Wednesday, April 30, 2008

ಅನ್ನಪ್ರಾಶನ

ನಮ್ಮ ಪುಟ್ಟಿಗೆ ಈಗ ನಾಲ್ಕು ತಿಂಗಳು ತುಂಬಿತು. ಈ ಸರ್ತಿಯ ಹುಟ್ಟುಹಬ್ಬದ ವಿಶೇಷ ಅಂದ್ರೆ ಅವಳಿಗೆ ಮೊದಲ ಬಾರಿಗೆ "Rice Cereal" ಅನ್ನು ಹಾಲಿನಲ್ಲಿ ಬೆರೆಸಿ ಅವರಜ್ಜಿ ಅವಳಿಗಾಗಿ ತಂದಿದ್ದ ಬೆಳ್ಳಿ ಒಳಲೆಯಲ್ಲಿ ಕುಡಿಸಿದೆವು. ತಾಯಿಯ ಹಾಲನ್ನು ಬಿಟ್ಟು ಗಟ್ಟಿ ಆಹಾರವನ್ನು ಮೊದಲ ಬಾರಿಗೆ ಉಣಿಸುವ ಈ ವಿಧಿಗೆ "ಅನ್ನಪ್ರಾಶಾನ" ಅಂತಾರೆ.
ಅನ್ನಪೂರ್ಣೆ ಸದಾಪೂರ್ಣೆ ಶಂಕರ ಪ್ರಾನವಲ್ಲಭೆಜ್ನಾನ ವೈರಾಗ್ಯ ಸಿದ್ಯರ್ಥಂ, ಭಿಕ್ಷಾಂದೇಹೀಚ ಪಾರ್ವತಿ
ಮಾತಾಚ ಪಾರ್ವತೀ ದೇವಿ ಪಿತ ದೇವೊ ಮಹೇಶ್ವರಃಭಾಂದವಾ ಶಿವಭಕ್ತಾಶ್ಚ ಸ್ವದೇಶೋ ಭುವನತ್ರಯಂ

Thursday, April 10, 2008

ಯುಗಾದಿಯ ದಿನ ನಮ್ಮ್ ಪುಟ್ಟಮ್ಮ!!

ಯುಗಾದಿ ಹಬ್ಬದ ದಿನ ಪುಟ್ಟಿ, ಅವರಜ್ಜಿ ಅವಳಿಗಾಗಿ ತಂದಿದ್ದ ಹಸಿರು ರೇಷ್ಮೆ ಲಂಗ ತೊಟ್ಟು ಹೊಸವರ್ಷವನ್ನು ಸ್ವಾಗತಿಸಿದಳು. ಅವಳಿಗೆಂದು ತವಿಶ್ರೀ ಅವರು ಆಶೀರ್ವದಿಸಿ ಅಕ್ಕರೆಯಿಂದ ಬರೆದ ಹಾಡು ಇದು. ಧನ್ಯವಾದಗಳು ಸಾರ್:)

ಪುಟ್ಟಮ್ಮ

ಬಾರೆ ಬಾರೆ ನನ್ನ ಪುಟ್ಟಮ್ಮ
ನಾಲ್ಕು ಹಲ್ಲು ತೋರು ನೀ ನನ್ನಮ್ಮ
ಮುದ್ದಿನ ರಾಣಿ ಗಿಡ್ಡು ಪುಟಾಣಿ
ಕೊಡುವೆನು ಬಾರೆ ಗುಂಡು ಬಟಾಣಿ


ಅಗಲದ ಹಣೆಗೆ ದುಂಡನೆ ಕುಂಕುಮ
ಗುಂಗುರು ಕೂದಲ ತೀಡುವೆ ಬಾರಮ್ಮ
ಕಿವಿಯಲಿ ಝುಮಕಿ ಹಾಕುವೆನು
ಕಣ್ಣಿಗೆ ಕಾಡಿಗೆ ಹಚ್ಚುವೆನು


ಪುಟಾಣಿ ಕಾಲ್ಗಳಲಿ ಘಲಘಲ ಗೆಜ್ಜೆ
ಮನೆಯೊಳಗೆಲ್ಲ ನಿನ್ನದೆ ಹೆಜ್ಜೆ
ಪುಟಾಣಿ ಕೈಗಳಿಗೆ ಬೆಳ್ಳಿಯ ಕಡಗ
ತೊಡಿಸುವೆ ಬಣ್ಣದ ಉದ್ದನೆ ಲಂಗ

ಉಣಿಸುವೆ ಉಪ್ಪು ತುಪ್ಪದ ಅನ್ನ
ಎಂದಿಗೂ ನೀ ತಣಿಸು ನನ್ನ ಮನವನ್ನ
ನಿನ್ನೊಡನೆ ಆಡಲು ಕರೆಯುವೆ ಚಂದಮಾಮ
ತಟ್ಟಿ ಮಲಗಿಸಲಿಹಳು ನಿನ್ನಮ್ಮ

ಸಿಹಿ ಹಾಲನ್ನೀವೆ ಬಟ್ಟಲಿನಲಿ
ನಾನೂ ಸೇರುವೆ ನಿನ್ನಳಿನಲಿ
ಆಲಂಗಿಸು ನಿನ್ನ ಪುಟ್ಟ ಕೈಗಳಲಿ
ಆಡಿ ಪಾಡಿ ಸೋತು ಮಲಗು ನೀ ಬಳಲಿ  
-ತ. ವಿ. ಶ್ರೀ

Monday, March 31, 2008

ಮೂರು ಮೂವತ್ತು !!!

ಪುಟ್ಟಿ ತನ್ನ ಮೂರು ತಿಂಗಳ ಬರ್ತ್ ಡೇಯನ್ನ ಅವರಮ್ಮನ ಮೂವತ್ತರ ಹುಟ್ಟುಹಬ್ಬದೊಂದಿಗೆ ಆಚರಿಸಿಕೊಂಡಳು. ಪ್ರತಿ ಸರ್ತಿ ಒಬ್ಬಳೇ ಕೇಕ್ ಕಟ್ ಮಾಡಿ ಬೋರ್ ಆಗಿದ್ದ ಪುಟ್ಟಿಗೆ ಅಮ್ಮನ ಜೊತೆ ಕೇಕ್ ಮಾಡೋಕೆ ಬಲು ಖುಶಿ.


ಈ ದಿನ ಜನುಮದಿನ ಶುಭಾಶಯ ನನ್ನ ಶುಭಾಶಯ
ಈ ದಿನ ಜನುಮದಿನ ಶುಭಾಶಯ ನನ್ನ ಶುಭಾಶಯ
ಈ ನಗೆ ಈ ನಗೆ ಹೂವು ಸುಂದರವು
ತುಂಬಿದೆ ತುಂಬಿದೆ ಅದರಲಿ ನಿನ್ನೊಲವು
ಕಂಗಳು ಆಡುವ ಮಾತುಗಳು
ತಂದಿದೆ ಹೃದಯಕೆ ಹೊಸ ಗೆಲವು//೨//

ಎಲ್ಲರೂ ಅಮ್ಮನಿಗೆ ಗಿಫ್ಟ್ ಕೊಟ್ಟಿದ್ದು ನೋಡಿಯೋ ಇಲ್ಲ ಕೇಕ್ ತಿಂದು ಹೆಚ್ಚಿನ ಶಕ್ತಿ ಬಂತೇನೋ, ರಾತ್ರಿ ಮಲಗೋದ್ರಲ್ಲಿ ಬೋರಲು ಬಿದ್ದಳು ನಮ್ಮ ಪುಟ್ಟಿ. ಅದು ಅವಳು ಅಮ್ಮನಿಗೆ ಕೊಟ್ಟ ಹುಟ್ಟುಹಬ್ಬದ ಗಿಫ್ಟ್:)

Thursday, March 20, 2008

ಮುತ್ತು ಕೊಡುವೆ ಕoದನೆ

ಬಾ ಮುತ್ತು ಕೊಡುವೆ ಕoದನೆ ನನ್ನ ಮುದ್ದು ರಾಣಿ
ಬಾ ಮುತ್ತು ಕೊಡುವೆ ಕoದನೆ ನನ್ನ ಮುದ್ದು ರಾಣಿ
ನಿನ್ನ ಹವಳದಂಥ ತುಟಿಗೆ ಇಂದು ಪ್ ಎಂದು
ಬಾ ಮುತ್ತು ಕೊಡುವೆ ಕoದನೆ ನನ್ನ ಮುದ್ದು ರಾಣಿ
ಬಾ ಮುತ್ತು ಕೊಡುವೆ ಕoದನೆ ನನ್ನ ಮುದ್ದು ರಾಣಿ

ನಿನ್ನ ಮೊಗವನ್ನು ಕಂಡಾಗ ನಾಚಿ ಶಶಿ ಮೋಡದಲಿ ಮರೆಯಾದನು
ನಿನ್ನ ತುಂಟಾಟ ಕಂಡು ಬೆರೆಗಾಗಿ ಕೃಷ್ಣ ಗುಡಿಯಲ್ಲಿ ಶಿಲೆಯಾದನು
ನೀನಾಡೋ ತೊದಲು ನುಡಿ ಅರಗಿಣಿಯ ಮಾತಂತೆ
ನೀನಾಡೋ ತೊದಲು ನುಡಿ ಅರಗಿಣಿಯ ಮಾತಂತೆ
ಸವಿಜೇನ ಹನಿಯಂತೆ ನನ್ನ ಮುದ್ದು ರಾಣಿ //ಬಾ ಮುತ್ತು ಕೊಡುವೆ//


ನಕ್ಕು ನಲಿವಾಗ ಬೆಳದಿಂಗಳಂತೆ
ನೀನು ಅತ್ತಾಗ ಸಂಗೀತವೂ

ನನ್ನ ಬಂಗಾರದ ಬೊಂಬೆಯಂತೆ
ಕಂದ ಈ ಮನೆಗೆ ನೀ ಪ್ರಾಣವೂ
ನಿನ್ನನ್ನು ಬಣ್ಣಿಸಲು ನನ್ನಲ್ಲಿ ಮಾತಿಲ್ಲ
ನಿನ್ನನ್ನು ಬಣ್ಣಿಸಲು ನನ್ನಲ್ಲಿ ಮಾತಿಲ್ಲ
ನೀ ನನ್ನ ಉಸಿರಂತೆ ನನ್ನ ಮುದ್ದು ರಾಣಿ // ಬಾ ಮುತ್ತು ಕೊಡುವೆ//

ಈ ಹಾಡು ಕಾಮನಬಿಲ್ಲು ಚಿತ್ರದ್ದು. ಇದನ್ನು ಇಲ್ಲಿ ನೋಡಿ ಆನಂದಿಸಿರಿ.






Friday, February 29, 2008

ಎರಡು ಎರಡು ಎರಡು !!!

ಆಗ್ಲೇ ನಮ್ಮ್ ಬಂಗಾರಿಗೆ ಎರಡು ತಿಂಗ್ಳು ತುಂಬ್ತು. ಅವಳ ಜೊತೆ ಇದ್ದ್ರೆ ದಿನಗಳು ಎಷ್ಟ್ ಬೇಗ ಉರುಳುತ್ತೆ ಅನ್ನೋದು ಗೊತ್ತೇ ಆಗೋಲ್ಲ. ಸರಿ, ಮತ್ತೊಂದು ಹುಟ್ಟಿದಹಬ್ಬ ಮಾಡೋ ಸಮಯ ಬಂದೇಬಿಡ್ತು. ಈ ಸರ್ತಿ ಮನೆಗೆ ಬಂದ ಸ್ನೇಹಿತರೂ ಅವಳಿಗಾಗಿ ಒಂದು ಕೇಕ್ ತಂದ್ರು, ಜೊತೆಗೆ ಎಂದಿನಂತೆ ಅವರಪ್ಪ ತಂದಿದ್ದ ಕೇಕ್ ಇತ್ತು. ಒಟ್ಟಾರೆ ಎರಡು ಕೇಕ್-ಗಳಾದವು. ಫೋಟೋ ನೋಡಿದ ಎಲ್ಲರೂ ಹಾಸ್ಯ ಮಾಡುವವರೆ, ತಿಂಗಳ ಲೆಕ್ಕದಲ್ಲಿ ಕೇಕ್ ತರೋದಾದ್ರೆ ಪುಟ್ಟಿಯ ೧೦, ೧೧ ಹುಟ್ಟುಹಬ್ಬಗಳು ಮಾಡೋವಾಗ ನಿಮಗೆ ಟೇಬಲ್ ಮೇಲೆ ಜಾಗ ಸಾಲೋಲ್ಲ ಅಂತ :D
ಅವಳು ಈಗ ಎರಡು ಅಡಿ ಉದ್ದ ಬೆಳೆದಿದ್ದಳು, ಅವರ ಅಜ್ಜ ರೇಗಿಸ್ತಾಯಿದ್ದ್ರು "೨ ತಿಂಗ್ಳಿಗೆ ೨ ಅಡಿ.. ಹೀಗೇ ಆದ್ರೆ ನೀನು ಆಕಾಶದೆತ್ತರ ಬೆಳೀತೀಯಾ ಕಂದ" ಅಂತ. ೨ ತಿಂಗಳಿಗೆ ೨ ಅಡಿ ಉದ್ದ ಬೆಳೆದು ೨ ಕೇಕ್-ಗಳೊಂದಿಗೆ ಬರ್ತ್-ಡೇ ಮಾಡಿಕೊಂಡ ಬಂಗಾರಿಗೆ ಖುಶಿಯೋ ಖುಶಿ:)

Saturday, February 16, 2008

ಹಾಡೋಣ ಬಾ ಆಡೋಣ ಬಾ

ನನ್ನ್ ಹತ್ರ ಎಷ್ಟೊಂದ್ ಗೊಂಬೆಗಳಿವೆ ನೋಡಿದ್ರಾ, ಬರ್ತೀರಾ ನನ್ನ್ ಜೊತೆ ಆಡೋಕೆ??

ಹಾಡೋಣ ಬಾ ಆಡೋಣ ಬಾ
ಒಂದಾಗಿ ನಾವೆಲ್ಲಾ ಈಗ (೨)
ಈ ಸಂಜೆಯಲ್ಲಿ ತಂಗಾಳಿಯಲ್ಲಿ
ಗೊಂಬೆಯಾಟ(ಜೂಟಾಟ) ಆಡೋಣ ಬಾ
ಹಾಡೋಣ ಬಾ ಆಡೋಣ ಬಾ
ಒಂದಾಗಿ ನಾವೆಲ್ಲಾ ಈಗ

ಗಿಣಿಯಂತೆ ನಾನು ಮಾತಾಡುವೆ
ನವಿಲಂತೆ ನಾನು ಕುಣಿದಾಡುವೆ
ಬಾನಾಡಿಯಂತೆ ನಾ ಹಾರಾಡುವೆ
ಮರಿ ದುಂಬಿಯಂತೆ ನಾ ಹಾರುವೆ
ಸಂತೋಷ ತರುವೆ ಆನಂದ ಕೊಡುವೆ
ಎಂದೆಂದೂ ಹೀಗೆ ಜೊತೆಯಾಗಿ ಇರುವೆ
ನೂರಾರು ಕಥೆ ಹೇಳುವೆ

ಹಾಡೋಣ ಬಾ ಆಡೋಣ ಬಾ

ಬಾ ಪ್ರೀತಿಯಿಂದ ಮುದ್ದಾಡುವೆ
ಹೀಗೇಕೆ ನೀನು ಕದ್ದೋಡುವೆ
ನೀನೆಲ್ಲೆ ಇರಲಿ ನಾ ಕೂಗುವೆ
ಹೊಸ ರಾಗವೊಂದ ನಾ ಹಾಡುವೆ
ಕಿವಿ ಮಾತನೊಂದ ನೀ ಕೇಳು ಈಗ
ನನಗಾಗಿ ಆಗ ಬರಬೇಕು ಬೇಗ
ನೆನಪಲ್ಲಿ ಇಡು ಇನ್ನುವೆ

ಹಾಡೋಣ ಬಾ ಆಡೋಣ ಬಾ


ಬೇಬಿ ಶ್ಯಾಮಿಲಿ ಅಭಿನಯದ ಭೈರವಿ ಚಿತ್ರದ ಈ ಹಾಡನ್ನು ನೋಡಿ ಇಲ್ಲಿ ಆನಂದಿಸಿರಿ.

Friday, February 15, 2008

ಗುಡಿಗೆ ಹೊರಟಲು ನಮ್ಮ್ ರಾಜಕುಮಾರಿ

ಮಗುವನ್ನ ಹೊರಗಡೆ ಅಲ್ಲಿ ಇಲ್ಲಿ ಕರೆದು ಕೊಂಡು ಹೋಗುವ ಮೊದಲು ದೇವಸ್ತಾನಕ್ಕೆ ಹೋಗಿ ದೇವರ ದರ್ಶನ ಮಾಡಬೇಕು ಅಂತ ಅಮ್ಮ ಹೇಳಿದ್ರು. ಇವೆಲ್ಲ ವಿಚಾರ ನನಗೂ ಈಗ ಅಷ್ಟೆ ತಿಳಿತಾಯಿರೋದು, ಪುಟ್ಟಯಿಂದಾಗಿ ಬಹಳಷ್ಟು ವಿಚಾರ ತಿಳ್ಕೊಳ್ತಾಯಿದ್ದೀನಿ. ಹೀಗೆ ಮೊದಲ ಸರ್ತಿ ದೇವಸ್ತಾನಕ್ಕೆ ಹೋಗೋದಕ್ಕೆ "ನಿಷ್ಕ್ರಮಣ" ಅಂತ ಕರೀತಾರಂತೆ.
ಮಗುವನ್ನು ಈ ಬಾಹ್ಯ ಪ್ರಪಂಚದಲ್ಲಿ ಎದುರಾಗುವ ಅಪಾಯಗಳಿಂದ ರಕ್ಷಿಸುವಂತೆ ಭಗವಂತನಲ್ಲಿ ಪ್ರಾರ್ಥಿಸುವುದೇ ಇದರ ಹಿಂದಿನ ಉದ್ದೇಶ.
ಪುಟ್ಟಿ ನಮ್ಮೂರಿಗೆ 40 ಮೈಲಿ ದೂರದಲ್ಲಿರೋ ಕ್ವಿನ್ಸಿ ಅನ್ನೋ ಊರಿನಲ್ಲಿರೋ ದೇವಸ್ತಾನಕ್ಕೆ ಮನೆಯವರ ಜೊತೆ ಹೊರಟ್ಲು. ಕಾರ್ ಸೀಟಿನಲ್ಲಿ ಕೂರೋದು ಅಂದ್ರೆ ಅವಳಿಗೆ ಅಲರ್ಜಿ. ಹಾಗಾಗಿ ಅವಳನ್ನು ರಮಿಸಲು ದಾರಿಯುದ್ದಕ್ಕೂ ಅವಳಿಗೆ "ಹರಿ ನಾಮವೇ ಚಂದ ಅದ ನಂಬಿಕೊ ಕಂದ" ಮತ್ತಿತರ ಹಾಡು ಹೇಳುತ್ತಾ ಕರೆದುಕೊಂಡು ಹೋಗಿದ್ದಾಯ್ತು. ಅಲ್ಲಿಂದ ಬಂದಮೇಲೆ ಶುರುವಾಯಿತು ಅವಳ ಸುತ್ತಾಟ:)