Friday, March 18, 2011

ನಾವು ಮತ್ತೆ ಹಾಜರ್

ಪುಟ್ಟಿಪ್ರಪಂಚ ಎರಡು ತಿಂಗಳಿಂದ ಬಾಗಿಲು ಮುಚ್ಚಿತ್ತು. ಕಾರಣಾಂತರದಿಂದ ಇಲ್ಲಿ ಬರೆಯಲಾಗಿರಲಿಲ್ಲ. ಹೇಳದೇ ಕೇಳದೇ ಬ್ಲಾಗ್ ನಿಂದ ರಜೆ ಪಡೆದಿದ್ದಕ್ಕೆ ಪುಟ್ಟಿಯ ಹಲವು ಮಿತ್ರರಿಗೆ ಬೇಜಾರಾಗಿದೆ. ನಮ್ಮ ಮೇಲಿನ ಕಾಳಜಿಯಿಂದ ಫೋನ್ ಮಾಡಿ, ಈ ಮೈಲ್ ಮಾಡಿ, ಮುಖಪುಸ್ತಕದಲ್ಲಿ ಪ್ರೀತಿಯಿಂದ ವಿಚಾರಿಸಿಕೊಂಡ/ ಕಂಪ್ಲೈನ್ ಮಾಡಿದ ಎಲ್ಲ ಮಿತ್ರರಿಗೂ ವಂದನೆಗಳು:)
  • ವ್ಯಾಲೆಂಟೈನ್ಸ್ ಡೇ ಗೆ ಪುಟ್ಟಿ ತನ್ನ ಶಾಲೆಯ ಮಿತ್ರರಿಗೆಲ್ಲಾ ಪುಟ್ಟ ಪುಟ್ಟ ಕಾರ್ಡ್ಸ್ ಮತ್ತು ಸಿಹಿ ಕೊಟ್ಟಳು. ಜೊತೆಗೆ ಅವರೆಲ್ಲಾ (೨೮ ಮಕ್ಕಳು) ಕೊಟ್ಟ ಶುಭಾಶಯ ಪತ್ರ, ಸ್ಟಿಕರ್, ಪೆನ್ಸಿಲ್, ಕ್ಯಾಂಡಿ ಎಲ್ಲವನ್ನೂ ಟೇಚರ್ ಸಹಾಯದಿಂದ ತಾನೇ ಮಾಡಿದ್ದ ಕೆಂಪು ಬಣ್ಣದ ಕೈಚೀಲದಲ್ಲಿ ತುಂಬಿಕೊಂಡು ಮನೆಗೆ ಬಂದಳು. 
  • ಪುಟ್ಟಿಗೆ ನಾಯಿಮರಿ, ಬೆಕ್ಕು ಅಂದ್ರೆ ಬಲು ಪ್ರೀತಿ ನಾವು ಹೊರಗೆ ವಾಕ್ ಹೋದಾಗಲೆಲ್ಲಾ ಎದುರಿಗೆ ಸಿಗುವ ಪ್ರಾಣಿಗಳನ್ನು ನೋಡಿ, ಮುಟ್ಟಿ, ಮೈ ಸವರೈ ಖುಶಿ ಪಡುತ್ತಾಳೆ. ನಮ್ಮ ಮನೆಗೂ ಬೆಕ್ಕು ತರಬೇಕೆಂದು ಬಹಳ ಸರ್ತಿ ಹಠ ಹಿಡಿದ್ದಿದ್ದಾಳೆ ಕೂಡ. ಆದ್ರೆ ಮೊದಲೇ ನನಗೆ ನಾಯಿ ಕಂಡ್ರೆ ಭಯ, ಜೊತೆಗೆ ಅವಗಳನ್ನು ನೋಡಿಕೊಳ್ಳುವ ಸಹನೆಯೂ ಇಲ್ಲ. ಇರುವ ಫಿಶ್ ಟ್ಯಾಂಕ್ ಸಾಕು ಅನಿಸಿದೆ:)
    ನಮ್ಮೂರಿನಲ್ಲಿ ನಡೆದ ಡಾಗ್ ಶೋಗೆ ಹೋಗಿ ಬಂದ್ಲು. ಅಲ್ಲಿ ತರಹೇವಾರಿ ನಾಯಿಮರಿಗಳನ್ನು ಕಂಡು ಬಲು ಖುಶಿಪಟ್ಟಳು.
  • ಪುಟ್ಟಿ ಈಗ A-Z ಪೂರ್ತಿಯಾಗಿ ತಾನೇ ಬರೆಯುತ್ತಾಳೆ. C, S, G ಇವುಗಳು ಉಳ್ಟ ಬರೆಯುತ್ತಾಳೆ ಅದು ಸರಿಯಲ್ಲ ಅನ್ನೋದು ಅವಳಿಗೂ ಗೊತ್ತು ಆದ್ರೆ ಅವಳ ಕೈ ಹೊರಳೋದೆ clockwise. 
  •  
  • ಇಲ್ಲೀಗ ವಸಂತ. ಎಲ್ಲೆಡೆ ಹೊಸ ಚಿಗುರು, ಮರಗಳಲ್ಲಿ ಮತ್ತೆ ಹಸಿರು ತುಂಬಿಕೊಳ್ಳುತ್ತಿದೆ. ಚಳಿ ಹೋಗಿ ಬಿಸಿಲು ಶುರುವಾಗಿದೆ, ಆಗಲೇ ಪುಟ್ಟಿ ಒಂದು ರೌಂಡ್ ಬೀಚಿಗೂ ಹೋಗಿ ಬಂದ್ಲು. ಬೇಸರದ ಸಂಗತಿ ಅಂದ್ರೆ ಇವೆಲ್ಲದರ ಜೊತೆಗೆ ನನ್ನ pollen allergy ಕೂಡ ಮರುಕಳಿಸುವುದು:(
  •  ಪುಟ್ಟಿ ಶಾಲೆಯಲ್ಲಿ ಮೊದಲೆಲ್ಲಾ ತನ್ನ ಕ್ಲಾಸಿನ ಐದಾರು ಮಕ್ಕಳ ಜೊತೆಗೆ ಮಾತ್ರ ಆಡುತ್ತಿದ್ದಳು. ಇತ್ತೀಚೆಗೆ ಹೆಚ್ಚು ಹೆಚ್ಚು ಇತರೆ ಸ್ನೇಹಿತರೊಡನೆ ಆಟವಾಡುತ್ತಿದ್ದಾಳೆ. ಅವಳನ್ನು ಕರೆತರಲು ಹೋದಾಗ ತನ್ನ ಅಂದಿನ ಫ್ರೆಂಡ್ ಅನ್ನು ಅಪ್ಪನಿಗೂ ಪರಿಚಯಿಸುತ್ತಾಳೆ.
  •  ಪುಟ್ಟಿಗೆ ಈಗ ನೆಚ್ಚಿನ ಟಿ.ವಿ ಕಾರ್ಯಕ್ರಮ ಅಂದ್ರೆ ’ಪುಟಾಣಿ ಏಜೆಂಟ್ ೧೨೩’ ಚಲನ ಚಿತ್ರ. ಅದರಲ್ಲಿನ ಎರಡೂ ಹಾಡುಗಳು ಅವಳಿಗೆ ಬಾಯಿಪಾಠವಾಗಿವೆ.
  • ಪುಟ್ಟಿಗೆ ಇತ್ತೀಚೆಗೆ ಅನ್ನ ಸಾರು ಬೇಡವಾಗಿದೆ ಆದ್ರೆ ಚಿತ್ರಾನ್ನ, ಪಲಾವ್ ಓಕೆ. ಹೆಚ್ಚಾಗಿ ದೋಸೆ/ರೊಟ್ಟಿಯನ್ನೇ ಕೇಳುತ್ತಾಳೆ. ಅದರಲ್ಲೂ ತರಕಾರಿ ಹಾಕಿದ ಗೋಧಿ ದೋಸೆ ಮತ್ತು ರಾಗಿರೊಟ್ಟಿ ಅಚ್ಚುಮೆಚ್ಚು. ಜೊತೆಗೆ ಪಲ್ಯಗಳಿಗಿಂತ ಚಟ್ನಿನೇ ಇಷ್ಟ ಬರೀ ಚಟ್ನಿಯನ್ನು ತಿನ್ನೋದೂ ಇದೆ.
  • ತನ್ನ ಮೂರು ಚಕ್ರದ ಸೈಕಲ್ಲನ್ನು ಸಲೀಸಾಗಿ ಹಿಂದೆ-ಮುಂದೆ, ಎಡ-ಬಲ/ U ಟರ್ನ್ ಎಲ್ಲಾ ರೀತಿಯಲ್ಲೂ ಆಟವಾಡುತ್ತಾಳೆ. ಚಳಿ ಇದ್ದಿದ್ದರಿಂದ ಇಷ್ಟು ದಿನ ಮನೆಯಲ್ಲೇ ಅವಲ ಸವಾರಿ ನಡೆದಿತ್ತು. ಜೊತೆಗೆ ಸೈಕಲ್ ಮೇಲೆ ತನ್ನ ಆಟದ ಗೊಂಬೆಗಳಿಗೂ ರೌಂಡ್ ಹಾಕಿಸಿದ್ದಾಳೆ. ಹೊಸದಾದ ದೊಡ್ಡ ಸೈಕಲ್ ಬೇಕು ಅವಳಿಗೆ. ಚಳಿ ಹೇಗೂ ಕಮ್ಮಿ ಆಗಿದೆ, ಈಗ ಕೊಡಿಸಬೇಕು.
  • ಶಾಲೆಗೆ ಹೋಗುವಾಗ ಪುಟ್ಟಿಯನ್ನು ರೆಡಿ ಮಾಡುವುದೇ ಒಂದು ದೊಡ್ಡ ಕೆಲ್ಸ ಅದರಲ್ಲೂ ಜೆಡೆ ಹೆಣೆಯುವುದು ಇತ್ತೀಚೆಗೆ ಬಲು ಕಷ್ಟವೆನಿಸಿದೆ, ಹಾಗಾಗಿ ಅವಳ ಜುಟ್ಟಿಗೆ ಕತ್ತರಿ ಬಿತ್ತು.
    ಎರಡು ವರ್ಷದ ಹಿಂದೆ ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಕೂದಲು ಕಟ್ ಮಾಡಿಸಿದ್ದಾಗ ಅತ್ತು ಕರೆದು ರಂಪ ಮಾಡಿ, ವಾಂತಿಯನ್ನೂ ಮಾಡಿದ್ದಳು. ಅದನ್ನು ನೆನೆದು ಹೆದರುತ್ತಲೇ ಅವಳನ್ನು ಕರೆದೋಯ್ದಿದ್ದೆ. ಆದ್ರೆ ಅವಳು ಬಹಳ ಖುಶಿಯಾಗಿ ಅಲ್ಲಿದ್ದ ಆಂಟಿಗೆ ಅವರ ಬುಕ್ ನಲ್ಲಿ ನಂಗೆ ಹೀಗೆ ಕಟ್ ಮಾಡಿ ಅಂತೆಲ್ಲಾ  ಹೇಳಿ ಕೂದಲು ಕತ್ತರಿಸಿಕೊಂಡಳು.

    Thursday, January 20, 2011

    ಪೇಪರ್ ಟ್ಯೂಬ್ ಕಬ್ಬು

    ಸಂಕ್ರಾಂತಿ ಹಬ್ಬಕ್ಕೆಂದು ಮಾಡಿದ ಮತ್ತೊಂದು ಕ್ರಾಫ್ಟ್ ಇದು. ಮೊದಲಿಗೆ ಖಾಲಿಯಾದ ಗಿಫ್ಟ್ ವ್ರಾಪ್ ಪೇಪರ್ ನ ಒಳಗಿನ ಪೇಪರ್ ಟ್ಯೂಬ್ ಗೆ ಬಣ್ಣ ಹಚ್ಚಲು ಪುಟ್ಟಿಗೆ ಕೊಟ್ಟೆ. ಅಡುಗೆಮನೆಯ ಪೇಪರ್ ಟವೆಲ್ ಅಥವಾ ಅಲುಮಿನಿಯಂ ಫಾಯಿಲ್ ಒಳಗಿನ ಟ್ಯೂಬ್ ಆದರೂ ಆಗುತ್ತೆ. ಕೆಂಪು ಬಣ್ಣಕ್ಕೆ ಸ್ವಲ್ಪೇ ಸ್ವಲ್ಪ ಕಪ್ಪು ಬೆರಸಿದ್ದೆ. ಅದು ಒಣಗಿದ ನಂತರ ಅದರ ಮೇಲೆ ಅಲ್ಲಲ್ಲಿ ಕಪ್ಪು ಮತ್ತು ಬಿಳಿಯ ಬಣ್ಣದ ಗೆರೆಗಳನ್ನು ಬರೆದೆ. ನಂತರ ಒಂದಷ್ಟು ಲಿಲ್ಲಿ ಹೂವಿನ ಎಲೆಗಳನ್ನು ತಂದು ಒಂದು ತುದಿಗೆ ಅಂಟಿಸಿದೆ!
     

    Monday, January 17, 2011

    ಸಂಕ್ರಾಂತಿಗೆ ಸಿಹಿ ಸರ

    ಸಂಕ್ರಾಂತಿ ದಿನ ಸಂಜೆ ಮಕ್ಕಳಿಗೆ ಆರತಿ ಮಾಡೋವಾಗ ಸಿಹಿ ಕುಸುರಿ ಕಾಳಿನ ಹಾರವನ್ನು ಹಾಕೋದು ವಾಡಿಕೆ. ಇವುಗಳ ಬಗ್ಗೆ ಅಂತರ್ಜಾಲದಲ್ಲಿ ಹುಡುಕುತ್ತಿದ್ದಾಗ ಇದು ಮಹಾರಾಷ್ಟ್ರದಲ್ಲಿ ಹೆಚ್ಚು ಪ್ರಚಲಿತ ಅಂತ ತಿಳಿಯಿತು. ಅಲ್ಲಿಯವರು ಸಂಕ್ರಾಂತಿ ಸಮಯದಲ್ಲಿ ಮಾಡುವ "ಬೋರ್ ನಹನ್" (ಬೋರ್ ಅಂದ್ರೆ ಒಂದು ರೀತಿಯ ಸಣ್ಣ ಹಣ್ಣು, ಮತ್ತು ನಹನ್ ಅಂದ್ರೆ ಸ್ನಾನ) ಅನ್ನುವ ಆಚಾರಣೆ ಸಂದರ್ಭದಲ್ಲಿ ಚಿಕ್ಕ ಮಕ್ಕಳಿಗೆ ಕಪ್ಪು ಬಣ್ಣದ ಹೊಸ ಬಟ್ಟೆ ತೊಡಿಸಿ ಕುಸುರಿ ಕಾಳಿನಿಂದ ಮಾಡಿದ ಸರ, ಬಳೆ, ಕಿರೀಟ ಇತ್ಯಾದಿ ಒಡವೆಗಳನ್ನು ತೊಡಿಸಿ ಅಲಂಕರಿಸುವರಂತೆ. ಆಮೆಲೆ ಮಕ್ಕಳ ತಲೆಮೇಲೆ ಹಣ್ಣು ಮತ್ತಿತರೆ ವಸ್ತುಗಳನ್ನು ಚೆಲ್ಲಿ ಆರತಿ ಮಾಡುವರಂತೆ :)
     ಚಿತ್ರ ಕೃಪೆ ಅಂತರ್ಜಾಲ

    ನಮಗಿಲ್ಲಿ ಅದು ಲಭ್ಯವಿಲ್ಲದೇ ಇರುವುದರಿಂದ ಅವುಗಳ ಬದಲಿಗೆ ಸಿಹಿ ಮಾರ್ಶ್ ಮೆಲ್ಲೋಸ್ ಪೋಣಿಸಿ ಹಾರ ಮಾಡಿದ್ದೆವು ಕಳೆದ ವರ್ಷ. ಈ ವರ್ಷ ಅದೇ ರೀತಿ ಹಾರಗಳನ್ನ ಪುಟ್ಟಿಯೇ ಬಣ್ಣಬಣ್ಣದ ಫ್ರೂಟ್ ಲೂಪ್ಸ್ ಪೋಣಿಸಿ ಮಾಡಿದಳು. ಮೊದಲು ಬಣ್ಣಗಳ ಪ್ರಕಾರ ಅವನ್ನು ಬೇರ್ಪಡಿಸಿ, ನಂತರ ತನಗೂ ಮನೆಗೆ ಬರುವ ತನ್ನ ಸ್ನೇಹಿತರಿಗೂ ಸುಂದರ ಹಾರಗಳನ್ನು ಮಾಡಿಟ್ಟಳು.
      

    Sunday, January 16, 2011

    ಸಂಕ್ರಾಂತಿ ಕಲರಿಂಗ್ ಪೇಜ್

    ಸಂಕ್ರಾಂತಿ ಹಬ್ಬದ ವಿಶೇಷತೆಗಳನ್ನು ಬಿಂಬಿಸುವ ಒಂದೆರೆಡು ಕಲರಿಂಗ್ ಪೇಜ್ ಗಳನ್ನು ಗೂಗಲ್ ನಲ್ಲಿ ಸಿಕ್ಕ ಚಿತ್ರಗಳನ್ನು ಉಪಯೋಗಿಸಿಕೊಂಡು ಮಾಡಿಕೊಂಡೆ. ದಿನಕ್ಕೊಂದೆರೆಡು ಪೇಜ್ ಗಳಿಗೆ ಪುಟ್ಟಿ ಬಣ್ಣ ತುಂಬುತ್ತಿದ್ದಳು. ಅಕ್ಷರಗಳು ಸರಿಯಾಗಿ ಮೂಡದಿದ್ದರೂ ಕಲರಿಂಗ್ ಮಾಡಿದ್ದರ ಪರಿಣಾಮ ಜೊತೆಗೆ ನನ್ನ ಕಾಮೆಂಟರಿ ಎಲ್ಲಾ ಸೇರಿ ಇವತ್ತು ಪುಟ್ಟಿ ತಾತನ ಹತ್ರ ಫೋನ್ ನಲ್ಲಿ ಮಾತಾಡೋವಾಗ "ಸಂಕ್ರಾಂತಿ ಮಾಡಿದ್ವಿ" ಅಂತ ಹೇಳಿದ್ದು ಕೇಳಿ ನಾನು ಸಂತಸದಿಂದ ಸ್ವಲ್ಪ ಉಬ್ಬಿರುವೆ:)
    ಕಲರಿಂಗ್ ಮಾಡಿರುವ ಕೆಲವು ಚಿತ್ರಗಳು..






    Thursday, January 13, 2011

    ಮಕರ ಸಂಕ್ರಾಂತಿ ಶುಭಾಶಯಗಳು

    ಭಾರತದಲ್ಲಿ ಬೆಳೆವ ಮಕ್ಕಳಿಗೆ ನಮ್ಮ ಹಬ್ಬ ಹರಿದಿನಗಳ ಬಗ್ಗೆ ಹೇಳಿಕೊಡಲು ಯಾವುದೇ ಪಠ್ಯಪುಸ್ತಕ ಬೇಕಿಲ್ಲ. ಅಲ್ಲಿ ಸುತ್ತಲಿನ ಹಬ್ಬದ ವಾತಾವರಣವೇ ಕಲಿಸುತ್ತದೆ. ಯಾವ ಹಬ್ಬಕ್ಕೆ ಏನು ವಿಶೇಷ ಅನ್ನುವುದು ಆ ಹಬ್ಬದ ದಿನ ಮನೆಯ ಹತ್ತಿರದ ಅಂಗಡಿ/ ಮಾರುಕಟ್ಟೆಗೆ ಒಂದು ಸುತ್ತು ಹೋಗಿ ಬಂದರೆ ಸಾಕು:)
    ಆದರೆ ಇದೆಲ್ಲದರಿಂದ ದೂರವಿರುವ ನನ್ನ ಪುಟ್ಟಿಗೆ ಇವುಗಳನ್ನ ನಾವೇ ಮನೆಯಲ್ಲಿ ಹೇಳಿಕೊಡಬೇಕು. ಇಲ್ಲಿನ ಹಬ್ಬಗಳು/ ಆಚರಣೆಗಳು ಬಂತೆಂದರೆ ಶಾಲೆಗಳಲ್ಲಿ ಆ ವಾರ/ ತಿಂಗಳೆಲ್ಲಾ ಬರೀ ಅದೇ ಹಬ್ಬದ ಪುಸ್ತಕ ಓದೋದು, ಅದೇ ಹಾಡುಗಳು, ಅದೇ ಥೀಮಿನ ಕಲೆ ಮಾಡಿಸುವುದು, ಹಬ್ಬದ ತಿಂಡಿ ಇತ್ಯಾದಿ. ನಾನೂ ಕೂಡ ಇನ್ನು ಮೇಲೆ ಇದೇ ಮಾರ್ಗದಲ್ಲಿ ಪುಟ್ಟಿಗೆ ನಮ್ಮ ಹಬ್ಬಗಳ ಬಗ್ಗೆ ತಿಳಿಸಿಕೊಡಬೇಕೆಂದು ಅಂದುಕೊಂಡಿದ್ದೆ.
    ಸಂಕ್ರಾಂತಿಗೆ ಒಂದು ಪವರ್ ಪಾಯಿಂಟ್ ಸ್ಲೈಡ್ ಶೋ ಮಾಡೋಣವೆಂದಿದ್ದೆ, ಆದ್ರೆ ಮನೆಯಲ್ಲಿ ೧-೨ ತಿಂಗಳಿನಿಂದ ಎಲ್ಲರಿಗೂ ಬಿಡದೇ ನೆಗಡಿ/ಕೆಮ್ಮು ಸತಾಯಿಸುತ್ತಿದೆ, ಇವುಗಳ ಮದ್ಯೆ ಏನೂ ಮಾಡಲಾಗಲಿಲ್ಲ. ಗೂಗಲ್ ನಲ್ಲಿರುವ ಕೆಲವು ಹಬ್ಬದ ಚಿತ್ರಗಳನ್ನು ತೋರಿಸುತ್ತಾ ಪುಟ್ಟಿಗೆ ಸಂಕ್ರಾಂತಿ ಬಗ್ಗೆ ನಂಗೆ ತಿಳಿದಷ್ಟು ಹೇಳ್ತಾ ಬಂದಿರುವೆ.
    ಜೊತೆಗೆ ಹಬ್ಬದ ಶುಭಾಶಯಗಳ ಬ್ಯಾನರ್ ಕೂಡ ಅವಳೇ ಪೈಂಟ್ ಮಾಡಿದ್ದಾಳೆ ನೋಡಿ ಹೇಗಿದೆ.

    ಕಾಫಿ ಫಿಲ್ಟರ್ ಪೇಪರ್ ಅನ್ನು ಸೂರ್ಯನ ಕಿರಣಗಳಂತೆ ಕಾಣುವಂತೆ ಕತ್ತರಿಸಿ ಪೈಂಟ್ ಮಾಡಲು ಪುಟ್ಟಿಗೆ ಬಣ್ಣಗಳನ್ನು ಕೊಟ್ಟೆ. ಈ ಪೇಪರ್ ಮೇಲೆ ಪೈಂಟ್ ಮಾಡುವುದು ಪುಟ್ಟಿಗೆ ಬಲು ಇಷ್ಟ, ಬಣ್ಣಗಳು ಸುಲಭವಾಗಿ ಹರಡಿ, ಬೆರೆತುಕೊಳ್ಳುತ್ತವೆ. ಮುಂಚೆಯೂ ಬಹಳಷ್ಟು ಸರ್ತಿ ಇದರ ಮೇಲೆ ಪೈಂಟ್ ಮಾಡಿದ್ದಾಳೆ. ಸೂರ್ಯ ಮಾಡಬೇಕಿದ್ದರಿಂದ ಹಳದಿ, ಕೆಂಪು ಮತ್ತು ಕಿತ್ತಳೆ ಬಣ್ಣವನ್ನು ಮತ್ರ ಕೊಟ್ಟೆ. ಪೈಂಟ್ ಮಾಡಿದ ಮೇಲೆ ಪ್ರಿಂಟ್ ಮಾಡಿದ ಅಕ್ಷರಗಳನ್ನು ಅವಕ್ಕೆ ಅಂಟಿಸಿ ಗೋಡೆಗೆ ಹಾಕಿರುವೆ!!
    ನಿಮಗೆಲ್ಲರಿಗೂ ಮಕರ ಸಂಕ್ರಾಂತಿ ಹಬ್ಬದ ಶುಭಾಶಯಗಳು !!

    Tuesday, January 04, 2011

    ಹುಟ್ಟುಹಬ್ಬ ಪಾರ್ಟಿ ಫೋಟೋಗಳು..

     ಪುಟ್ಟಿ
      
     ಸ್ನೇಹಿತರು
    ಕೇಕ್ ಕತ್ತರಿಸುತ್ತಾ..


    ಮಿಕ್ಕ ಫೋಟೋಗಳು ಮತ್ತು ಆಡಿದ ಆಟಗಳ ವಿವರ ಮುಂದಿನ ಪೋಸ್ಟ್ ನಲ್ಲಿ...

    Wednesday, December 29, 2010

    ಪುಟ್ಟಿಗೆ ಇವತ್ತಿಗೆ ಮೂರು ವರ್ಷ!!

    ಸ
    ಮಯ ಎಷ್ಟು ಬೇಗ ಕಳೆದು ಹೋಗುತ್ತದಲ್ಲ? ಮೂರು ವರ್ಷ ನೋಡುತ್ತ ನೋಡುತ್ತ ಕಳೆದು ಹೋಗಿದೆ. ಪುಟ್ಟಿಗೆ ಇವತ್ತಿಗೆ ಮೂರು ವರ್ಷ!!! ನನ್ನನ್ನು ಬ್ಲಾಗ್ ಬರೆಯುವಂತೆ ಮಾಡಿ, ದಿನಕ್ಕೊಂದು ಹೊಸ ಆಟ ಕಲಿತು ಬ್ಲಾಗಿನಲ್ಲಿ ಬರೆಯಲು ಹೊಸ ವಿಚಾರ ಕೊಡುತ್ತಿರುವವಳು ಇವಳು.  ಅವಳೆಷ್ಟೇ ದೊಡ್ಡವಳಾದರೂ ಇಂದಿನ ಮುಗ್ಧತೆ ಹೀಗೆ ಇರಲಿ ಮತ್ತು ಸದಾ ಸಂತಸದಿ ಬಾಳಲಿ ಎಂಬುದೇ ಜನುಮದಿನದಂದು ನನ್ನ ಹಾರೈಕೆ.
    ಅಂದ ಹಾಗೆ, ‘ಪ್ರೇಮದ ಕಾಣಿಕೆ’ ಚಿತ್ರದಲ್ಲಿರುವ ಈ ಹುಟ್ಟುಹಬ್ಬದ ಹಾಡು ನೆನಪಿದೆಯಾ? ಇಲ್ಲ ಅಂದ್ರೆ ಒಮ್ಮೆ ನೋಡಿ ಮೆಲುಕು ಹಾಕಿಬಿಡಿ. 


    ಚಿತ್ರ : ಪ್ರೇಮದ ಕಾಣಿಕೆ [1976]
    ಗಾಯಕರು : ಪಿ . ಬಿ . ಶ್ರೀನಿವಾಸ್





    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ಸರದ ಸಮಯದಿ ಸದಾ ವಿರಸವೇನು ?

    Happy birthday to you...
    Happy birthday to you...
    Happy birthday to you...Putti 

    ಸ್ನೇಹವ ತೋರು ಎಲ್ಲರ ಸೇರು
    ಸ್ನೇಹವ ತೋರು ಎಲ್ಲರ ಸೇರು
    ದಿನವು ಸಂತೋಷದಿ ನಲಿ ನಲಿದಾಡು
    ದಿನವು ಸಂತೋಷದಿ ನಲಿ ನಲಿದಾಡು
    ನೂರಾರು ವರುಷ ಕಂಡ ಸುಖದಿ ಬಾಳು

    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ನನ್ನ ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು

    ಯಾರೋಲೋ ಕೋಪ ಯಾರಿಗೋ ಶಾಪ
    ಯಾರೋಲೋ ಕೋಪ ಯಾರಿಗೋ ಶಾಪ
    ದಿನವು ಇದೇನಿದು ಈ ಪರಿತಾಪ
    ದಿನವು ಇದೇನಿದು ಈ ಪರಿತಾಪ
    ನೀ ತಾಯಿಯಂತೆ ಬಿಡು ಇನ್ನು ಚಿಂತೆ

    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ಸರದ ಸಮಯದಿ ಸದಾ ವಿರಸವೇನು ?

    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
    ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು

    Happy birthday to you...
    Happy birthday to you...
    Happy birthday to you...Putti