಹೊತ್ತು ಈಗಾಯ್ತು...||


ಜೋಗುಳವಾ ಹಾಡುವೆನೋ,

ನಿನ್ನ ಮುದ್ದಾಡುವೆನೋ

ಬಿಗಿದಪ್ಪಿ ಹಾಡುವೆನೋ ನಿನ್ನ ಮುದ್ದಡುವೆನೋ

ಮಡಿಲಿಗೆ ಬಾರೋ ತುಂಟಣ್ಣ

ಮಡಿಲಿಗೆ ಬಾರೋ ತುಂಟಣ್ಣ


ನನ್ನೊಡೆಯ ಮಲಗುವ ಹೊತ್ತು ಈಗಾಯ್ತು

ನಿದ್ದೆ ಮಾಡುವ ಹೊತ್ತು ಈಗಾಯ್ತು...

ಮಲಗಲು ಬಾರೋ ತುಸು ಹೊತ್ತು...

ಮಲಗುವ ಹೊತ್ತು ಈಗಾಯ್ತು...||

ಶ್ರೀನಿವಾಸ್ ಅವರು ಅವರ ಅಕ್ಕನ ಮಗ ಪ್ರದ್ಯುಮ್ನನಿಗೆ ಮಧ್ಯಮಾವತಿ ರಾಗದಲ್ಲಿ ಹಾಡಿರುವ ಹಾಡು ಕೇಳಿ...
Get this widget | Track details | eSnips Social DNA

Tuesday, September 29, 2009

ಕಂದ ಕಣ್ಮಣಿಯೆ ಜೋ ಜೋ...

ಚಿತ್ರ: ಬಾಲ ನಾಗಮ್ಮ (1966)
ರಚನೆ: ಚಿ.ಉದಯಶಂಕರ್
ಸಂಗೀತ: ಎಸ್.ರಾಜೇಶ್ವರ ರಾವ್
ಗಾಯಕಿ : ಎಲ್.ಆರ್.ಈಶ್ವರಿ


ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ.....
ಹೂವಿನ ಹಾಸಿಗೆಯ ಹಾಸುವೆನು ತೂಗುವೆನು
ಜೋ ಜೋ ಹಾಡುವೆನು

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ.....

ಮೋಡದ ತೆರೆಯಿಂದ ಚಂದಿರ ಕೈಚಾಚಿ
ನಿನ್ನನು ಕರೆಯುತಿಹ ನಗುತ ವಿನೋದದಿ
ಮೋಡದ ತೆರೆಯಿಂದ ಚಂದಿರ ಕೈಚಾಚಿ
ನಿನ್ನನು ಕರೆಯುತಿಹ ನಗುತ ವಿನೋದದಿ
ಕೊಡುವ ತಾರೆಗಳ ಆಡಲಿಕ್ಕೆ ಎನುತಿರುವ

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ......

ಅಮ್ಮನ ಪೂಜೆಗಳ ಪುಣ್ಯದ ರೂಪ ನೀ
ಅಮ್ಮನ ಸಂಕಟವ ಹರಿಸಲು ಬಂದಿರುವ
ಅಮ್ಮನು ಪೂಜೆಗಳ ಪುಣ್ಯದ ರೂಪ ನೀ
ಅಮ್ಮನ ಸಂಕಟವ ಹರಿಸಲು ಬಂದಿರುವ
ಮಗುವೆ ಶಂಕರನು ನಿನ್ನನು ತಾ ಪಾಲಿಸಲಿ

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ......
ಹೂವಿನ ಹಾಸಿಗೆಯ ಹಾಸುವೆನು ತೂಗುವೆನು
ಜೋ ಜೋ ಹಾಡುವೆನು

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ....

Thursday, June 25, 2009

ಲಾಲಿ ಲಾಲಿ... ಕತ್ತೆಯ ಮರಿ ಚೆಂದ !

ಸರ್ವಮಂಗಳ ಚಿತ್ರದಲ್ಲಿ ಎಸ್.ಜಾನಕಿ ಅವರು ಇಂಪಾಗಿ ಹಾಡಿರೋ ಅಮ್ಮನ ಮಮತೆ ತುಂಬಿರೋ ಈ ಹಾಡು....

ಲಾಲಿ ಲಾಲಿ ಲಾಲಿ ಲಾಲಿ
ಕತ್ತೆಯ ಮರಿ ಚೆಂದ
ತೊತ್ತಿನ ನುಡಿ ಚೆಂದ
ಕತ್ತೆಯ ಮರಿ ಚೆಂದ
ತೊತ್ತಿನ ನುಡಿ ಚೆಂದ
ಮುತ್ತುಗದ ಹೂವು ಕಡು ಚೆಂದ
ಮುತ್ತುಗದ ಹೂವು ಕಡು ಚೆಂದ
ಕಂದಮ್ಮಾ ..ನಿನ್ನಾಟ ಚೆಂದ ನಮಗೆಲ್ಲಾ
ನಿನ್ನಾಟ ಚೆಂದ ನಮಗೆಲ್ಲಾ
ಲಾಲಿ ಲಾಲಿ ಲಾಲಿ ಲಾಲಿ

ಎಲ್ಲರಾ ಮಕ್ಕಳಂಗೆ ಅಲ್ಲ ಕಣೆ ನನ್ನಮ್ಮ
ಎಲ್ಲರಾ ಮಕ್ಕಳಂಗೆ ಅಲ್ಲ ಕಣೆ ನನ್ನಮ್ಮ
ನಲ್ಲರಳಗಣ್ಣು ನಗು ಮುಖಾ
ನಲ್ಲರಳಗಣ್ಣು ನಗು ಮುಖಾ
ಕಾಮನಬಿಲ್ಲು ಹೋಲ್ತಾವೆ ಕುಡಿ ಹುಬ್ಬು
ಬಿಲ್ಲು ಹೋಲ್ತಾವೆ ಕುಡಿ ಹುಬ್ಬು
ಲಾಲಿ ಲಾಲಿ ಲಾಲಿ ಲಾಲಿ

ಕಂಡದ್ದು ಕನಸಾಗಿ ಉಂಡದ್ದು ಸವಿಯಾಗಿ
ಕಂಡದ್ದು ಕನಸಾಗಿ ಉಂಡದ್ದು ಸವಿಯಾಗಿ
ಕಂದ ನೀ ಕಾಡಬೇಡೆಂದು ಬೇಡುವೆ
ಕಂದಮ್ಮ ಮಾಡು ನಿದ್ದೆಯ
ಕಂದಮ್ಮ ಮಾಡು ನಿದ್ದೆಯ
ಲಾಲಿ ಲಾಲಿ ಲಾಲಿ ಲಾಲಿ
ಲಾಲಿ ಲಾಲಿ ಲಾಲಿ ಲಾಲಿ


Tuesday, May 12, 2009

ಪುಟ್ಟಿಯ ಪುಟ್ಟ್ ತಂಗಿ:)

ಪುಟ್ಟಿಗೆ ಈಗ ಒಬ್ಳು ಪುಟ್ಟ್ ತಂಗಿ ಬಂದಿದ್ದಾಳೆ. ಬೆಂಗಳೂರಿನಲ್ಲಿರೋ ಚಿಕ್ಕಮ್ಮ-ಚಿಕ್ಕಪ್ಪ ಸೀಮಾ ಶರತ್-ಗೆ ಹುಟ್ಟಿರೊ ಮುದ್ದಾದ ಮಗೂ ಫೋಟೋ ನೋಡ್ತಾ ಪುಟ್ಟಿ ತನ್ನ ಎಂದಿನ ಸ್ಟೈಲ್-ನಲ್ಲಿ "ಪಾಪೂಊಊಊ..." ಅಂತ ಚಪ್ಪಾಳೆ ತಟ್ಟುತ್ತಾ ಕೂಗಿದ್ಲು.



ಮಲಗು ಮಲಗೆನ್ನ ಮರಿಯೆ
ಬಣ್ಣದ ನವಿಲಿನ ಗರಿಯೆ
ಎಲ್ಲಿಂದ ಬಂದೆ ಈ ಮನೆಗೆ
ನಂದನ ಇಳಿದಂತೆ ಧರೆಗೆ
ಜೋ..ಜೋಜೋಜೋ...

ತಾವರೆ ದಳ ನಿನ್ನ ಕಣ್ಣು
ಕೆನ್ನೆ ಮಾವಿನ ಹಣ್ಣು
ಸಣ್ಣ ತುಟಿಯ ಅಂದ
ಬಣ್ಣ್ದ ಚಿಗುರಿಗು ಚಂದ
ನಿದಿರೆ ಮರುಳಲ್ಲಿ ನಗಲು
ಮಂಕಾಯ್ತು ಉರಿಯುವ ಹಗಲು
ಜೋ..ಜೋಜೋಜೋ...

ಒಲುಮೆ ಹರಸಿದ ಕಂದ
ಹುಣ್ಣಿಮೆ ದೇವಗು ಚಂದ
ಬೆಳಕ ಕರೆವ ಅರುಣ
ನಿನ್ನ ನಗೆಯ ಕಿರಣ
ಚೆಲುವಿಗೆ ಸಾಟಿಯೆ ಕಾಮ
ತಿಮ್ಮಪ್ಪನಿಗೆ ಮೂರು ನಾಮ
ಜೋ..ಜೋಜೋಜೋ...

--ಎನ್.ಎಸ್.ಲಕ್ಶ್ಮಿನಾರಾಯಣ ಭಟ್ಟ್

Sunday, February 08, 2009

ಮಲಗು ಕಂದ ಮಲಗು

ಹರಿವಲಹರಿ ಬ್ಲಾಗ್-ನಲ್ಲಿ ಸುಪ್ತ ದೀಪ್ತಿಯವರು ಬರೆದ ಈ ಪದ್ಯ ನಂಗೆ ಬಹಳ ಇಷ್ಟ.
ಮಲಗು ಮಲಗು ಪುಟ್ಟ ಮಗು
ಮಲಗು ನನ್ನ ಮುದ್ದು ಮಗು
ಅಳದಿರು ನೀನು ಬಿಕ್ಕಳಿಸಿ
ಅಪ್ಪುವೆ ನಿನಗೊಂದು ಮುತ್ತಿರಿಸಿ

ಅತ್ತು ಸುತ್ತಿ ಹೊರಳದಿರು
ಅರಚಿ ಪರಚಿ ಕಿರುಚದಿರು
ನಿದಿರಾದೇವಿ ಬರುತಿಹಳು
ನಿನ್ನಯ ಕಣ್ಣಲೇ ಕೂರುವಳು

ಚಂದಿರ ಮಾಮ ಬಂದಿಳಿವ
ಚಂದದ ಊರಿಗೆ ಕರೆದೊಯ್ಯುವ
ತಾರೆಗಳೊಡನೆ ನೀ ಆಡು
ತಾರೆಯ ತೋಟದಿ ನಲಿದಾಡು
ನಿದಿರೆ ಮುಗಿಸಿ ನೀ ಎದ್ದಾಗ
ನನ್ನಯ ಅರಸಿ ಬಂದಾಗ
ಚಿನ್ನಾರಿ ಚೆಲುವೆಗೆ ಹಾಲ್ಕೊಡುವೆ
ಚೆನ್ನಾದ ಆಟಿಕೆ ಕೈಲಿಡುವೆ
ಇದು ಪುಟ್ಟಿ ಎಂಟು ತಿಂಗಳ ಮಗುವಾಗಿದ್ದಾಗ ತೆಗೆದ ಫೋಟೋ.

Monday, May 05, 2008

ಜೋಲಿಯಲ್ಲಿ ಪುಟ್ಟಿ :)

ಹುಟ್ಟಿದಾಗಿನಿಂದಲೂ ಪುಟ್ಟಿಗೆ ಮಲಗೋದು ಅಂದ್ರೆ ಅಲರ್ಜಿ:( ಅವಳನ್ನ ಮಲಗಿಸಲು ನಾವು ಸಾಹಸ ಮಾಡ್ತಾಯಿದ್ದೀವಿ. ಅವರಪ್ಪ ತಂದಿದ್ದ Cradle Swingನಲ್ಲಿ ಅಜ್ಜಿ ಹಾಡು ಕೇಳುತ್ತಾ ಮಲಗುತ್ತಿದ್ದಳಾದ್ರು ಕೆಲವೊಮ್ಮೆ, ಅದೂ ವರ್ಕ್ ಔಟ್ ಆಗ್ತಾಯಿರ್ಲಿಲ್ಲ. ಆಗ ಅಜ್ಜಿ-ಅಜ್ಜ ಇಬ್ಬ್ರೂ ಸೇರಿ ಜೋಲಿ ಮಾಡಿ, ಹಾಡು ಹೇಳಿ ಅವಳನ್ನ ಮಲಗಿಸೋರು. ಹೊರಗಡೆ ಹೋದಾಗ ಅವಳ್ಳನ್ನ ಮಲಗಿಸಲು ಇದು ಬಹಳ ಅನುಕೂಲ ಆಗ್ತಾಯಿತ್ತು. ಕೆಲವೊಮ್ಮೆ ವಾಲ್-ಮಾರ್ಟ್ / ಪಾರ್ಕಿಂಗ್ ಲಾಟ್ / ಪಾರ್ಕ್ ಇಲೆಲ್ಲ ಅವಳನ್ನ ಜೋಲಿಯಲ್ಲಿ ತೂಗಿದ್ದೂ ಇದೆ. ಅದನ್ನು ನೋಡಿ ಇಲ್ಲಿಯ ಜನರು ಅನೇಕರು ಬಂದು "ಐ ಲೈಕ್ ಯುವರ್ ಮೊಬೈಲ್ ಸ್ವಿಂಗ್" ಅಂತ ಹೇಳಿ ಹೋಗಿದ್ದೂ ಇದೆ:)

"ಚಿನ್ನಾ ನಿನ್ನ ಮುದ್ದಾಡುವೆ" ಚಿತ್ರದ ಈ ಹಾಡು ನನಗೆ ತುಂಬಾ ಇಷ್ಟ. ಈಗೀಗ ಪುಟ್ಟಿಗೂ ಇದು ಅಚ್ಚುಮೆಚ್ಚು:)

ಜೋ ಜೋ ಲಾಲೀ ನಾ ಹಾಡುವೆ
ಚಿನ್ನಾ ನಿನ್ನಾ ಮುದ್ದಾಡುವೆ
ಹೂವಂತ ಕನಸೂ ತಾ ಮೂಡಿ ಬರಲಿ
ನಗುವಾ ಅಳುವಾ ಕಣ್ಣಲ್ಲಿ ಇಂದೂ....
ಜೋ ಜೋ....

ನಿದಿರಾ ದೇವೀ ಬಾ ಮೆಲ್ಲಗೆ
ತಾರೆಯಿಂದಾ ಈ ಭೂಮಿಗೆ
ಸಾವಿರ ರಂಗಿನ ಮಳೆಬಿಲ್ಲಿನಾ
ಮಾಲೆಯ ಧರಿಸೀ ಬಾ ಇಲ್ಲಿಗೆ
ಚಿನ್ನದ ತೇರಲಿ ಒಲವಿಂದ ಬಂದು
ತಾರೇ ಮುತ್ತು ಕಂದಂಗೆ ಇಂದು....
ಜೋ ಜೋ....

ಚಿಪ್ಪೀ ಮಡಿಲಾ ಮುತ್ತಂತೆಯೇ
ದೀಪದೇ ಜ್ಯೋತಿ ಇರುವಂತೆಯೇ
ಕಿರಣದೆ ಕಾಂತಿ ಕುಳಿತಂತೆಯೇ
ಮೊಗ್ಗಲಿ ಸೌರಭ ಇರುವಂತೆಯೇ
ರಾತ್ರೀ ಸೆರಗೂ ಹಾಸಿರಲೆಂದೂ
ಮಲಗೂ ಮಮತೆ ಮಡಿಲಲ್ಲಿ ಬಂದೂ....
ಜೋ ಜೋ....

Thursday, January 10, 2008

ನಾಮಕರಣ ಮತ್ತು ತೊಟ್ಟಿಲ ಪೂಜೆ


ಹನ್ನೊಂದನೆ ದಿನ ಪುಣ್ಯಾಹ ಮಾಡಿಸಿಕೊಂಡು ಮಗುವನ್ನು ತೊಟ್ಟಿಲಿನಲ್ಲಿ ಮಲಗಿಸುವ ರೂಡಿ ನಮ್ಮಲ್ಲಿದೆ. ಅದರ ಜೊತೆಯಲ್ಲೇ ನಾಮಕರಣವನ್ನೂ ಮಾಡಿಬಿಡಿ ಎಂದು ನಮ್ಮತ್ತೆಯವರು ಹೇಳಿದರು. ನಮ್ಮ ಬಂಗಾರಿಗೆ ವ್ಯವಹಾರ ನಾಮವಾಗಿ "ಸಾಹಿತ್ಯ" ಹೆಸರು ಆಗಲೇ ಅಸ್ಪತ್ರೆಯಲ್ಲಿನ ಎಲ್ಲಾ ದಾಖಲೆಗಳಲ್ಲಿ ಸೇರಿತ್ತು. ಹಸ್ತಾ ನಕ್ಷತ್ರದಲ್ಲಿ ಜನಿಸಿದ ಅವಳಿಗೆ ’ಪು’ ಅಕ್ಷರದಿಂದ ಶುರುವಾಗುವ ಹೆಸರು ಇಡಬೇಕಿದ್ದರಿಂದ ’ಪುಟ್ಟಿ’ ಅಂತ ಇಟ್ಟರೆ ಅದು ನಕ್ಷತ್ರನಾಮವೂ ಆಗುತ್ತೆ ಜೊತೆಗೆ ಅವಳಿಗೆ ಮುದ್ದುಹೆಸರಾಗಿಯೂ(nickname) ಇರುತ್ತೆ ಅಂತ "ಪುಟ್ಟಿ" ಹೆಸರನ್ನೆ ಇಟ್ಟೆವು.

ಹೆಸರನ್ನು ಅಕ್ಕಿಯ ಮೇಲೆ ಬರೆದು, ಅವಳ ಕಿವಿಯಲ್ಲಿ ಮೂರು ಬಾರಿ ಹೇಳಿ ನಂತರ ತೊಟ್ಟಿಲಿಗೆ ಪೂಜೆಮಾಡಿದೆವು. ಮೊದಲಿಗೆ ಒಂದು ಗುಂಡುಕಲ್ಲನ್ನು ಮಲಗಿಸಬೇಕು ಅಂದ್ರು ಅಮ್ಮ, ಇಲ್ಲೆಲ್ಲಿ ಗುಂಡುಕಲ್ಲು ಹುಡುಕೋದು ಅಂತ ಅದರ ಬದಲಿಗೆ ಸೌತೆಕಾಯನ್ನ ಮಲಗಿಸಿದ್ವಿ. ನಂತರ ಗೆಳೆತಿಯ ಮಗುವನ್ನು ಮಲಗಿಸಿದ ಶಾಸ್ತ್ರಮಾಡಿ ಕೊನೆಯಲ್ಲಿ ನಮ್ಮ್ ಪುಟ್ಟಿಯನ್ನ ತೊಟ್ಟಿಲಿಗೆ ಹಾಕಿ ಲಾಲಿ ಹಾಡಿದೆವು.
ಅಮ್ಮ ಹೇಳಿದ ಲಾಲಿ ಹಾಡು ಇದು :
ರಾಗ :ಮಧ್ಯಮಾವತಿ

ಜೋ ಜೋ ಜೋ ಜೋ ಮಂಗಳ ಮಂಜುಳವಾಣೀ
ಜೋ ಜೋ ಜೋ ಜೋ ಶ್ರೀಕರ ಶುಭಕರ ರಾಣಿ //ಪ//

ಪತಿತ ಪಾವನೆ ಪರಮೇಶ್ವರಿಯೇ
ಪಾಲಿಸು ನಮ್ಮನು ಶ್ರೀಶಂಕರಿಯೇ
ಪಂಕಜನೇತ್ರೆ ಪರಮ ಪವಿತ್ರೇ
ಪರಶಿವಸತಿ ನಿನ್ನ ಪಾಡಿ ತೂಗುವೆನಮ್ಮ //ಜೋ ಜೋ//

ಭಕ್ತಿಗೆ ಒಲಿದು ಮುಕ್ತಿಯ ನೀಡುವೆ
ಭಗವತಿ ತಾಯೇ ಆನಂದಮಾಯೇ
ಬಾಲಹನುಮನ ತಾಯೇ ಜಗನ್ಮಾಯೆ
ಭಕ್ತಿಯಿಂ ಜೋಗುಳ ಪಾಡಿ ತೂಗುವೆನಮ್ಮ //ಜೋ ಜೋ//