Wednesday, August 18, 2010
ಅಪ್ಪನಿಗೆ ಬುದ್ಧಿವಾದ ....
Sunday, August 15, 2010
ನಮ್ಮ ದೇಶ ಭಾರತ !!
ಕೇಸರಿ (ಇಲ್ಲಿ ಕಂದು ಬಣ್ಣವಾಗಿದೆ) ಮತ್ತು ಹಸಿರು ಬಣ್ಣದ ಪಟ್ಟಿಗಳನ್ನು ಅಗಲ ಬ್ರಷ್ ನಲ್ಲಿ ಪುಟ್ಟಿ ಬರೆದಳು. ನೀಲಿ ಬಣ್ಣದ ಚಕ್ರ Fiori pasta ದಿಂದ ಮಾಡಿದ್ದು. Ruote ಉಪಯೋಗಿಸಿದರೆ ಚಕ್ರದ ಆಕಾರ ಇನ್ನೂ ಚೆನ್ನಾಗಿ ಮೂಡುತ್ತದೆ, ಅದು ಮನೆಯಲ್ಲಿ ಇರಲಿಲ್ಲ:(
ಅಂಗೈಗೆ ಬಣ್ಣ ಹಚ್ಚಿ ತಲೆ ಮಾಡಿದೆವು. ಆಮೇಲೆ ಹೆಬ್ಬೆರಳು ಬಿಟ್ಟು ಉಳಿದೆಲ್ಲಾ ಕಡೆ ಬಣ್ಣ ಬಳಿದು ದೇಹ, ಒಂದು ಬೆರಳಿನಿಂದ ಬಾಲ ಮತ್ತು ಕಾಲುಗಳು, ಬೆರಳ ತುದಿಯಿಂದ ಕಿವಿಗಳು. ಇದು ಒಣಗಿದ ಮೇಲೆ ಕಪ್ಪು ಬಣ್ಣದ ಗೆರೆ ಮತ್ತು ಚುಕ್ಕಿಗಳು!
ಕೈ ಗುರುತು ಪುಟ್ಟಿಯದು. ಕಪ್ಪು ಪೆನ್ನಿನಲ್ಲಿ ಬರೆದದ್ದು ನಾನು. ಈ ನವಿಲು ಮತ್ತು ಕಮಲವನ್ನು ಇಲ್ಲಿ ನೋಡಿದ್ದೆ!
Friday, August 06, 2010
ಬಾ ಬಾ ಚಂದು ಮಾಮ

Wednesday, July 21, 2010
ಹ್ಯಾಪಿ ಬರ್ತ್ ಡೇ ರತ್ನ ಅಜ್ಜಿ!!!
Tuesday, July 13, 2010
ಬರೆಯೋ ಹಾದಿಯಲ್ಲಿ ಪುಟ್ಟಿಯ ಮೊದಲ ಕೆಲವು ಹೆಜ್ಜೆ!

ಹೀಗೆ ಒಂದು ವಾರವಿಡೀ A ಜಪ ನೋಡಿ, ಕೇಳಿ ಪುಟ್ಟಿಗೆ ಬೋರ್ ಆಯ್ತೋ ಏನೋ. ಎರಡನೆ ವಾರ ಅವಳಾಗಿಯೇ ತನ್ನ alphabet floor mat ನಲ್ಲಿರೋ ಅಕ್ಷರಗಳನ್ನು ಗುರುತಿಸುತ್ತಾ ಹೋದ್ಲು, ಅಲ್ಲದೆ ಎಲ್ಲದರ phonic sound ಕೂಡ ಹೇಳೋಕೆ ಶುರು ಮಾಡಿದ್ಲು. ಈಗವಳು Capital ಮತ್ತು Lowercase letters ಎರಡನ್ನೂ ಗುರುತಿಸಿತ್ತಾಳೆ. ಆದ್ರೆ b, d, p ಮತ್ತು q ಇವುಗಳು ಕೆಲವೊಮ್ಮೆ ತಪ್ಪಾಗುತ್ತವೆ. ಅಲ್ಲಿಗೆ ನಮ್ಮ ವಾರಕ್ಕೊಂದು ಅಕ್ಷರ ಕಾರ್ಯಕ್ರಮ ಮುಗಿದೇ ಹೋಯ್ತು. ಜೊತೆಗೆ ಅಜ್ಜಿ ತಾತ ಇಲ್ಲಿದ್ದರಿಂದ ಪುಟ್ಟಿ ಅವರೊಡನೆ ಅಲ್ಲಿ ಇಲ್ಲಿ ಊರು ಸುತ್ತುವುದು ಹೆಚ್ಚಾಯ್ತು. ಆದ್ರೆ ಎಲ್ಲಿ ಹೋದ್ರು ಅಲ್ಲಿ ಅಕ್ಷರಗಳನ್ನ ಗುರುತಿಸೋದು ಹೊಸ ಆಟವಾಯ್ತು. ಅಂಗಡಿಯಲ್ಲೂ ಅದೇ ಆಟ, ತನ್ನ ಪುಸ್ತಕಗಳಲ್ಲೂ ಅದೇ ಹುಡುಕಾಟ. ಇವುಗಳೆಲ್ಲದರ ಜೊತೆಗೆ ಬರಿಯೊದು ಕೂಡ ಜಾಸ್ತಿ ಆಯ್ತು. ದಿನೆ ದಿನೆ ಅವಳ ಬರವಣಿಗೆ ಹೆಚ್ಚುತ್ತಿದೆ. ತನ್ನ ನೆಚ್ಚಿನ chalkboard ಮೇಲೆ ಅಕ್ಷರಗಳನ್ನ ಬರಿಯುತ್ತಿರುವ ಪುಟ್ಟಿ.
Saturday, June 05, 2010
ಅಮ್ಮ ರಾಗ :)
ಪುಟ್ಟಿ ದಿನಾ ಬೆಳಗ್ಗೆ ಎದ್ದಾಗ “ಅಮ್ಮ ಅಮ್ಮ” ಅಂತ ಕೂಗಿ ಕರೆಯೋದು ರೂಢಿ. ಅಪ್ಪ ಹೋದ್ರೆ ಕೆಲವೊಮ್ಮೆ ಬರೊಲ್ಲ ಅವ್ಳು, ನಾನೇ ಬೇಕು. ಅಡುಗೆ ಮನೆಯಲ್ಲಿ ತಿಂಡಿ ಕೆಲಸದ್ದಲ್ಲಿದ್ದಾಗ ಕೆಲವೊಮ್ಮೆ ಹೋಗೋದು ಲೇಟ್ ಆಗುತ್ತೆ. ಇವತ್ತೂ ಹಾಗೆ ಆಯ್ತು ನಾನು ಹೋಗೋಷ್ಟ್ರಲ್ಲಿ “ಅಮ್ಮ, ಅಮ್ಮಾ, ಆಆಮ್ಮ, ಆಮ್ಮ್ಮಾಆಆ.....” ಇತ್ಯಾದಿ ಕೂಗ್ತಾಯಿದ್ಲು. ಅದೇನೇ ಅದು ನಿಂದು ಪುಟ್ಟಿ ರಾಗ ಅಂದೆ “ಅದು ಅಮ್ಮ ರಾಗ” ಅಂತ ಕಿಸಕ್ಕನೆ ನಕ್ಕಳುJ
Monday, May 17, 2010
ಕುದುರೆ ಸವಾರಿ !
ಕುದುರೆ ಮೇಲೆ ಕುಳಿತುಕೊಂಡು
ಲಗಾಮು ಹಿಡಿದುಕೊಂಡು
ಹೈ! ಹೈ! ಹೈ!
ಲಂಗ ಗಿಂಗ ಹಾಕಿಕೊಂಡು
ಕುದುರೆ ಮೇಲೆ ಕುಳಿತುಕೊಂಡು
ಅಣ್ಣನ ಸೊಂಟ ಹಿಡಿದುಕೊಂಡು
ಹೈ! ಹೈ! ಹೈ!
ಕಂದು ಬಣ್ಣ ನಮ್ಮ ಕುದುರೆ
ಗಾಳಿ ಹಾಗೆ ಓಡೊ ಕುದುರೆ
ನಮ್ಮ ಕುದುರೆ! ನಮ್ಮ ಕುದುರೆ!
ಹೈ! ಹೈ! ಹೈ!
ಕುದುರೆ ಮೇಲೆ ಕುಳಿತುಕೊಂಡು
ಅದರ ಬೆನ್ನ ತಟಕೊಂಡು
ಅಲ್ಲಿ ಇಲ್ಲಿ ಸುತ್ತಿಕೊಂಡು
ಹೈ! ಹೈ! ಹೈ!
ಕುದುರೆ ಮೇಲೆ ಕುಳಿತುಕೊಂಡು
ಹಳ್ಳ ಗಿಳ್ಳ ಹಾರಿಕೊಂಡು
ಮನೆಗೆ ಬಂದು ಸೇರಿಕೊಂಡು
ಹೈ! ಹೈ! ಹೈ!
ಕುದುರೆ ಮೈಯ ಸವರಿ ತಟ್ಟಿ
ಹುರುಳಿ ಗಿರಳಿ ತಂದು ಕೊಟ್ಟು
ಸಾಕುವೆವು ನಮ್ಮ ತಟ್ಟು
ಹೈ! ಹೈ! ಹೈ!
--ಜೆ. ಪಿ. ರಾಜರತ್ನಂ ಅವರ ’ಕಡ್ಲೆಪುರಿ’ ಸಂಕಲನದಿಂದ.






