Monday, June 30, 2008

ಪುಟಿಗೀಗ ಆರು !!!

ಸಮಯ ಎಷ್ಟು ಬೇಗ ಕಳೆಯುತ್ತೆ ಗೊತ್ತೆ ಆಗೊಲ್ಲ. ಆಗ್ಲೇ ನಮ್ಮ್ ಪುಟ್ಟಿಗೆ ಆರು ತಿಂಗಳು. ಅವಳೀಗ ಕುರ್ಚಿ ಅಥವಾ ಅಮ್ಮ/ ಅಪ್ಪನಿಗೆ ಒರಗಿ ಕುಳಿತುಕೊಳ್ಳುತ್ತಾಳೆ. ಇಷ್ಟು ದಿನ ತನ್ನ ಬರ್ತ್-ಡೇಗಳಲ್ಲಿ ಅಮ್ಮನ ತೊಡೆಯೇರಿ ಕುಳಿತು ಕೇಕ್ ಕಟ್ ಮಾಡುತ್ತಿದ್ದವಳು ಈ ಸರ್ತಿ ಅಪ್ಪ ತಂದಿದ್ದ ವಾಕರ್ ನಲ್ಲಿ ಕುಳಿತು ಅಮ್ಮ ಮಾಡಿದ್ದ ಚಾಕಲೇಟ್ ಕೇಕ್ ಸವಿದಳು :)

ಪರಷುರಾಮ್ ಚಿತ್ರದಲ್ಲಿ ಡಾ.ರಾಜ್ ಹಾಡಿರುವ ಹಾಡು....

ಲ ಲ ಲ ಲ ಲಾ ಲ ಲ ಲ ಲಾ....
ನಗುತ ನಗುತಾ ಬಾಳು ನೀನು ನೂರು ವರುಷ
ಎಂದು ಹೀಗೆ ಇರಲ್ಲಿ ಇರಲ್ಲಿ ಹರುಷ ಹರುಷ
ಬಾಳಿನ ದೀಪಾ ನೀನ ನಗು, ದೇವರ ರೂಪ ನೀನೆ ಮಗು
ನಗುತ ನಗುತಾ ಬಾಳು ನೀನು ನೂರು ವರುಷ
ಎಂದು ಹೀಗೆ ಇರಲ್ಲಿ ಇರಲ್ಲಿ ಹರುಷ ಹರುಷ
ಉಲ್ಲಾಸದ ಶುಭದಿನಕೆ ಸಂತೋಷವೆ ಉಡುಗೋರೆಯು..

ಹೂವು ನಕ್ಕಗಾತನೆ ಅಂದ ಇರುವುದು ದುಂಬಿ ಬರುವುದು
ಚಂದ್ರ ನಕ್ಕಗಾತನೆ ಬೆಳಕು ಬರುವುದು ಕಡಳು ಕುಣಿವುದೊ
ಸೊರ್ಯ್ನಾಡೊ ಜಾರೋಟ ಬಾನು ನಗಲ್ಲೆಂದೆ
ಬೀಸೊ ಗಾಳಿ ತುಗೊ ಪೈರು ಭೋಮಿ ನಗಲ್ಲೆಂದೆ
ದೇವರು ತಂದ ಶ್ರುಷ್ಟಿಯ ಅಂದ ಎಲ್ಲಾರು ನಗಲ್ಲೆಂದೆ

ನಗುತ ನಗುತಾ ಬಾಳು ನೀನು ನೂರು ವರುಷ
ಎಂದು ಹೀಗೆ ಇರಲ್ಲಿ ಇರಲ್ಲಿ ಹರುಷ ಹರುಷ

ಆಕಾಶದಾಚೆ ಎಲೋ ದೇವರ್ ಇಲ್ಲವೊ ಹುಡುಕಬೆಡವೋ
ಆ ಮಾಯಗಾರ ತಾನು ಗಿರಿಯಲಿಲ್ಲವೋ ಗುಡಿಯಲಿಲ್ಲವೋ
ಪ್ರೀತಿಯಲ್ಲಿ ಸ್ನೆಹದಲ್ಲಿ ಇರವನು ಒಂದಾಗಿ
ತಂಪಿನಲ್ಲು ಕಂಪಿನಲ್ಲು ಬರುವನು ಹಿತಾವಗಿ
ಸಂತಸದಲ್ಲಿ ಸಂಬ್ರಮದಲ್ಲಿ ಮಕ್ಕಳ ನಗುವಾಗಿ

ನಗುತ ನಗುತಾ ಬಾಳು ನೀನು ನೂರು ವರುಷ
ಎಂದು ಹೀಗೆ ಇರಲ್ಲಿ ಇರಲ್ಲಿ ಹರುಷ ಹರುಷ
ಉಲ್ಲಾಸದ ಶುಭದಿನಕೆ ಸಂತೋಷವೆ ಉಡುಗೋರೆಯು..

Friday, May 30, 2008

ಐದು ತಿಂಗಳ ಕಂದ!!!

ಪುಟ್ಟಿಗೆ ಐದು ತಿಂಗಳು ತುಂಬಿತು. ಮತ್ತೊಮ್ಮೆ ಹಬ್ಬ ಮಾಡುವ ಸಮಯ ಬಂತು. ಅಜ್ಜಿ ಅಜ್ಜ ಇಬ್ಬ್ರು ವಾಪಸ್ ಬೆಂಗಳೂರಿಗೆ ಹೋಗಿ ಆಗಿತ್ತು. ಅವರಿಲ್ಲದೆ ಪುಟ್ಟಿಗೆ ಬೇಜಾರಾಗ್ತಾಯಿತ್ತು. ಆದರೆ ಬರ್ತ್ ಡೇಗೆ ಬಂದ ಗೆಳೆಯರ ಮಕ್ಕಳ ಜೊತೆಗೂಡಿ ಆಡಿ ನಲಿದು ಸಂತಸ ಪಟ್ಟಳು ನಮ್ಮ್ ಪುಟ್ಟಿ.


’ಪೆದ್ದಗೆದ್ದ’ ಚಿತ್ರದಲ್ಲಿ ಇರುವ ಈ ಹಾಡು ನಿಮ್ಮಲ್ಲಿ ಯಾರಿಗಾದರು ಪೂರ್ತಿ ಗೊತ್ತಿದ್ದರೆ ಅಥವಾ ನಿಮ್ಮ ಬಳಿ ಈ ಹಾಡಿನ ಲಿಂಕ್ ಇದ್ದರೆ ತಿಳಿಸಿ.

ಬ ಬ ಪ ಬ ಬ ಪ

ಹುಟ್ಟಿದ ಹಬ್ಬ ಬಂದಾಯ್ತು

ಚಿರೋಟಿ ಲಾಡು ತಿಂದಾಯ್ತು

ಹೊಟ್ಟೆ ಎಲ್ಲ ತುಂಬೋಯ್ತು

ಗೌ ಎಂದು ತೇಗಾಯ್ತು!!!

Tuesday, May 27, 2008

ಕರ್ಣವೇಧ !!!

ಕರ್ಣವೇಧ ಅಂದ್ರೆ ಮಗುವಿಗೆ ಕಿವಿ ಚುಚ್ಚಿಸುವುದು. ಮಗುವಿನ ಆರೋಗ್ಯ ಮತ್ತು ಸೌಂದರ್ಯ ವರ್ಧನೆಗೆ ಕಿವಿ ಚುಚ್ಚುವುದು ಉತ್ತಮ ಅಂತ ಶುಶೃತ ಹೇಳಿದ್ದಾನಂತೆ. ಚಿನ್ನದ ಮೇಲೆ ಬಿದ್ದ ನೀರು ದೇಹದ ಮೇಲೆ ಬಿದ್ದರೆ ಆರೋಗ್ಯಕರ ಎಂಬುದು ಇದರ ಹಿಂದಿನ ಉದ್ದೇಶವಿರಬಹುದು. ಕೆಲವರ ಪ್ರಕಾರ ನಮ್ಮ ಕಿವಿಯು "ॐ " ಅನ್ನು ಹೋಲುತ್ತದೆ, ಕಿವಿಯನ್ನು ಚುಚ್ಚುವುದರಿಂದ ಓಂ ಗೆ ಚುಕ್ಕಿಯಿಟ್ಟಂತೆ ಅನ್ನುತ್ತಾರೆ. ಹಿಂದೆ ಮಕ್ಕಳ ಬಲಿ ಕೊಡುವುದು ರೂಢಿಯಲ್ಲಿತ್ತು. ಬಲಿ ಕೊಡುವ ಮಗುವಿನ ದೇಹದಲ್ಲಿ ಯಾವುದೇ ಗಾಯವಿರಬಾರದು. ತಮ್ಮ ಮಕ್ಕಳನ್ನು ಇದರಿಂದ ತಪ್ಪಿಸಲು ಅವರ ಕಿವಿಗಳನ್ನು ಚುಚ್ಚಿಸುತ್ತಿದ್ದರು ಅಂತಲೂ ಹೇಳುತ್ತಾರೆ.

ನಾವೂ ಪುಟ್ಟಿಗೆ ಅವಳ ಐದನೆ ತಿಂಗಳಿನಲ್ಲಿ ಕಿವಿ ಚುಚ್ಚಿಸಿದೆವು.

Wednesday, May 07, 2008

ಪುಟ್ಟಿಯ ಲಾಲಿಪಪ್ !!!

ನಮ್ಮ್ ಪುಟ್ಟಿಗೆ ಈಗ ತಿನ್ನೋಕೆ ಸಿಹಿಯಾದ ಲಾಲಿಪಪ್ ಸಿಕ್ಕಿದೆ. ಅಮ್ಮ ತಿನ್ನಿಸೋ cerealಗಿಂತ ಇದು ಬಹಳ ರುಚಿ ಅಂತೆ.
ಪುಟ್ಟಿಯನ್ನ ಹೀಗೆ ನೋಡಿದಾಗ ಹೈಸ್ಕೂಲಿನಲ್ಲಿ ಕಲಿತ ಶ್ಲೋಕ ನೆನಪಾಗುತ್ತದೆ.

ಕರಾರವಿಂದೇನ ಪದಾರವಿಂದಂ ಮುಖಾರವಿಂದೇ ವಿನಿವೇಷಯಂತಂ
ವಟಸ್ಯ ಪತ್ರಸ್ಯ ಪುಟೇ ಶಯಾನಂ ಬಾಲಂ ಮುಕುಂದಂ ಮನಸಾ ಸ್ಮರಾಮಿ

ಅಂದರೆ : ಕಮಲದಂತ ಕೈಗಳಿಂದ ಕಮಲದಂತ ಪಾದಗಳನ್ನು ಕಮಲದಂತ ಬಾಯಿಯೊಳಗೆ ಇರಿಸಿಕೊಂಡು ಆಲದ ಎಲೆಯ ಮೇಲೆ ಮಲಗಿರುವ ಬಾಲ ಮುಕುಂದನನ್ನು ಮನಸಾ ಸ್ಮರಿಸುತ್ತೇನೆ

Monday, May 05, 2008

ಜೋಲಿಯಲ್ಲಿ ಪುಟ್ಟಿ :)

ಹುಟ್ಟಿದಾಗಿನಿಂದಲೂ ಪುಟ್ಟಿಗೆ ಮಲಗೋದು ಅಂದ್ರೆ ಅಲರ್ಜಿ:( ಅವಳನ್ನ ಮಲಗಿಸಲು ನಾವು ಸಾಹಸ ಮಾಡ್ತಾಯಿದ್ದೀವಿ. ಅವರಪ್ಪ ತಂದಿದ್ದ Cradle Swingನಲ್ಲಿ ಅಜ್ಜಿ ಹಾಡು ಕೇಳುತ್ತಾ ಮಲಗುತ್ತಿದ್ದಳಾದ್ರು ಕೆಲವೊಮ್ಮೆ, ಅದೂ ವರ್ಕ್ ಔಟ್ ಆಗ್ತಾಯಿರ್ಲಿಲ್ಲ. ಆಗ ಅಜ್ಜಿ-ಅಜ್ಜ ಇಬ್ಬ್ರೂ ಸೇರಿ ಜೋಲಿ ಮಾಡಿ, ಹಾಡು ಹೇಳಿ ಅವಳನ್ನ ಮಲಗಿಸೋರು. ಹೊರಗಡೆ ಹೋದಾಗ ಅವಳ್ಳನ್ನ ಮಲಗಿಸಲು ಇದು ಬಹಳ ಅನುಕೂಲ ಆಗ್ತಾಯಿತ್ತು. ಕೆಲವೊಮ್ಮೆ ವಾಲ್-ಮಾರ್ಟ್ / ಪಾರ್ಕಿಂಗ್ ಲಾಟ್ / ಪಾರ್ಕ್ ಇಲೆಲ್ಲ ಅವಳನ್ನ ಜೋಲಿಯಲ್ಲಿ ತೂಗಿದ್ದೂ ಇದೆ. ಅದನ್ನು ನೋಡಿ ಇಲ್ಲಿಯ ಜನರು ಅನೇಕರು ಬಂದು "ಐ ಲೈಕ್ ಯುವರ್ ಮೊಬೈಲ್ ಸ್ವಿಂಗ್" ಅಂತ ಹೇಳಿ ಹೋಗಿದ್ದೂ ಇದೆ:)

"ಚಿನ್ನಾ ನಿನ್ನ ಮುದ್ದಾಡುವೆ" ಚಿತ್ರದ ಈ ಹಾಡು ನನಗೆ ತುಂಬಾ ಇಷ್ಟ. ಈಗೀಗ ಪುಟ್ಟಿಗೂ ಇದು ಅಚ್ಚುಮೆಚ್ಚು:)

ಜೋ ಜೋ ಲಾಲೀ ನಾ ಹಾಡುವೆ
ಚಿನ್ನಾ ನಿನ್ನಾ ಮುದ್ದಾಡುವೆ
ಹೂವಂತ ಕನಸೂ ತಾ ಮೂಡಿ ಬರಲಿ
ನಗುವಾ ಅಳುವಾ ಕಣ್ಣಲ್ಲಿ ಇಂದೂ....
ಜೋ ಜೋ....

ನಿದಿರಾ ದೇವೀ ಬಾ ಮೆಲ್ಲಗೆ
ತಾರೆಯಿಂದಾ ಈ ಭೂಮಿಗೆ
ಸಾವಿರ ರಂಗಿನ ಮಳೆಬಿಲ್ಲಿನಾ
ಮಾಲೆಯ ಧರಿಸೀ ಬಾ ಇಲ್ಲಿಗೆ
ಚಿನ್ನದ ತೇರಲಿ ಒಲವಿಂದ ಬಂದು
ತಾರೇ ಮುತ್ತು ಕಂದಂಗೆ ಇಂದು....
ಜೋ ಜೋ....

ಚಿಪ್ಪೀ ಮಡಿಲಾ ಮುತ್ತಂತೆಯೇ
ದೀಪದೇ ಜ್ಯೋತಿ ಇರುವಂತೆಯೇ
ಕಿರಣದೆ ಕಾಂತಿ ಕುಳಿತಂತೆಯೇ
ಮೊಗ್ಗಲಿ ಸೌರಭ ಇರುವಂತೆಯೇ
ರಾತ್ರೀ ಸೆರಗೂ ಹಾಸಿರಲೆಂದೂ
ಮಲಗೂ ಮಮತೆ ಮಡಿಲಲ್ಲಿ ಬಂದೂ....
ಜೋ ಜೋ....

Wednesday, April 30, 2008

ಅನ್ನಪ್ರಾಶನ

ನಮ್ಮ ಪುಟ್ಟಿಗೆ ಈಗ ನಾಲ್ಕು ತಿಂಗಳು ತುಂಬಿತು. ಈ ಸರ್ತಿಯ ಹುಟ್ಟುಹಬ್ಬದ ವಿಶೇಷ ಅಂದ್ರೆ ಅವಳಿಗೆ ಮೊದಲ ಬಾರಿಗೆ "Rice Cereal" ಅನ್ನು ಹಾಲಿನಲ್ಲಿ ಬೆರೆಸಿ ಅವರಜ್ಜಿ ಅವಳಿಗಾಗಿ ತಂದಿದ್ದ ಬೆಳ್ಳಿ ಒಳಲೆಯಲ್ಲಿ ಕುಡಿಸಿದೆವು. ತಾಯಿಯ ಹಾಲನ್ನು ಬಿಟ್ಟು ಗಟ್ಟಿ ಆಹಾರವನ್ನು ಮೊದಲ ಬಾರಿಗೆ ಉಣಿಸುವ ಈ ವಿಧಿಗೆ "ಅನ್ನಪ್ರಾಶಾನ" ಅಂತಾರೆ.
ಅನ್ನಪೂರ್ಣೆ ಸದಾಪೂರ್ಣೆ ಶಂಕರ ಪ್ರಾನವಲ್ಲಭೆಜ್ನಾನ ವೈರಾಗ್ಯ ಸಿದ್ಯರ್ಥಂ, ಭಿಕ್ಷಾಂದೇಹೀಚ ಪಾರ್ವತಿ
ಮಾತಾಚ ಪಾರ್ವತೀ ದೇವಿ ಪಿತ ದೇವೊ ಮಹೇಶ್ವರಃಭಾಂದವಾ ಶಿವಭಕ್ತಾಶ್ಚ ಸ್ವದೇಶೋ ಭುವನತ್ರಯಂ

Thursday, April 10, 2008

ಯುಗಾದಿಯ ದಿನ ನಮ್ಮ್ ಪುಟ್ಟಮ್ಮ!!

ಯುಗಾದಿ ಹಬ್ಬದ ದಿನ ಪುಟ್ಟಿ, ಅವರಜ್ಜಿ ಅವಳಿಗಾಗಿ ತಂದಿದ್ದ ಹಸಿರು ರೇಷ್ಮೆ ಲಂಗ ತೊಟ್ಟು ಹೊಸವರ್ಷವನ್ನು ಸ್ವಾಗತಿಸಿದಳು. ಅವಳಿಗೆಂದು ತವಿಶ್ರೀ ಅವರು ಆಶೀರ್ವದಿಸಿ ಅಕ್ಕರೆಯಿಂದ ಬರೆದ ಹಾಡು ಇದು. ಧನ್ಯವಾದಗಳು ಸಾರ್:)

ಪುಟ್ಟಮ್ಮ

ಬಾರೆ ಬಾರೆ ನನ್ನ ಪುಟ್ಟಮ್ಮ
ನಾಲ್ಕು ಹಲ್ಲು ತೋರು ನೀ ನನ್ನಮ್ಮ
ಮುದ್ದಿನ ರಾಣಿ ಗಿಡ್ಡು ಪುಟಾಣಿ
ಕೊಡುವೆನು ಬಾರೆ ಗುಂಡು ಬಟಾಣಿ


ಅಗಲದ ಹಣೆಗೆ ದುಂಡನೆ ಕುಂಕುಮ
ಗುಂಗುರು ಕೂದಲ ತೀಡುವೆ ಬಾರಮ್ಮ
ಕಿವಿಯಲಿ ಝುಮಕಿ ಹಾಕುವೆನು
ಕಣ್ಣಿಗೆ ಕಾಡಿಗೆ ಹಚ್ಚುವೆನು


ಪುಟಾಣಿ ಕಾಲ್ಗಳಲಿ ಘಲಘಲ ಗೆಜ್ಜೆ
ಮನೆಯೊಳಗೆಲ್ಲ ನಿನ್ನದೆ ಹೆಜ್ಜೆ
ಪುಟಾಣಿ ಕೈಗಳಿಗೆ ಬೆಳ್ಳಿಯ ಕಡಗ
ತೊಡಿಸುವೆ ಬಣ್ಣದ ಉದ್ದನೆ ಲಂಗ

ಉಣಿಸುವೆ ಉಪ್ಪು ತುಪ್ಪದ ಅನ್ನ
ಎಂದಿಗೂ ನೀ ತಣಿಸು ನನ್ನ ಮನವನ್ನ
ನಿನ್ನೊಡನೆ ಆಡಲು ಕರೆಯುವೆ ಚಂದಮಾಮ
ತಟ್ಟಿ ಮಲಗಿಸಲಿಹಳು ನಿನ್ನಮ್ಮ

ಸಿಹಿ ಹಾಲನ್ನೀವೆ ಬಟ್ಟಲಿನಲಿ
ನಾನೂ ಸೇರುವೆ ನಿನ್ನಳಿನಲಿ
ಆಲಂಗಿಸು ನಿನ್ನ ಪುಟ್ಟ ಕೈಗಳಲಿ
ಆಡಿ ಪಾಡಿ ಸೋತು ಮಲಗು ನೀ ಬಳಲಿ  
-ತ. ವಿ. ಶ್ರೀ