Showing posts with label kaartoon. Show all posts
Showing posts with label kaartoon. Show all posts

Saturday, May 21, 2011

ಹಂಪ್ಟಿ ಡಂಪ್ಟಿ ಕನ್ನಡದಲ್ಲಿ

ಇಂಗ್ಲಿಷ್ ಶಿಶು ಗೀತೆಗಳನ್ನ ಕನ್ನಡಕ್ಕೆ ಅನುವಾದ ಮಾಡಿರುವುದನ್ನು ಹಿಂದೊಮ್ಮೆ ಇಲ್ಲಿ ಬರೆದಿದ್ದೆ.  ಮಕ್ಕಳಿಗೆ ಕಲಿಸಲು ಕನ್ನಡದಲ್ಲೇ ಬೇಕಾದಷ್ಟು ಚೆಂದದ ಶಿಶುಗೀತೆಗಳಿವೆ. ಅವುಗಳ ಜೊತೆಗೆ ಈ ಕನ್ನಡೀಕರಿಸಿದ ಆಂಗ್ಳ ಪದ್ಯಗಳನ್ನೂ ಮಕ್ಕಳಿಗೆ ಪರಿಚಯ ಮಾಡಿಕೊಡಬಹುದು.
Humpty Dumpty sat on a wall
Humpty Dumpty had a great fall
All the king's horses and all the king's men
Couldn't put Humpty Dumpty together again

ಈ ಹಾಡನ್ನ ನಿಶುಮನೆಯಲ್ಲಿ ಅವರಮ್ಮ ಚಿತ್ರಗಳ ಜೊತೆಗೆ ಬರ್ದಿದ್ದು ಹೀಗೆ.... ಅಲ್ಲಿ ಪುಟ್ಟ ನಿಶು ಈ ಹಾಡನ್ನ ಮುದ್ದಾಗಿ ಹಾಡಿರೋ ವಿಡಿಯೋ ಕೂಡ ಇದೆ ನೋಡಿ ಖುಶಿ ಪಡಿ!!
ಮೊಟ್ಟೆರಾಯ ಕೂತ್ಕೊಂಡಿದ್ದ ಮೋಟು ಗೋಡೆ ಮೇಲೆ
ಬಿದ್ದೇ ಹೋದನಂತೆ ಎತ್ತೋರ್ಯಾರ್ರೀ ಮೇಲೆ ?
ಕುದ್ರೆ ಹತ್ತಿ ಬಂದರಂತೆ ದಂಡಿನೋರು ನೂರು...
ಯಾರು ಬಂದ್ರೆ ತಾನೆ ಮೊಟ್ಟೆ ಚೂರು ಚೂರು
  ಈಗ ’ಅಪ್ಪು ಸೀರೀಸ್’ ನವರು ಈ ಇಂಗ್ಳೀಶ್ ಪದ್ಯವನ್ನು ಕನ್ನಡಕ್ಕೆ ಅನುವಾದಿಸಿ ಕಾರ್ಟೂನ್ ಮಾಡಿ ಹಾಕಿದ್ದಾರೆ ನೋಡಿ. ಇಂಗ್ಳೀಶಿನವರು ಒಟ್ಟುಗೂಡಿಸಲಾಗದ ’ಹಂಪ್ಟಿ ಡಂಪ್ಟ” ಯನ್ನ  ಇವರು ಸರಿ ಮಾಡಿದ್ದಾರೆ ;)
ಚಿಣ್ಣರ ನಾಯಕ ಡುಮ್ಮಣ್ಣ
ಗೋಡೆ ಮೇಲಿಂದ ಜಾರಿದ್ದ
ಸೇನೆ ಜೊತೆಯಲಿ ರಾಜನು
ಡುಮ್ಮನ ಸರಿ ಮಾಡ್ದಿದ್ದ

Tuesday, March 29, 2011

ಗೌರ್ನ್ ಮೆಂಟ್ ಬಸ್ಸಲ್ಲಿ...

Buzzers ನವರ ಶಿಶುಗೀತೆಗಳ ವಿಡಿಯೋ ಸಿಡಿ ’ಚಿನ್ನಾರಿ ಮುತ್ತಿನ ಹಾಡುಗಳು". ಇದರ ಎಲ್ಲಾ ಹಾಡುಗಳು ಈಗ ಬಹಳಷ್ಟು ಜನಪ್ರಿಯ ಜೊತೆಗೆ ಇವು ಯೂಟ್ಯೂಬಿನಲ್ಲಿ ಕೂಡ ಲಬ್ಯವಿದೆ. ಇವರದೇ ಎರಡನೆ ವಿಡಿಯೋ ಸಿಡಿ 'ಚಿಣ್ಣರ ಚಿಲಿಪಿಲಿ’ ಯಲ್ಲಿನ ಬಹಳಷ್ಟು ಕನ್ನಡ ಪದ್ಯ( ರೈಮ್ಸ್) ಪುಟ್ಟಿ ಈಗ ಕಲ್ತಿದ್ದಾಳೆ. ಅದರ ಒಂದು ರೈಮ್ ಪುಟ್ಟಿ ಹಾಡೋದು ಹೀಗೆ :


ಗೌರ್ನ್ ಮೆಂಟ್ ಬಸ್ಸಲ್ಲಿ
ಮೂರ್ನೆ ಸೀಟಲ್ಲಿ
ಡುಮ್ಮ ಡುಮ್ಮಿ ಕೂತಿದ್ರು
ಡುಮ್ಮನ ಹೊಟ್ಟೆ ಹೊಡೆದು ಹೋಯ್ತು
ಡುಮ್ಮಿ ಅಳ್ತಾ ಕೂತಿದ್ಲು

ಇದೇ ತರಹ ನಾವು ಚಿಕ್ಕಂದಿನಲ್ಲಿ ಹಾಡ್ತಾಯಿದ್ದ ಇನ್ನೊಂದು ಹಾಡು ಸ್ವಲ್ಪ ನೆನಪಾಯ್ತು.
ಡುಮ್ಮ ಡುಮ್ಮಿ ಡುಪ್ಲಿಕೇಟ್
Door  ನಂಬರ್ 88 .......

ಮುಂದಕ್ಕೆ ನೆನಪಿಲ್ಲ :(

ವಿ.ಸೂ: ಈ ಸಿಡಿಯಲ್ಲಿರುವ ರೈಮ್ಸ್ ಅನ್ನು ಯೂ ಟ್ಯೂಬಿನಲ್ಲಿ ಅಪ್ಲೋಡ್ ಮಾಡೋದು ಹೇಗೆ ಗೊತ್ತಿದ್ರೆ ತಿಳಿಸಿ. ಇವೆಲ್ಲಾ swf ಫೈಲ್ಸ್ ಜೊತೆಗೆ ಕಾಪಿರೈಟೆಡ್ ಬೇರೆ!!

Thursday, August 26, 2010

ಹಕ್ಕಿ ಗೂಡು...

ಮೊನ್ನೆ ನಾನು ಪುಟ್ಟಿ ಸೇರಿ shredded ಪೇಪರ್ ನಿಂದ ಈ ಹಕ್ಕಿ ಗೂಡು ಮಾಡಿದ್ವಿ. ಸದ್ಯಕ್ಕೆ ಅದರೊಳಗೆ ಈಸ್ಟರ್ ಮೊಟ್ಟೆ ಕುಳಿತಿದೆ:)
ಇದನ್ನ ಮಾಡೋದು ಬಲು ಸುಲಭ. ಒಂದು ಬಟ್ಟಲಿಗೆ ಪ್ಲಾಸ್ಟಿಕ್ ವ್ರಾಪ್ ಸುತ್ತುವುದು. ಅದರ ಮೇಲೆ ಸ್ವಲ್ಪ ಗೋಂದು (glue) ಬಳಿದು ಒಂದಷ್ಟು ಪೇಪರ್ ಹಾಕೋದು. ನಂತರ ಮತ್ತೆ ಗಮ್ ಮತ್ತೆ ಪೇಪರ್ ಹೀಗೆ ಮಾಡುತ್ತಾ ಅಗಾಗ್ಗೆ ಪೇಪರ್ ತುಂಡುಗಳನ್ನು ಬಟ್ಟಲಿಗೆ ಅದಮುವುದು. ಕೊನೆಯಲ್ಲಿ ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ ನಿಧಾನಕ್ಕೆ ಬಿಡಿಸಿಕೊಂಡರೆ ಆಯಿತು:)


ನಮ್ಮ ಮನೆಯಲ್ಲೊಂದು
ಗುಬ್ಬಿ ಗೂಡು ಕಟ್ಟಿತು
ಗೂಡಿನೊಳೊಗೆ ಹುಲ್ಲು ಹಾಸಿ
ಮೊಟ್ಟೆ ಇಟ್ಟಿತು
ಮೊಟ್ಟೆಯೊಡೆದು ಒಳಗಿನಿಂದ
ಮರಿಯು ಬಂದಿತು
ಮರಿಯ ಕೂಗು ಕೇಳಿ
ತಾಯಿ ಹೊರಗೆ ಹಾರಿತು
ತಿರುಗಿ ಬಂದು ಮರಿಗೆ ಅದು
ಗುಟುಕು ಕೊಟ್ಟಿತು
ಗುಟುಕು ನುಂಗಿ ಮರಿಯ ರೆಕ್ಕೆ
ಬಲಿಯ ತೊಡಗಿತು
ರೆಕ್ಕೆ ಬಲಿತ ಪುಟ್ಟ ಮರಿ
ಹೇಳ ತೊಡಗಿತು
ಬಲಿತ ಮರಿ ಒಂದು ದಿನ
ಮೇಲೆ ಮೇಲೆ ಹಾರಿತು


Thursday, April 29, 2010

ಕಾಮನ ಬಿಲ್ಲು

ಪುಟ್ಟಿಗೆ ಬಣ್ಣಗಳೊಂದಿಗೆ ಆಟವಾಡೋದು ಬಲು ಇಷ್ಟ. ಯಾವಾಗ ಕೇಳಿದ್ರೂ ’ಪೈಂಟಿಂಗ್/ ಕಲರಿಂಗ್ ಮಾಡೋಣ’ ಅಂತಾಳೆ. ಅದ್ರಲ್ಲೂ ಅವಳ ನೆಚ್ಚಿನದು ’ರೈನ್-ಬೋ’ :)) ಅವಳು ಮಾಡಿರೋ ಹತ್ತಾರು ಚಿತ್ರಗಳಲ್ಲಿ ಕೆಲವು ಇಲ್ಲಿವೆ.









ಅವಳು ತಿನ್ನುವ ’Fruitloops' ನಿಂದ ಕಾಮನಬಿಲ್ಲು ಮಾಡಿರೋದು:) ಜೊತೆಗೆ ಅವಳ ನೆಚ್ಚಿನ ಹಾಡು.

ಕಾಮನ ಬಿಲ್ಲು ಕಮಾನು ಕಟ್ಟಿದೆಮೋಡದ ನಾಡಿನ ಬಾಗಿಲಿಗೆ
ಬಣ್ಣಗಳೇಳನು ತೋರಣ ಮಾಡಿದೆಕ೦ದನ ಕಣ್ಣಿಗೆ ಚಂದವ ಮಾಡಿದೆ
ಹಣ್ಣಿನ ಹೂವಿನ ಹೊನ್ನನು ಕೂಡಿದೆಮಕ್ಕಳಿಗೊಕುಳಿಯಾಟವನಾಡಿದೆ
ತೆಂಗಿನ ತೋಟದ ಬುಡದಲಿ ಮೂಡಿದೆಭೂಮಿಗೆ ಬಾನಿಗೆ ಸೇತುವೆ ಹೂಡಿದೆ
ಕಾಮನ ಬಿಲ್ಲು ಕಮಾನು ಕಟ್ಟಿದೆಮೋಡದ ನಾಡಿನ ಬಾಗಿಲಿಗೆ
(ಕವಿ : ಕುವೆಂಪು)

Friday, July 17, 2009

ನಾಯಿ ಏನ್ ಅನ್ನುತ್ತೆ?

ಪುಟ್ಟಿ ಈಗ ಪ್ರಾಣಿಗಳು ಬಲು ಇಷ್ಟ ದಿನಾ ಸಂಜೆ ಆಚೆ ವಾಕ್ ಹೋಗ್ತಾಳೆ. ನೆರೆಹೊರೆಯವರ ನಾಯಿ/ ಬೆಕ್ಕುಗಳನ್ನ ನೋಡಿ ನಕ್ಕು ಖುಶಿಪಡ್ತಾಳೆ. ಅವುಗಳ ಧ್ವನಿ ಗುರುತಿಸ್ತಾಳೆ. ಕನ್ನಡದ ಬೌಬೌ ನಾಯಿ ಪದ್ಯ ಸ್ವಲ್ಪ ಸ್ವಲ್ಪ ಹೇಳ್ತಾಳೆ:)



ಪುಟ್ಟಿ ಹೇಳಿದ ಪೂರ್ತಿ ಪದ್ಯ ಇಲ್ಲಿದೆ ನೋಡಿ:

Sunday, March 08, 2009

ತಾತು ಅಂದ್ರೆ ತಾಯಿನ್!!

ಪುಟ್ಟಿ ಸಣ್ಣ ಮಗುವಾಗಿದ್ದಾಗಿನಿಂದ ಪ್ರತಿ ದಿನ ಎದ್ದ ಕೂಡಲೆ ಅವಳನ್ನ ದೇವರ ಮುಂದೆ ಕರೆತರೋದು ರೂಢಿ. ಒಂದೆರಡು ಶ್ಲೋಕಗಳನ್ನು ಹೇಳಿ, ಅವಳ ಕೈಯಿಂದ ಹುಂಡಿಗೆ ಕಾಸು ಹಾಕಿಸೋದು ಅವರಪ್ಪನ ಕೆಲಸ. ಇತ್ತೀಚೆಗೆ ಎದ್ದ ಕೂಡಲೆ ಪುಟ್ಟಿ ರೂಮ್ ನಲ್ಲಿರೋ ದೇವರಿಗೆ ಕೈ ಮುಗಿದು, "ಓಂ" ಹೇಳ್ತಾಳೆ. ಅವರಪ್ಪನ ಸ್ನಾನವಾದ ನಂತರ, ಅವರೊಂದಿಗೆ ದೇವರ ಮುಂದೆ ಹೋಗಿ ತಾನೂ ಕೈ ಮುಗಿದು, ಅವರಪ್ಪ ಮರೆತರೆ ತಾನೇ "ತಾತು ಅಥವಾ ತಾಯಿನ್" ಅಂತ ಕೇಳಿ ಹುಂಡಿಗೆ ದುಡ್ಡು ಹಾಕ್ತಾಳೆ.
ಅಲ್ಲದೇ ಅವರಪ್ಪನ ಕಾಯಿನ್ ಕಲೆಕ್ಷನ್ ನೋಡೋದು ಅವಳಿಗೆ ಬಲು ಖುಶಿ! ಅಪ್ಪನ ಆಲ್ಬಂನೆಲ್ಲಾ ದಿನಾ ಒಂದ್ ಸರ್ತಿ ಜಾಲಾಡ್ತಾಳೆ. ಪ್ರತಿಯೊಂದು ಕಾಯಿನ್ ತೋರಿಸಿ "ಅದು ತಾತು, ಇದು ತಾತು" ಅಂತ ಹೇಳ್ತಾಳೆ. ಅವರಪ್ಪ ಕಾಯಿನ್ ಜೋಡಿಸಲು ಕುಳಿತರೆ ತಾನೂ ಕೂರ್ತಾಳೆ.

ಝಣ ಝಣ ಝಣ
ಜೇಬು ತುಂಬ ಹಣ
ಮೇಲಕೆತ್ತಿ ಬಿಡಲು ಸದ್ದು
ಠಣ್ ಠಣಾ ಠಣ.
ನದಿಯೊಲ್ಲೊಂದು ಬಕ
ಮುದುರಿಕೊಂಡು ಮುಖ
ಕಾಲನೆತ್ತಿ
ಕುಣಿಯುತ್ತಿತ್ತು
ಥೈ ಥಕಾ ಥಕಾ..
ಸುತ್ತ ಹಸಿರು ವನ
ನಡುವೆ ಮೇವ ದನ
ಕೊಳಲನೂದಿ ಗೊಲ್ಲನೊಬ್ಬ
ತನನ ನಾ ತನಾ...

Tuesday, January 20, 2009

ಕರಡಿ ಕುಣಿತ

ಪುಟ್ಟಿಗೆ ಪ್ರಾಣಿಗಳು ಅಂದ್ರೆ ತುಂಬಾ ಇಷ್ಟ. ಮೊದಲ ಸಾರಿ ಬೆಂಗಳೂರಿಗೆ ಹೋದಾಗ ಬಹಳಷ್ಟು ಪ್ರಾಣಿಗಳನ್ನ ನೋಡಿ ಖುಶಿ ಪಟ್ಟಳು., ಅವಳು ನೋಡಿದ ಲಿಸ್ಟ್ ನಲ್ಲಿ ಕರಡಿ ಕೂಡ ಇದೆ. ನನ್ನ ಚಿಕ್ಕಪ್ಪನ ಮಗನ ನಿಶ್ಚಿತಾರ್ಥಕ್ಕೆಂದು ಊರಿಗೆ ಹೋದಾಗ ದಾರಿಯಲ್ಲಿ ಸಿಕ್ಕಿತು ನಮಗೀ ಕರಡಿ. ಮನೆಯಲ್ಲಿ ಬಹಳಷ್ಟು bearಗಳಿವೆ, ಅವನ್ನ ಪುಟ್ಟಿ ಕರಿಯೋದು "ಬೇ, ಬೇ.." ಅಂತ. ಈಗ ಜೀವಂತ ಕರಡಿಯನ್ನ ತೋರಿಸಿ "ಬೇ ಬೇ" ಅಂತ ಹೇಳಿದಾಗ ಅದೇನು ಅರ್ಥ ಆಯಿತೋ ಗೊತ್ತಿಲ್ಲ, ಅಂತ ಖುಶಿಯಿಂದ ಚಪ್ಪಾಲೆ ತಟ್ಟಿದ್ಲು. ಜೊತೆಯಲ್ಲಿ ಮಾವನ ಮಗಳು ’ಖುಶಿ’ ಇದ್ದಿದರಿಂದ ಇನ್ನು ಹೆಚ್ಚಿನ ಸಂತಸ ಅವಳಿಗೆ.


ಕರಡಿ ಫೋಟೊ ಜೊತೆಗೆ ಇಲ್ಲಿದೆ ನೋಡಿ ಕರಡಿ ಹಾಡು...




ಯಾವ ಕಾಡಡವಿಯಲಿ ಜೇನುಂಡು ಬೆಳೆದಿದ್ದ
ಜಾಂಬುವಂತನ ಹಿಡಿದು ತಂದಾನೊ;
ಧಣಿಯರ ಮನೆ ಮುಂದೆ ಕಾವಲು ಮಾಡಣ್ಣ,
ಧಣಿ ದಾನ ಕೊಡುವನು’ ಎಂದಾನೊ.”

ಬೇಂದ್ರೆ