Wednesday, July 30, 2008

ಏಳು ತಿಂಗಳು ತುಂಬಿತು...

ನಮ್ಮ್ ಪುಟ್ಟಿಗೆ ಇವತ್ತಿಗೆ ಏಳು ತಿಂಗಳು ತುಂಬಿತು. ಸ್ವಲ್ಪ ಸಪೊರ್ಟ್ ಕೊಟ್ಟರೆ ಆರಾಮಾಗಿ ಕೂರುತ್ತಿದ್ದವಳು, ಈಗ ಸಲೀಸಾಗಿ ತಾನೆ ಆವುದೆ ಅಧಾರವಿಲ್ಲದೇ ಕೂರುತ್ತಾಳೆ. ಅವಳ ಬಿರ್ತ್’ಡೇಗೆ ಅವಳಪ್ಪ ದಿಸ್ನಿ ಪ್ರಿಂಸೆಸ್ಸ್ ಚೇರ್ ತಂದರು ಅದರಲ್ಲಿ ಕೂರೋದು ಪುಟ್ಟಿಗೆ ಬಲು ಇಷ್ಟ. ಬರ್ತ್’ಡೇ ಬಂದಿದ್ದ ’ಅಭಿ ಅಕ್ಕ’ ಕೇಕ್ ಕಟ್ ಮಾಡಿದ ಮೇಲೆ ಪುಟ್ಟಿಗೆ ಒಂದು ಚೂರು ಕೆಕ್ ತಿನ್ನಿಸಿದಳು. ಅದು ನಮ್ಮ್ ಪುಟ್ಟಿಗೆ ಸಾಕಾಗ್ಲಿಲ್ಲ ಅನ್ನ್ ಸುತ್ತೆ, ಎಲ್ಲರೂ ಆಚೀಚೆ ನೋಡುತ್ತಿದ್ದಾಗ ತಾನೆ ಕೈ ಹಾಕಿ ಒಂದು ದೊಡ್ಡ ಪೀಸ್ ಬಾಯಿಗೆ ಇಟ್ಟುಕೊಂಡೇ ಬಿಟ್ಟಳು ಪುಟ್ಟಿ :)

ನನ್ನ ಚಿನ್ನ ನನ್ನ ರನ್ನ
ನಮ್ಮ ಬಾಳ ಭಾಗ್ಯ ತಾರೆ
ಮುದ್ದು ಕಣ್ಮಣಿ
ನೀ ಪ್ರೀತಿ ಅರಗಿಣಿ!



ಮನೆಯ ಬೆಳಗೋ ದೀಪಲಕ್ಷ್ಮಿ ನೀನೆ ಮಗಳೆ
ದಿನ ಮನವ ಬೆಳಗೋ ಆದೀಲಕ್ಷ್ಮಿ ನೀನೇ
ಅದುಕ ಬೆಳಗೋ ಬಾಳ ಸೂರ್ಯ ನೀನೇ ಮಗಳೆ
ನಮ್ಮ ಕುಲವ ಬೆಳಗೋ ಜ್ಯೋತಿದಾರಿ ನೀನೆ
ತೇಲಾಡುವ ಬಿಳಿ ಹಂಸವೇ
ನಗುತಾಯಿರುವಾ ಬೆಳದಿಂಗಳೇ
ಸಿರಿ ಹೂವೆ ನನ್ನ ಒಲವೆ ನಮ್ಮ ಮುದ್ದು ಮಗುವೆ
ನಮ್ಮ ಮನೆಗೆ ಘಣಿಯೇ ನಮ್ಮ ನಲ್ಮೆನಿಧಿಯೇ
//ನನ್ನ ಚಿನ್ನ//






ಗೆಲುವಕೊಡುವ ಧೈರ್ಯಲಕ್ಷ್ಮಿ ನೀನೆ ಮಗಳೆ
ದಿನ ನಲಿವ ತರುವ ವಿಜಯಲಕ್ಷ್ಮಿ ನೀನೇ
ಮುದವ ಕೊಡುವ ನಿಜದ ದೈವ ನೀನೆ ಮಗಳೆ
ನಮ್ಮ ವಂಶ ಬೆಳೆಸೋ ಪ್ರೇಮದ ಕುವರಿ ನೀನೇ
ಒಡನಾಡುವ ಸಿಂಗಾರವೆ
ಹರಿದಾಡುವ ಬಂಗಾರವೆ
ನಮ್ಮ ಉಸಿರೆ ಪ್ರೀತಿ ಹಸಿರೆ
ಕಣ್ಣ ರಮ್ಯಾ ಚೆಲುವೆ
ಮುದ್ದು ಮನಸೆ ನಮ್ಮ ಕನಸೇ
ನಾವು ಪಡೆದ ಪುಣ್ಯವೇ //ನನ್ನ ಚಿನ್ನ//

Monday, July 28, 2008

ನಂಗೀಗ ಕೂರೋಕೆ ಬರುತ್ತೆ !!

ನಾನೀಗ ದೊಡ್ಡ್ ಹುಡ್ಗಿ, ನಂಗೀಗ ಕೂರೋಕೆ ಬರುತ್ತೆ. ಇಷ್ಟ್ ದಿನ ಮಲ್ಗಿ ಮಲ್ಗೀ ತುಂಬಾ ಬೋರ್ ಆಗಿತ್ತು. ಈಗ ಕೂತ್ಕೊಂಡು ಆಟ ಆಡಬಹುದು.
ಬರ್ತೀರಾ ನನ್ನ್ ಜೊತೆ ಆಟ ಆಡೋಕೆ?


ಇದು ABC ಬಾಲ್, ಜೊತೆಗೆ ಹಾಡೂ ಹೇಳುತ್ತೆ !!


ಚೆಂಡಾಟ ಆಡೋಣ ಬರ್ತೀರಾ?


ಆಟ ಆಡಿ ಸಾಕಾಯ್ತು, ಬನ್ನಿ ಊಟ ಮಾಡೋಣ !
ಊಟ ಆಯ್ತು ಈಗ ಪಾಠದ ಟೈಮು..

Thursday, July 17, 2008

ಕೈಗೆ ಸಿಕ್ಕಿದೆಲ್ಲಾ ಬಾಯಿಗೆ :)

ಪುಟ್ಟಿಗೆ ಈಗ ಎಲ್ಲವನ್ನು ತಿನ್ನೋ ಆಸೆ. ಇವಳು ಹೀಗೆ ಮಾಡಲು ಶುರು ಮಾಡಿ ಬಹಳ ದಿನ/ ತಿಂಗಳೇ ಆಯಿತು. ನೋಡಿದವರೆಲ್ಲಾ ಹಲ್ಲು ಬರುತ್ತಿರಬೇಕು ಅನ್ನುತ್ತಾರೆ. ಇವನೆಲ್ಲಾ ಇಷ್ಟು ಸಲೀಸಾಗಿ ಬಾಯಿಗೆ ಹಾಕೊಳ್ಳೊ ನನ್ನ್ ಕಂದ ಊಟ ಮಾಡಲು ಕುಳಿತರೆ, ಬಾಯೇ ಬಿಡೊಲ್ಲ. ಕೈಗೆ ಸಿಕ್ಕ ಆಟದ ಸಾಮನು, ಬಟ್ಟೆ, ಪೆನ್ನು, ಫೋನು, ಪೇಪರ್... ಹೀಗೆ ಎಲ್ಲವೂ ಪುಟ್ಟಿ ಬಾಯಿಗೆ ಹೋಗ್ತಾಯಿದೆ.

ಆಹಾ ಏನು ರುಚಿಯಾಗಿದೆ ಗೊತ್ತಾ ನನ್ನ ಈ ಪುಟ್ಟ crab!

ಇದು ನನ್ನ ಟೀತರ್ .... ಒಳಗೆ ನೀರು ತುಂಬಿರೋದ್ರಿಂದ ಅಗಿಯಲು ಬಲು ಮಜಾ...

ನೀವು ಟ್ರೈ ಮಾಡ್ತೀರಾ ಒಂದ್ ಸರ್ತಿ?


ಚಿಕ್ಕ ಸ್ಪೂನ್’ನಲ್ಲಿ ಊಟ ಮಾಡಿ ತುಂಬಾ ಬೋರ್ ಆಗಿದೆ.. ಇದ್ರಲ್ಲಿ ತಿಂದ್ರೆ ಹೇಗೆ.. ಊಟ ಬೇಗ ಖಾಲಿ ಆಗುತ್ತೆ, ಆಮೇಲೆ ಆಟ ಆಡ್-ಬಹುದು ಅಲ್ವಾ? ನೀವ್ ಎನ್ ಅಂತೀರಾ?



ನಮ್ಮ್ ಮನೆ ಕಿಟಕಿ ಬ್ಲೈಂಡ್ಸ್ ಸಕ್ಕತ್ ಸಿಹಿಯಾಗಿದೆ ಗೊತ್ತಾ ?



ಟಿ.ವಿ ರಿಮೋಟ್’ನ ಬಾಯಲ್ಲಿ ಹ್ಯಾಂಡಲ್ ಮಾಡೋದು ಹೇಗೆ ಅಂತಾ ಪ್ರ್ಯಾಕ್ಟೀಸ್ ಮಾಡ್ತಾಯಿದ್ದೀನಿ :)





ಇದು ನನ್ನ ಫೇವರೇಟ್.. ಅಪ್ಪನ ಕಾಫಿ ಮಗ್!

Wednesday, July 02, 2008

ಫ್ಲೋರಿಡಾದಲ್ಲಿ ತುಂಬಾ ಬಿಸಿಲು !!!

ಫ್ಲೋರಿಡಾದಲ್ಲಿ ತುಂಬಾ ಬಿಸಿಲು ... ಅಮ್ಮ ಅಪ್ಪ, ನೀವ್ ಮಾತ್ರ ಕಣ್ಣಿಗೆ ತಂಪು ಕನ್ನಡಕ ಹಾಕ್ತೀರಾ, ನಂಗೂ ಬೇಕು ಕೊಡ್ಸಿ ಅಂತ ಯಾವಾಗಲೂ ಅಪ್ಪನ ಅಮ್ಮನ ಕಣ್ಣಿಗೆ ಕೈ ಹಾಕ್ತಾಯಿದ್ದಳು ಪುಟ್ಟಿ. ಸರಿ, ತಗೋ ಕಂದ ನಿನ್ನದೇ ಗಾಗಲ್ಸ್ ಹಾಕಿ ನಲಿದಾಡು ಅಂತ ಅವರಪ್ಪ ಅವಳಿಗೇಂತ ತಂದೇಬಿಟ್ಟರು. ಪುಟ್ಟಿಗೆ ಖುಷಿಯೋ ಖುಷಿ :)