Thursday, December 31, 2009

ಬರ್ತ್ ಡೇ ಪಾರ್ಟಿ ಫೋಟೋಸ್...

ಪುಟ್ಟಿದು ಈ ಸಾರ್ತಿ ಫಿಶ್ ಥೀಮ್ ಪಾರ್ಟಿ ಅಂತ ಅವಳ ಆಮಂತ್ರಣ ನೋಡಿದಾಗ್ಲೇ ನಿಮಗೆಲ್ಲಾ ಗೊತ್ತಾಗಿದೆ. ಫಿಶ್ ಅಂತ ತಕ್ಷಣ ಹೆಚ್ಚಾಗಿ ಎಲ್ಲೆಡೆ ’ಫೈಂಡಿಂಗ್ ನೀಮೋ’ ಚಲನಚಿತ್ರ ಆಧಾರಿತ ಪಾರ್ಟಿ ಸಾಮಾನುಗಳೇ ಸಿಗುತ್ತವೆ, ಆದ್ರೆ ನಂಗೆ ಬೇಕಿದ್ದು ಅದಲ್ಲ.. ಹಾಗಾಗಿ ಅಂತರ್ಜಾಲದಲ್ಲಿ ಬಹಳಷ್ಟು ಹುಡುಕಾಡಬೇಕಾಯ್ತು! ಫಿಶ್ ಬಲೂನ್ಸ್, ತಟ್ಟೆ, ಪಾರ್ಟಿ ಟೋಪಿ, ಟೇಬಲ್ ಕವರ್, ಸೆಂಟರ್ ಪೀಸ್, ಕ್ರೇಪ್ ರಿಬ್ಬನ್ ಎಲ್ಲವೂ ಸಿಕ್ಕ್ತು...
The party Deco....
ಫಿಶ್ ಫೋಟೊ ಫ್ರೇಮಿನಲ್ಲಿ ಪುಟ್ಟಿ ಫೋಟೋಗಳು..
ಡೆಕೊರೇಷನ್ ಹೇಗೋ ಹುಡುಕಾಡಿ ತರಿಸಿದ್ದಾತು, ಆದ್ರೆ ಫಿಶ್ ಶೇಪಿನ್ ಕೇಕ್ ಯಾವ ಅಂಗಡಿಯವರೂ ಮಾಡಿಕೊಡಲು ತಯಾರಿರಲಿಲ್ಲ. ಅಲ್ಲಿ ಇಲ್ಲಿ ವಿಚಾರಿಸಿ, ಕೊನೆಗೆ ನಮ್ಮೂರಿನ ಆನ್ಲೈನ್ ಫೋರಂ ನಲ್ಲಿ ಬಹಳಷ್ಟು ಜನ ಹೇಳಿದ ಹೆಸರು ’ಮಿಸ್. ಕ್ಯಾಥಿ ಕೋವನ್’. ಬೇರೆ ದಾರಿಯಿಲ್ಲದೆ ಅವರಿಗೇ ಆರ್ಡರ್ ಕೊಟ್ಟೆ. ಆದ್ರೆ ಮನಸಿನಲ್ಲಿ ಆತಂಕ ತುಂಬಿತ್ತು, ಯಾವತ್ತೂ ಅವರ ಕೇಕ್ ರುಚಿ ನೋಡಿಲ್ಲ, ಹೇಗಿರುತ್ತೋ ಏನೋ ಅಂತ. ಅವರು ಮಾಡಿದ ಕೇಕ್ ನೋಡಿ ಬಹಳ ಖುಶಿ ಆಯ್ತು, ತಿನ್ನಲೂ ಅಷ್ಟೇ ರುಚಿಯಾಗಿತ್ತು:))
ಫಿಶ್ ಕೇಕ್ ಮತ್ತು ಫಿಶ್ ಕ್ಯಾಂಡಲ್ಸ್.. 

ವಾರದ ದಿನವಾದ್ದರಿಂದ ಸಿಂಪಲ್ಲಾಗಿ ಪಿಜ್ಜಾ ಪಾರ್ಟಿ ಮಾಡೋಣ ಅಂತ ತೀರ್ಮಾನಿಸಿ, ಜೊತೆಗೆ ನಾನೇ ಮಾಡಿದ ಫಿಶ್ ಶೇಪಿನ ಸಿಹಿ ಮತ್ತು ಖಾರ ಬಿಸ್ಕತ್ತುಗಳು, ನೂಡಲ್ಸ್(ಮೇಲೆ ಕೆಚಪ್ ನಲ್ಲಿ ಮೀನಿನಾಕಾರ ಬರೆದೆ), ಸ್ಪ್ರಿಂಗ್ ರೋಲ್, ಚಿಪ್ಸ್ ಇತ್ಯಾದಿ..
ಬರ್ತ್ ಡೇ ಗರ್ಲ್ ಪುಟ್ಟಿ ..
ಕೇಕ್ ಕಟ್ ಮಾಡುತ್ತಾ ..ಎಲ್ಲಾ ಮಕ್ಕಳ ಜೊತೆಯಲ್ಲಿ ..
ಅಂಕಲ್ ಗಳ ಜೊತೆಯಲ್ಲಿ  ..


ತನ್ನ ರೂಮಿನಲ್ಲಿ ಫ್ರೆಂಡ್ಸ್ ಜೊತೆ ..
ತನ್ನ ಗಿಫ್ಟ್ ಗಳೊಂದಿಗೆ ಎಲ್ಲರಿಗೂ ಮತ್ತೊಮ್ಮೆ ಥ್ಯಾಂಕ್ಸ್ ಹೇಳುತ್ತಾ, ಜೊತೆಗೆ ನಿಮಗೆಲ್ಲರಿಗೂ ಹೊಸ ವರ್ಷದ ಹಾರ್ದಿಕ ಶುಭಾಶಯಗಳು!!

ಪುಟ್ಟಿ Thank you ಅಂತಾಳೆ :))

ತನ್ನ ಹುಟ್ಟುಹಬ್ಬದ ದಿನ ಫೋನ್ ಮಾಡಿ ವಿಶ್ ಮಾಡಿದ, ಬ್ಲಾಗಿನಲ್ಲಿ ಮತ್ತು ಈ ಮೇಲ್ ನಲ್ಲಿ ಹರಸಿದ, ಮನೆಗೆ ಬಂದು ಹಾರೈಸಿದ ಎಲ್ಲರಿಗೂ ತಾಂತು (ಥ್ಯಾಂಕ್ಸ್) ಹೀಗೆ ಹೇಳಿದ್ದಾಳೆ:))


This isn't just a Fish,
as anyone can see.
I made it with my hand,
which is part of me.
It comes with lots of love,
especially to say,
Thanks for joining me
On my 2nd Birthday !!
-Sahitya

ಈ ತರಹ ತನ್ನ ಪುಟ್ಟ ಕೈಗಳಿಗೆ ಬಣ್ಣ ಹಚ್ಚಿಕೊಂಡು ಬಂದ ಗೆಳೆಯರಿಗೆಲ್ಲಾ ಮಾಡಿಕೊಡುವ ಆಸೆ ಪುಟ್ಟಿಗಿತ್ತು, ಆದ್ರೆ ನನ್ನ ಸೋಮಾರಿತನ !! ಅವಳು ಮಾಡಿದ ಈ ಫಿಶ್ ಅನ್ನು ಸ್ಕ್ಯಾನ್ ಮಾಡಿ, ಫೋಟೋ ಪ್ರಿಂಟ್ ಹಾಕಿಸಿ ಎಲ್ಲಾ ಮಕ್ಕಳಿಗೆ ಥ್ಯಾಂಕ್ ಯೂ ಕಾರ್ಡ್ ಮಾಡಿ ಕೊಟ್ಟು ಬಿಟ್ಟೆ :)
ಬಂದ ಮಕ್ಕಳಿಗೆ ಅವರದೇ ಹೆಸರಿನ ಬಿಸ್ಕತ್ತುಗಳು.. 

ಬಣ್ಣದ ಫಿಶ್ ಕವರಿನಲ್ಲಿ..

ಅಲ್ಲದೆ ವಯಸ್ಸಿಗನುಗುಣವಾಗಿ ಫಿಶ್ ಬುಕ್ಸ್ ...

ಕೆಲವು ಫಿಶ್ ಸ್ಟ್ಯಾಂಪ್ ಗಳು...

ಮತ್ತು ಸಿಡಿಗಳು, ಕ್ರಯಾನ್ಸ್, ಇತ್ಯಾದಿ...

Tuesday, December 29, 2009

ಹ್ಯಾಪಿ ಬರ್ತ್ ಡೇ ಪುಟ್ಟಿ!!

ಇಷ್ಟು ಬೇಗ ಪುಟ್ಟಿಗೆ ಎರಡು ವರ್ಷ ಆಗಿಬಿಡ್ತಾ ಅಂತ ಅನ್ನಿಸ್ತಾಯಿದೆ. ಒಮ್ಮೆ ಹಿಂತಿರುಗಿ ನೋಡಿದರೆ ಈ ಕಾಲ ಸರಿಯಾದ ಗತಿಯಲ್ಲೇ ಸಾಗುತ್ತಿದ್ದರೂ ನನಗೇಕೋ ಅದು ಓಡುತ್ತಿದೆ ಅನಿಸುತ್ತೆ. ನಿನಗ್ಯಾಕೆ ಪುಟ್ಟಿ ದೊಡ್ದವಳಾಗೊಕೆ ಇಷ್ಟು ಅವಸರ, ಸ್ವಲ್ಪ ನಿಧಾನಿಸು ಅನ್ನೋಣ ಅನಿಸುತ್ತೆ.
ಡಿಸಿಂಬರ್ ೨೦೦೭ರಿಂದ(ಅದಕ್ಕೂ ೯ ತಿಂಗಳ ಮುಂಚಿನಿಂದ) ಇಲ್ಲಿಯವರೆಗಿನ ನನ್ನ, ಪುಟ್ಟಿಯ ಒಡನಾಟ ನನ್ನಲ್ಲಿ ಪ್ರತಿದಿನ ಹೊಸ ಅಚ್ಚರಿ, ಉಲ್ಲಾಸಗಳನ್ನ ತುಂಬಿ, ನಾಳೆ ಬರಬಹುದಾದ ಹೊಸ ವಿಸ್ಮಯಗಳಿಗಾಗಿ ಕಾಯೋ ಹಾಗೆ ಮಾಡಿದೆ. ಅಮ್ಮನಾಗಿದ್ದಕ್ಕೆ ಬಂದಿರೋ ಎಲ್ಲಾ ಹೊಸ ಜವಾಬ್ದಾರಿಗಳು ನನ್ನಲ್ಲಿ ಸಹನೆ, ಸ್ಪೂರ್ತಿ ಹೆಚ್ಚೋ ಹಾಗೇ ಮಾಡ್ತಿರೋದಕ್ಕೆ ಪುಟ್ಟಿಗೆ ಥ್ಯಾಂಕ್ಸ್ ಹೇಳಿಕೊಳ್ಳುತ್ತಾ... 

Sunday, December 27, 2009

ನನ್ನ ಎರಡನೇ ಹುಟ್ಟು ಹಬ್ಬಕ್ಕೆ ಬನ್ನಿ ಅಂತಾಳೆ


ಪುಟ್ಟಿ ತನ್ನ ಎರಡನೆ ಹುಟ್ಟುಹಬ್ಬಕ್ಕೆ ಸ್ನೇಹಿತರನ್ನ ಆಹ್ವಾನಿಸಿದ್ದು ಹೀಗೆ..

ತನ್ನೆಲ್ಲಾ ಬ್ಲಾಗ್ ಸ್ನೇಹಿತರಿಗೂ, ಹಿರಿಯರಿಗೂ, ಹಿತೈಷಿಗಳಿಗೂ ಬನ್ನಿ ಅಂತ ಹೇಳ್ತಾಳೆ...

ಮರಿಬೇಡಿ, ಬರ್ತೀರಾ ಅಲ್ವ ?

Thursday, December 24, 2009

ಕ್ರಿಸ್ ಮಸ್ ಪಾರ್ಟಿ !!!

ಎಲ್ಲರಂತೆ ನಮ್ಮ್ ಮನೆಯಲ್ಲೂ ಕ್ರಿಸ್ ಮಸ್ ಮರವನಿಟ್ಟು ಹಬ್ಬ ಆಚರಿಸಬೇಕು ಅಂತ ಆಸೆ ಇದ್ದ್ರೂ ನನ್ನ ಸೋಮಾರಿತನದಿಂದ ಅದನಿನ್ನೂ ಶುರು ಮಾಡಿಲ್ಲ.
ಕಳೆದ ವರ್ಷ ಅಪ್ಪನ ಸ್ಟಾಂಪ್ ಕ್ಲಬಿನಲ್ಲಿ ನಡೆದ ಕ್ರಿಸ್ ಮಸ್ ಪಾರ್ಟಿಯಲ್ಲಿ ಪುಟ್ಟಿ ಓಡಾಡಿದ್ದು ಹೀಗೆ...






ಈ ವರ್ಷ ಮಾಲ್ ನಲ್ಲಿ ನಿಲ್ಲಿಸಿದ್ದ ಕ್ರಿಸ್ ಮಸ್ ಮರದೆದುರು..

Sunday, December 13, 2009

ಚಟ್ನಿ ಮಾಡೋದು ಹೀಗೆ

ಪುಟ್ಟಿ ಈಗ ಎಲ್ಲ ಕೆಲಸ ಮಾಡಬೇಕು ಅನ್ನೋ ಆಸೆ. ಅಡುಗೆ ಮಾದಲು ಹೋದ್ರೆ ತರಕಾರಿ ಹೆಚ್ತೀನಿ ಅಂತಾಳೆ. ಚಪಾತಿ ಹಿಟ್ಟನ್ನ ಉಂಡೆ ಮಾಡಿ ತಾನೂ ಲಟ್ಟಿಸಿ ಬೇಯಿಸಲು ಬರ್ತಾಳೆ. ನಾನು ಸ್ಟವ್ ಮುಂದೆ ಕೆಲಸ ಮಾಡೊವಾಗ ಅವಳಿಗೂ ಒಂದು ಪಾತ್ರೆ ಕೊಟ್ಟು ಅದಕ್ಕೆ ಈರುಳ್ಳಿ ಎಣಿಸಿ ತುಂಬು ಅಂತ ಹೇಳಿ ಕೆಳಗೆ ಕೂರಿಸ್ತೀನಿ. ತನಗೂ ಕೆಲ್ಸ ಇದೆ ಅಂತ ಖುಶಿಯಾಗಿ ಅವಳು ಕೆಲ್ಸ ಮಾಡೋಷ್ಟರಲ್ಲಿ ನನ್ನ ಅಡುಗೆ ಮುಗಿಯಬೇಕು:)
ಕೆಲವೊಮ್ಮೆ ಈ ಟ್ರಿಕ್ ನೆಡೆಯೊಲ್ಲ. ಅವಳೂ ಕೌಂಟರ್ ಮೇಲೆ ಕುಳಿತು ಅಮ್ಮ ಮಾಡೊದನ್ನ ನೋಡಬೇಕು ಅಂತಾಳೆ. ಹಾಗೆ ನೋಡಿ ಕಲಿತಿರುವುದರ ಪ್ರಭಾವಯಿದು...

Monday, December 07, 2009

ಡಿಸ್ನಿ ಡೌನ್ ಟೌನಿನಲ್ಲಿ...

ಸ್ಟ್ಯಾಂಪ್ ಎಕ್ಸಿಬಿಷನಿಗೆ ಅಂತ ಆರ್ಲ್ಯಾಂಡೋಗೆ ಹೋಗಿದ್ದ ಪುಟ್ಟಿ ಹಾಗೆ ಅಲ್ಲಿ ಡಿಸ್ನಿವರ್ಲ್ಡಿಗೂ ಹೋಗೋ ಪ್ಲಾನಿತ್ತು, ಆದ್ರೆ ಮಳೆರಾಯನ ಕೃಪೆಯಿಂದಾಗಿ ಎಲ್ಲೂ ಹೋಗ್ಲಿಲ್ಲ. ’ರೈನ್ ರೈನ್ ಗೋ ಅವೇ’ ಅಂತ ಅಮ್ಮನ ಜೊತೆಗೂಡಿ ಎಷ್ಟು ಸರಿ ಹಾಡಿದ್ರು ಪ್ರಯೊಜನವಾಗ್ಲಿಲ್ಲ. ಬರೀ ಡೌನ್ ಟೌನ್ ಮಾತ್ರ ನೋಡಿ ಬಂದದ್ದಾಯ್ತು. ಯಾವುದೇ ಕಾರ್ಟೂನ್ ಕ್ಯಾರೆಕ್ಟರ್ ಗಳ ಪರಿಚಯವಿಲ್ಲದ್ದರಿಂದ ಎಲ್ಲ ಅವಳಿಗೆ ಹೊಸತಾಗಿತ್ತು:)

ಪ್ರಿನ್ಸೆಸ್ಸ್ ಹೀಗೆ ನಿಂತಿರೋದು...ಅಕ್ಕ ಯಶೀತಾ ಅವರಪ್ಪನ ಹೆಗಲೇರಿದ್ರೆ ತಾನೂ ಕಾಪಿ ಮಾಡಿದ್ಲು..
ಮಿಕ್ಕಿ ಮಿನ್ನಿ ಗಳ ಜೊತೆಯಲ್ಲಿ..
ವಿನ್ನಿ ದ ಪೂಹ್ ಅನ್ನೊ ಕರಡಿ ಜೊತೆ
ಟಿಗ್ಗರ್ ಮತ್ತು ಪಿಗ್ ಲೆಟ್ ಜೊತೆ...

Sunday, December 06, 2009

ಸ್ಟಾಂಪ್ ಎಕ್ಸಿಬಿಷನ್ !!

ಮನೆಯಲ್ಲಿ ಅಪ್ಪನ ಹತ್ರ ಎಷ್ಟೆಲ್ಲಾ ಸ್ಟಾಂಪ್ಸ್ ಇದ್ರೂ, ಅಪ್ಪ ಅವಳಿಗೆ ಮುಟ್ಟೋಕೆ(ಆಟವಾಡೋಕೆ) ಕೊಡೋದು ಕೆಲವೇ ಕೆಲವು ಮಾತ್ರ. ಅದನ್ನ ಕೂಡ ಅಪ್ಪನ ಹಾಗೆ ಕೈಗೆ ಗ್ಲವ್ಸ್ ಹಾಕಿಸಿಕೊಂಡು ಮುಟ್ಟುತ್ತಾಳೆ. ಅದರಲ್ಲಿರುವ ಪ್ರಾಣಿ, ಪಕ್ಷಿಗಳ ಚಿತ್ರನೋಡಿ ಖುಶಿ ಪಡ್ತಾಳೆ.
ಸರಿ ಮೊನ್ನೆ ಆರ್ಲ್ಯಾಂಡೋ ದಲ್ಲಿ ನಡೆದ Florex 2009 ಅನ್ನೋ ಸ್ಟ್ಯಾಂಪ್ ಎಕ್ಸಿಬಿಷನ್ ನೋಡಲು ಪುಟ್ಟಿ ಅಪ್ಪಅಮ್ಮನ ಜೊತೆ ಹೋಗಿದ್ಲು. ಅಲ್ಲಿದ್ದ ಸಾವಿರಾರು ಸ್ಟ್ಯಾಂಪ್ಸ್ ನೋಡಿ ಅಪ್ಪನಿಗೆ ಎಷ್ಟು ಖುಶಿ ಆಯ್ತೋ ಅದಕ್ಕಿಂತ ಹೆಚ್ಚಿನ ಖುಶಿ ಅಲ್ಲಿ ಮಕ್ಕಳಿಗಾಗಿ ಹಾಕಿದ್ದ ರಾಶಿ ರಾಶಿ ಸ್ಟ್ಯಾಂಪ್ಸ್ ಗಳ ಜೊತೆ ಆಟವಾಡಿ ಪುಟ್ಟಿಗೆ:))ತನಗೆ ಬೇಕಾದ ಸ್ಟ್ಯಾಂಪ್ಸ್ ಆಯ್ದುಕೊಂಡು ತನ್ನ ಪುಟ್ಟ ಬಕೆಟ್ ತುಂಬಿಸುತ್ತಿರುವ ಪುಟ್ಟಿ...


Saturday, November 21, 2009

ಸೇರಾ ಬರ್ತ್ ಡೇ ಪಾರ್ಟಿ !!

ಪುಟ್ಟಿಯ ನೆಚ್ಚಿನ ಫ್ರೆಂಡ್ಸ್ ಗಳಲ್ಲಿ ಅನಿಸಾ- ಸೇರಾ ಅಕ್ಕಂದಿರು ಮೊದಲಿಗರು. ಪುಟ್ಟಿ ಹುಟ್ಟಿದಾಗ ಆಸ್ಪತ್ರೆಯಲ್ಲಿ ಮೊದಲು ಭೇಟಿ ಮಾಡಿದ್ದು ಇವರನ್ನೇ. ಇವತ್ತು ಸೇರಾಳ ಹುಟ್ಟಿದಹಬ್ಬ, ಸ್ಕೇಟ್ ವರ್ಲ್ಡ್ ನಲ್ಲಿ ಹುಟ್ಟಿದಹಬ್ಬ ಆಚರಿಸಿಕೊಂಡ ಅಕ್ಕನಿಗೆ ಶುಭ ಹಾರೈಸುತ್ತಾ ಅವಳೊಂದಿಗೆ ಕಳೆದ ಕೆಲವು ಮಧುರ ಕ್ಷಣಗಳ ಮೆಲಕು...

ನಾಲ್ಕು ತಿಂಗಳ ಪುಟ್ಟಿ ಜೊತೆ ಅಕ್ಕ ಅನೀಸಾ- ತಂಗಿ ಸೇರಾ:)

ಕಳೆದ ವರ್ಷ ಹ್ಯಾಲೋವೀನ್ ದಿನದಂದು!

ಇವತ್ತು ಬರ್ತ್ ಡೇ ಪಾರ್ಟಿಯಲ್ಲಿ...

ನಾನೂ ಸ್ಕೇಟ್ ಮಾಡ್ತೀನಿ...!!

Tuesday, October 20, 2009

ಬೆಳಕನು ಚೆಲ್ಲಿ ಬಂದೇ ಬಂತು ದೀಪಾವಳಿ..

ಎರಡು ದಿನ ಅಪ್ಪನಿಗೆ ರಜೆಯಿದ್ದರಿಂದ ಪುಟ್ಟಿ ವರ್ಷ ದೀಪಾವಳಿಯನ್ನ ತುಂಬಾನೇ ಖುಶಿಯಾಗಿ ಆಚರಿಸಿದ್ಲು. ಅಮ್ಮಬಣ್ಣ ಬಣ್ಣದ ದೀಪಗಳನ್ನ ಮಾಡೊವಾಗ ಜೊತೆಯಲ್ಲಿ ಕುಳಿತು ತಾನೂತಪಾಚಿ(ಚಪಾತಿ)’ ’ಬಾಲ್ಇತ್ಯಾದಿ ಮಾಡುತ್ತಾ, ಮಾಡಿದ ಮಣ್ಣಿನುಂಡೆಯನ್ನ ಬಾಯಿಗೆ ಹಾಕಲು ಹೋಗಿ ಅಮ್ಮನಿಂದ ಬೈಯಿಸಿಕೊಂಡಿದ್ದು ಎಲ್ಲಾ ಆಯ್ತು.
ಹಬ್ಬದ ದಿನ ದೀಪಗಳನ್ನ ಹಚ್ಚಿದ್ದು ಹೀಗೆ..

ಸುರು ಸುರು ಸುರ್ ಸುರ್ಬತ್ತಿ ಹಚ್ಚಿದ್ದು ಹೀಗೆ !
ಕಳೆದ
ವರ್ಷದ ಹಬ್ಬದ ಫೋಟೋ...

Thursday, October 15, 2009

ಬೆಳಕಿನ ಹಬ್ಬ ದೀಪಾವಳಿಯ ಶುಭಾಶಯಗಳು!

ಮನೆ ಮನವ ಬೆಳಗಲು ಮತ್ತೆ ಬಂದಿದೆ ದೀಪಾವಳಿ. ಜ್ಞಾನದ ಅಂಧಕಾರ ಅಳಿಸಿ, ಅರಿವನು ಅರಳಿಸುವ ಹಣತೆಗಳು ಎಲ್ಲೆಲ್ಲೂ ಬೆಳಗಲಿ:)

ವಾರಾಂತ್ಯದಲ್ಲಿ ಬಂದಿರುವುದರಿಂದ ಗೆಳೆಯರ ಜೊತೆಗೂಡಿ ಹಬ್ಬ ಆಚರಿಸಬಹುದು. ಕಳೆದ ವರ್ಷ ನನ್ನ ಕೆಲವು ಸ್ನೇಹಿತೆಯರು ಮಾಡಿದ್ದ ಬಣ್ಣಬಣ್ಣದ ದೀಪಗಳ ಫೋಟೋ ಮತ್ತೆ ಕೆಲವು ದೀಪಾವಳಿ ಹಾಡುಗಳನ್ನು ಇಲ್ಲಿ ಹಂಚಿಕೊಂಡಿದ್ದೆ. ಈ ವರ್ಷ ನಾನೂ ಕೂಡ ಮಕ್ಕಳಾಟದ ಮಣ್ಣಿನಿಂದ(Play Dough) ಕೆಲವು ದೀಪಗಳನ್ನು ಮಾಡಿರುವೆ ನೋಡಿ!
ಹಾಗೆಯೆ, ನಿಂತು ಹೋಗಿರುವ ಹೇಮಂತರ ಬ್ಲಾಗನ್ನು ಸದ್ಯಕ್ಕೆ ನಾನೆ ಮುಂದುವರೆಸುವೆ. ಹಬ್ಬಕ್ಕೆಂದು ಅಲ್ಲೊಂದು ಲೇಖನ ಬರೆದಿರುವೆ ಓದಿ/ ನೋಡಿ ಬನ್ನಿ. Deepavali wishes on stamps

ಕೆ.ಎಸ್.ನರಸಿ೦ಹಸ್ವಾಮ ಈ ಕವನ ನಿಮ್ಮೊ೦ದಿಗೆ ಹ೦ಚಿ ಕೊಳ್ಳುವ ಆಸೆಯಾಯ್ತು.

ದೀಪಾವಳಿ


ಹೂವು ಬಳ್ಳಿಗೆ ದೀಪ
ಹಸಿರು ಬಯಲಿಗೆ ದೀಪ
ಹುಲಿಯ ಕಣ್ಣಿನ ದೀಪ ಕಾಡಿನಲ್ಲಿ !


ಮುತ್ತು ಕಡಲಿಗೆ ದೀಪ
ಹಕ್ಕಿ ಗಾಳಿಗೆ ದೀಪ
ಗ್ರಹತಾರೆಗಳ ದೀಪ ಬಾನಿನಲ್ಲಿ.

ಬಲ್ಮೆ ತೋಳಿಗೆ ದೀಪ
ದುಡಿಮೆ ಬೆವರಿನ ದೀಪ
ಸಹನೆ ಅನುಭವ ದೀಪ ಬದುಕಿನಲ್ಲಿ !

ಮುನಿಸು ಒಲವಿಗೆ ದೀಪ
ಉಣಿಸು ಒಡಲಿಗೆ ದೀಪ
ಕರುಣೆ ನ೦ದಾ ದೀಪ ಲೋಕದಲ್ಲಿ

ತೋರಣನ ತಳಿರಲ್ಲಿ
ಹೊಸಿಲ ಹಣತೆಗಳಲ್ಲಿ
ಬಾಣಬಿರು ಸುಗಳಲ್ಲಿ ನಲಿವು ಮೂಡಿ !


ಕತ್ತಲೆಯ ಪುಟಗಳಲಿ
ಬೆಳಕಿನಕ್ಷತ್ರಗಳಲಿ
ದೀಪಗಳ ಸ೦ದೇಶ ಥಳಿಥಳಿಸಲಿ.

ಬೆಳಕಿನಸ್ತಿತ್ವವನೆ
ಅಣಕಿಸುವ ಕತ್ತಲೆಗೆ
ತಕ್ಕ ಉತ್ತರವಲ್ಲಿ ಕೇಳಿಬರಲಿ !


ದೀಪಾವಳಿಯ ಜ್ಯೋತಿ
ಅಭಯ ಹಸ್ತವನೆತ್ತಿ
ಎಲ್ಲರಿಗೆ ಎಲ್ಲಕ್ಕೆ ಶುಭಕೋರಲಿ.

Wednesday, October 14, 2009

ಮಣಿ ಮಣಿ ಮಣಿ ಮಣಿ ಮಣಿಗೊಂದು ದಾರ


ಮಣಿ ಮಣಿ ಮಣಿ ಮಣಿ ಮಣಿಗೊಂದು ದಾರ
ದಾರದ ಜೊತೆ ಮಣಿ ಸೇರಿ ಚೆಂದದೊಂದು ಹಾರ
ತಾನಿ ತಂದಾನ ತಂದನ ತಂದಾನ ತಂದನ ತಂದಾನ ನ... ಒಂದು ಒಗಟಿನಂತೆ, ಸವಾಲ್-ಜವಾಬ್ ಎಂಬಂತಿರುವ "ಜನುಮದ ಜೋಡಿ" ಚಿತ್ರದ ಈ ಹಾಡು ನನಗಿಷ್ಟ:)
ಇಲ್ಲಿ ಈಗ ನಿಧಾನಕ್ಕೆ ಛಳಿ ಶುರುವಾಗ್ತಾಯಿದೆ. ಇನ್ನ್ಮೇಲೆ ಪುಟ್ಟಿನ ಹೊರಗೆ ಕರ್ಕೊಂಡು ಹೋಗೋದು ಕಷ್ಟ. ಮನೆಯಲ್ಲೇ ಹೊಸ ಹೊಸ ಆಟ ಆಡಿಸ್ಬೇಕು. ಜೊತೆಗೆ ಅವಳ ಕೈ ಬೆರೆಳುಗಳಿಗೆ ಒಳ್ಳೆ ಎಕ್ಸರ್ಸೈಸ್ ಕೂಡ ಆಗಬೇಕು ಅಂತ ಮೊನ್ನೆ ಅವಳಿಗೆ ಒಂದು ಶೂ ಲೇಸ್ ಕೊಟ್ಟು, ಕೆಲವು ಮಣಿಗಳನ್ನ ಬಟ್ಟಲಿನಲ್ಲಿ ಹಾಕಿಕೊಟ್ಟೆ. ಒಂದೇ ಒಂದು ಸರ್ತಿ ನಾನು ಪೋಣಿಸಿ ತೋರಿಸಿದೆ ಅಷ್ಟೆ. ಈಗ ಇದು ದಿನ ನಿತ್ಯದ ಆಟ. ದಿನಕ್ಕೆ ಒಂದೆರಡು ಸರ್ತಿಯಾದ್ರೂ ಮಣಿಗಳನ್ನ ಪೋಣಿಸಿ ’ಸರ’ ’ಸರ’ ಅಂತ ತನ್ನ ಕೊರಳಿಗೆ ಸುತ್ತಿಕೊಳ್ತಾಳೆ.:)
Its getting colder here day by day. And our outdoor activities are coming to an end. Looking for more indoor activities for putti. Last week, I gave her a shoe lace(new) and some beads to thread. Showed her how to do it once and soon she got it. It has become a favorite activity now. Loves to wear it as a necklace:)

ನೀವು ನಂಬಿದ್ರೆ ನಂಬಿ ಇದು ಅವಳಿಗೆ ನಾನು ಮಣಿ ಕೊಟ್ಟ ಮೊದಲ ದಿನ ತೆಗೆದ ವಿಡಿಯೋ! And believe me this video was taken on the day one of her beads exploration, she looks like a pro!!



ಅಂದ ಹಾಗೆ ಮಕ್ಕಳು ಮಣಿಯನ್ನ ಬಾಯಿಗೆ ಹಾಕೋತಾರೆ ಅನ್ನುವ ಭಯವಿದ್ದರೆ ಮಕ್ಕಳು ತಿನ್ನುವ ’ಫ್ರೂಟ್ ಲೂಪ್ಸ್’ ಪೋಣಿಸಲು ಕೊಡಿ!!

Monday, October 05, 2009

ಪುಟ್ಟಿಯ ಅಕ್ಷರಾಭ್ಯಾಸ !!



ಪುಟ್ಟಿಗೆ ಅಕ್ಷರಾಭ್ಯಾಸ ಮಾಡಿಸಲು ಅಟ್ಲಾಂಟ ದೇವಸ್ಥಾನಕ್ಕೆ ಹೋಗೋಣ ಅಂತ ಎಲ್ಲಾ ಸಿದ್ದತೆ ಮಾಡಿಕೊಂಡಿದ್ವಿ. ಆದ್ರೆ ಅದೇ ಸಮಯಕ್ಕೆ ಮೂರೂ ಜನ ಫ್ಲೂ ಬಂದು ಮಲಗಿ, ಎದ್ದಿದ್ದರಿಂದ ವಿಜಯದಶಮಿಯ ದಿನ ಸಿಂಪಲ್ಲಾಗಿ ಮನೆಯಲ್ಲೇ ಸರಸ್ವತಿಯ ಪೂಜೆ ಮಾಡಿ ಅವಳ ಕೈಯಲ್ಲಿ ಅಕ್ಕಿಯ ಮೇಲೆ "ಓಂ" ಬರೆಸಿದ್ರು ಹೇಮಂತ್:)

ನವರಾತ್ರಿಯ ಮರು ದಿನ ಅಂದರೆ ವಿಜಯ ದಶಮಿಯಂದು ಮಗುವಿಗೆ ’ಅಕ್ಷರಾಭ್ಯಾಸಮಾಡಿಸುವ ರೂಢಿಯಿದೆ. ಮಗು ಶಿಶು ರೂಪದಲ್ಲಿ ಈ ಜಗತ್ತಿಗೆ ಪ್ರವೇಶಿಸಿದೊಡನೆಯೇ ಯಾರೂ ಕಲಿಸದೆ ಅಮ್ಮಾಅನ್ನುತ್ತದೆ. ಅಳುವಿನ ಮೂಲಕ ಅನ್ನದ ರೂಪದಲ್ಲಿರುವ ಶಕ್ತಿಯನ್ನು ಸಾಕ್ಷಾತ್ಕರಿಸಿಕೊಳ್ಳುತ್ತದೆ. ಇದು ಮಗುವಿನ ದೇಹ ಬೆಳೆಸುತ್ತದೆ. ಆದರೆ ಆತ್ಮಸಾಕ್ಷಾತ್ಕಾರಕ್ಕೆ ಜ್ಞಾನ ಬೇಕು. ಅದು ಅಕ್ಷರ ರೂಪದಲ್ಲಿ ಲಭಿಸುತ್ತದೆ. ವಿಜಯದಶಮಿಯಂದು ವಿದ್ಯಾದೇವಿ ಶಾರದೆಯ ಮುಂದೆ ಜ್ಞಾನದ ಲೋಕಕ್ಕೆ ಹಾದಿ ಸುಗಮವಾಗುವುದು ಎಂದು ಅನಾದಿಕಾಲದಿಂದ ನಮ್ಮಲ್ಲಿರುವ ನಂಬಿಕೆ. ವಿದ್ಯಾರಂಭ ಎಂದರೆ ಅಜ್ಞಾನದ ಕತ್ತಲಿನಿಂದ ಸುಜ್ಞಾನದ ಬೆಳಕಿನೆಡೆಗೆ ಒಯ್ಯುವ ಅಕ್ಷರಾಭ್ಯಾಸ ಎಂದಷ್ಟೇ ಅರ್ಥ. ಇಂದಿನ ಕಂಪ್ಯೂಟರ್ ರೋಬೋಟ್ ಯುಗದಲ್ಲೂ ಅಕ್ಷರಾಭ್ಯಾಸ ಅಷ್ಟೇ ನಿಷ್ಠೆ, ಭಕ್ತಿಯಿಂದ ನಡೆಯುತ್ತಿದೆ. ಮಾತಾಪಿತೃಗಳ ಮೂಲಕ ಲೌಕಿಕ ಬದುಕಿಗೆ ಅಡಿಯಿಡುವ ಮಗು, ವಿದ್ಯಾರಂಭದಂದು ದೇವರ ಇನ್ನೊಂದು ರೂಪವಾದ ಗುರುದರ್ಶನವನ್ನು ಪಡೆಯುತ್ತದೆ. ಗುರು ಸಾಧನೆಯ ಹಾದಿಯಲ್ಲಿ ಮಾರ್ಗದರ್ಶನ ಮಾಡುತ್ತಾನೆ.

ಕಾಗದ, ಸ್ಲೇಟು-ಬಳಪಗಳಿಲ್ಲದೆ ಪುರಾತನ ಶೈಲಿಯಂತೆ ನೆಲದಲ್ಲಿ ಮರಳು ಹರಡಿ ಮಗುವಿನ ಬಲಗೈಯ ತೋರು ಬೆರಳಿನಲ್ಲಿಓಂ’, ಶ್ರೀ’, ‘ಓಂ ಗಣಪತಯೇ ನಮಃಎಂದು ಬರೆಸಿ, ಬಳಿಕ ಆಯಾ ಭಾಷೆಯ ಅಕ್ಷರ ಮಾಲೆಯನ್ನು ಬರೆಸುತ್ತಾರೆ. ಆದರೆ ಮಗುವಿನ ಎಳಸು ಕೈಗಳಿಗೆ ನೋವಾಗದಿರಲೆಂದು ಹೊಸ ಹರಿವಾಣದಲ್ಲಿ ಇರಿಸಿದ ಹೊಸ ಅಕ್ಕಿಯ ಮೇಲೆ ಬೆರಳಿಂದ ಬರೆಯಿಸಿಯೂ ವಿದ್ಯಾರಂಭ ಮಾಡಿಸುವ ಈಗ ಬಳಕೆಯಲ್ಲಿದೆ.

-ಪ್ರಜಾವಾಣಿಯಲ್ಲಿ ಪ್ರಕಟಕೊಂಡಿದ್ದ ಲೇಖನ

Tuesday, September 29, 2009

ಕಂದ ಕಣ್ಮಣಿಯೆ ಜೋ ಜೋ...

ಚಿತ್ರ: ಬಾಲ ನಾಗಮ್ಮ (1966)
ರಚನೆ: ಚಿ.ಉದಯಶಂಕರ್
ಸಂಗೀತ: ಎಸ್.ರಾಜೇಶ್ವರ ರಾವ್
ಗಾಯಕಿ : ಎಲ್.ಆರ್.ಈಶ್ವರಿ


ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ.....
ಹೂವಿನ ಹಾಸಿಗೆಯ ಹಾಸುವೆನು ತೂಗುವೆನು
ಜೋ ಜೋ ಹಾಡುವೆನು

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ.....

ಮೋಡದ ತೆರೆಯಿಂದ ಚಂದಿರ ಕೈಚಾಚಿ
ನಿನ್ನನು ಕರೆಯುತಿಹ ನಗುತ ವಿನೋದದಿ
ಮೋಡದ ತೆರೆಯಿಂದ ಚಂದಿರ ಕೈಚಾಚಿ
ನಿನ್ನನು ಕರೆಯುತಿಹ ನಗುತ ವಿನೋದದಿ
ಕೊಡುವ ತಾರೆಗಳ ಆಡಲಿಕ್ಕೆ ಎನುತಿರುವ

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ......

ಅಮ್ಮನ ಪೂಜೆಗಳ ಪುಣ್ಯದ ರೂಪ ನೀ
ಅಮ್ಮನ ಸಂಕಟವ ಹರಿಸಲು ಬಂದಿರುವ
ಅಮ್ಮನು ಪೂಜೆಗಳ ಪುಣ್ಯದ ರೂಪ ನೀ
ಅಮ್ಮನ ಸಂಕಟವ ಹರಿಸಲು ಬಂದಿರುವ
ಮಗುವೆ ಶಂಕರನು ನಿನ್ನನು ತಾ ಪಾಲಿಸಲಿ

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ......
ಹೂವಿನ ಹಾಸಿಗೆಯ ಹಾಸುವೆನು ತೂಗುವೆನು
ಜೋ ಜೋ ಹಾಡುವೆನು

ಕಂದ ಕಣ್ಮಣಿಯೆ ಅಮ್ಮನ ಅರಗಿಣಿಯೆ ಓ ರಾಜ....

Friday, September 11, 2009

ಅವ್ವ ಅಪ್ಪ ಯಾರು ಗೊತ್ತಾ ನಿಮ್ಗೆ?

ಮೊನ್ನೆ ಪುಟ್ಟಿ ಅವರಜ್ಜಿ ಜೊತೆ ಮಾತಾಡುತ್ತಿದ್ಲು. ನಾನು ಒಂದ್ ನಿಮ್ಷ ಒಳಗೆ ಹೋಗಿ ಬಂದೆ ಅಷ್ಟ್ರಲ್ಲಿ ಅಮ್ಮ ಇದೇನೆ ರೂಪ, ಪುಟ್ಟಿ ’ಅವ್ವ ಅಪ್ಪ’ ಅಂತ ಹೇಳ್ತಿದ್ದಾಳೆ ಆಗಿನಿಂದ ಅಂದ್ರು. ನನಗೂ ಆಶ್ಚರ್ಯವೆನಿಸಿ ಪುಟ್ಟಿಗೆ ಏನಮ್ಮ ಅದು ಅಂದೆ. ಅದಕ್ಕವಳು ತನ್ನ ಕೈಗಳನ್ನ ಟ್ವಿಂಕ್ಲಿಂಗ್ ಮಾಡುತ್ತಾ ’ಅವ್ವ ಅಪ್ಪ’ ಅಂದ್ಲು. ಅವಳು ೨-೩ ಸರ್ತಿ ತೋರ್ಸಿದಮೇಲೆ ಗೊತ್ತಾಯ್ತು ಅವಳು ’ಟ್ವಿಂಕಲ್ ಟ್ವಿಂಕಲ್ ಲಿಟ್ಟಲ್ ಸ್ಟಾರ್’ ರೈಮಿನ ’ಹೌ ಐ ವಂಡರ್’(ಅವ್ವ).. ಅಪ್ ಅಬೋವ್(ಅಪ್ಪ) ಹೇಳಲು ಪ್ರಯತ್ನಿಸ್ತಾಯಿದ್ದಾಳೆ ಅಂತ!!

ಇಲ್ಲಿಯವರೆಗೆ ತನಗೆ ಹಾಡಬೇಕೆನಿಸಿದಾಗ ಅಮ್ಮನಿಗೆ ಆಕ್ಷನ್ ಮೂಲಕ ಯಾವ ಹಾಡು/ ರೈ ಅಂತ ಹೇಳ್ತಾಯಿದ್ದ ಪುಟ್ಟಿ, ಇತ್ತೀಚೆಗೆ ಬಹಳಷ್ಟು ರೈಮ್ ಗಳನ್ನ ಹೇಳಲು ಪ್ರಯತ್ನಿಸುತ್ತಿದ್ದಾಳೆ.
ಅವಳು ಹೇಳೊದನ್ನ ನನ್ನ ಸ್ನೇಹಿತೆ ’ ಫಿಲ್ಲ್ ಅಪ್ ದ ಬ್ಯ್ಲಾಂಕ್ಸ್’ ಅಂತ ಕರಿತಾರೆ. ಅವಳು ಹೇಳೋ ರೀತಿ ಹೀಗೆ
ಪುಟ್ಟಿ: ಉಂಡಾ ಉಂಡ (ಉಂಡಾಡಿ ಗುಂಡ)
ನಾನು: ಮದ್ವೆ ಮನೆಗೆ ಹೋದ
ಪುಟ್ಟಿ: ತನ್ನೆಲ್ಲ ಬೆರಳುಗಳನ್ನ ತೋರಿಸುತ್ತಾ.... ಹತ್ತು
ನಾನು: ಹತ್ತು ಲಾಡು
ಪುಟ್ಟಿ: ತಿಂಟ(ತಿಂದ)
ಪುಟ್ಟಿ: ಇನ್ನು
ನಾನು: ಇನ್ನು ಬೇಕು ಎಂದ
ಪುಟ್ಟಿ: ಅಮ್ಮ ಬೆ....
ನಾನು: ಅಮ್ಮ ಬೆಣ್ಣೆ ಕೊಟ್ಟ್ರು
ಪುಟ್ಟಿ: ಅಪ್ಪ ...
ನಾನು: ಅಪ್ಪ ದೊಣ್ಣೆ ತಂದ್ರು
ಪುಟ್ಟಿ: ತನ್ನ ಕೈಗಳನ್ನ ಕಟ್ಟಿ, ಬೆರಳಿಂದ ಬಾಯ್ ಮುಚ್ಚಿಕೊಳ್ಳುವಳು
ನಾನು: ಕೈ ಕಟ್ಟ್ ಬಾಯ್ ಮುಚ್ಚ್

ಬಾ ಬಾ .. ಈಪ್(ಶೀಪ್).. ವೂಲ್.. ಎಚ್ಚ ಎಚ್ಚ(ಯಸ್ ಸರ್ ಯಸ್ ಸರ್)... ಇದು ಅವಳು ಬಾ ಬಾ ಬ್ಲ್ಯಾಕ್ ಶೀಪ್ ಹೇಳೊ ರೀತಿ :)

ಅಲ್ಲದೇ ನಾಯಿಮರಿ ಹಾಡು, ನಮ್ಮ ಮನೆಯ ಪಾಪ, ಒಂದು ಎರಡು ಮುಂತಾದವನ್ನ ಸ್ವಲ್ಪ ಸ್ವಲ್ಪ ಹೇಳಲು ಶುರು ಮಾಡಿದ್ದಾಳೆ!

Saturday, September 05, 2009

ಹಾವು ಅಂದ್ರೆ ನಮ್ಮ್ ಪುಟ್ಟಿಗೆ ದಿಗಿಲೇ ಇಲ್ವೇನೆ !!

ಪುಟ್ಟಿಗೆ ಹಾವು ಅಂದ್ರೆ ಸಾಕು ತನ್ನ ಕೈಯನ್ನ ಹಾವಿನ ಹೆಡೆಯಂತೆ ಬಾಗಿಸಿ "ಹಿಸ್ಸ್ ಹಿಸ್ಸ್" ಅಂತ ಸದ್ದು ಮಾಡುತ್ತಾ ತನ್ನನ್ನ ತಾನೆ ಕಚ್ಚಿಸಿಕೊಳ್ತಾಳೆ!! ಜೂನ್ ನಲ್ಲಿ ಜ್ಯಾಕ್ಸನ್ ವಿಲ್ಲ್ ಎಂಬ ಊರಿನ ಪ್ರಾಣಿ ಸಂಗ್ರಹಾಲಯದಲ್ಲಿ ನೋಡಿದ ಹೆಬ್ಬಾವಿದು.



ಹಾವು ಅಂದ್ರೆ ಮರಿ ಗುಬ್ಬಿಗೆ ಬಾರಿ ದಿಗಿಲೇನೆ

ನೆನಿಸಿಕೊಂದ್ರೆ ಮೈ ನಡುಗುತ್ತೆ ಹಾಡೇ ಹಗಲೇನೆ -

ಒಂದು ಸಾರಿ ಪುಟಾಣಿ ಗುಬ್ಬಿ ಅಮ್ಮನ ಕೇಳುತ್ತೆ - ೨

ಅಮ್ಮ ಅಮ್ಮ ಬೂಸ್ಸ್ ಬೂಸ್ಸ್ ಹಾವು ಹ್ಯಾಗಿರತ್ತೆ ?




ಹಾವು ಅಂದ್ರೆ ಮರಿ ಗುಬ್ಬಿಗೆ ಬಾರಿ ದಿಗಿಲೇನೆ

ನೆನಿಸಿಕೊಂದ್ರೆ ಮೈ ನಡುಗುತ್ತೆ ಹಾಡೇ ಹಗಲೇನೆ




ಒಕ್ಕಲಿ ಬೆನ್ನು ತಿಕ್ಕಿ ಕೊಳ್ತಾ ಅಮ್ಮ ಅನ್ನುತ್ತೆ

ಒಳ್ಳೆ ಪ್ರಶ್ನೆ ಹಾವು ಹ್ಯಾಗಿರತ್ತೆ ? ಹಾವು ಹ್ಯಾಗಿರತ್ತೆ ?

ಹಾವು ಇರುತ್ತೆ ಹಾವಿನ ಹಾಗೆ ಕಾಗೆ ಕಪ್ಪಗೆ

ಸಪೂರ ತಳ ತಳ ಕೆಂಡದ ಕಣ್ಣು ಕಟ್ಟೆ ದಪ್ಪಗೆ






ಹಾವು ಅಂದ್ರೆ ಮರಿ ಗುಬ್ಬಿಗೆ ಬಾರಿ ದಿಗಿಲೇನೆ

ನೆನಿಸಿಕೊಂದ್ರೆ ಮೈ ನಡುಗುತ್ತೆ ಹಾಡೇ ಹಗಲೇನೆ


ಒಂದು ಸಾರಿ ಪುಟಾಣಿ ಗುಬ್ಬಿ ಅಮ್ಮನ ಕೇಳುತ್ತೆ

ಅಮ್ಮ ಅಮ್ಮ ಬೂಸ್ಸ್ ಬೂಸ್ಸ್ ಹಾವು ಯಾಗಿರತ್ತೆ ?





ಸೂರಿಗೆ ಸುತ್ತಿ ಜೋತಾಡುತ್ತೆ ಗೋದಿ ಬೆನ್ನು

ದೀಪದ ಹಾಗೆ ಉರಿತಿರುತ್ತೆ ಹಾವಿನ ಕಣ್ಣು

ಬೂಸ್ ಎನ್ನುತ್ತೆ ದರಿದ್ರ ಹಾವಿಗೆ ತುಂಬದ ಹೊಟ್ಟೆ

ಹಿಡಿ ಹಿಡಿಯಾಗಿ ನುಗ್ ಬಿಡುತ್ತೆ ಹಕ್ಕಿ ಮೊಟ್ಟೆ






ಹಾವು ಅಂದ್ರೆ ಮರಿ ಗುಬ್ಬಿಗೆ ಬಾರಿ ದಿಗಿಲೇನೆ

ನೆನಿಸಿಕೊಂದ್ರೆ ಮೈ ನಡುಗುತ್ತೆ ಹಾಡೇ ಹಗಲೇನೆ






ಹಕ್ಕಿಯ ಮೊಟ್ಟೆ ನುಗಿದ ಮೇಲೆ ಹಿಡಿ ಹಿಡೀಲಿ

ಹಕ್ಕಿ ಮರಿ ಬೆಳ್ಕೊಳುತ್ತೆ ಹಾವಿನ ಹೊಟ್ಟೆಲಿ

ಹಕ್ಕಿ ಮರಿ ಹುಟ್ಟ ಕೊಳುತ್ತೆ ಹಾವಿನ ಹೊಟ್ಟೆಲಿ

ಅಂತ ಪುಟಾಣಿ ಕುಣಿದಾಡ್ತಿತ್ತು ಅಮ್ಮನ ತೋಳಲ್ಲಿ - ೨






ನಿಟ್ಟುಸ್ಸಿರ್ ಇಡ್ತು ಇಲ್ಲ ಬಂಗಾರ

ಇನ್ನು ನಿನಗೆ ತಿಳಿಯದಮ್ಮ ಹಾವಿನ ಹುನ್ನಾರ

ಹಾವಿನ ಹೊಟ್ಟೆ ಸೇರಿದ ಮೇಲೆ ಹೇಳೋದ್ ಇನ್ನೇನು - ೨

ಹಾವಿನ ಮೊಟ್ಟೆ ಆಗ್ ಬಿಡುತ್ತೆ ಹಕ್ಕಿ ಮೊಟ್ಟೇನು



ಹಾವಿನ ಹಾಡು ಇಲ್ಲಿ ಕೇಳಿ









Thursday, September 03, 2009

ಜೂ.. ಜೂ ...ಆಗಟ್

ಪುಟ್ಟಿಗೆ ಏನೇ ಹೊಸ ವಿಚಾರ ತೋರ್ಸಿದ್ರೂ / ಹೇಳಿಕೊಟ್ಟರೂ ಬಲು ಬೇಗ ಕಲಿತಾಳೆ. ಮಕ್ಕಳೇ ಹಾಗೆ ಅಲ್ವಾ, ಸ್ಪಂಜಿನಂತೆ ಎಲ್ಲವನ್ನೂ ತಮ್ಮೊಳಗೆ ಹೀರಿಕೊಳ್ತಾರೆ:-)
ಈಗ ಬೆಳಗ್ಗಿನ ನಿದ್ದೆಯನ್ನು ಬಿಟ್ಟು ಕೇವಲ ಮದ್ಯಾಹ್ನ ಮಾತ್ರ ೧ ಘಂಟೆ ಮಲಗೋ ಪುಟ್ಟಿಯನ್ನ ಇಡೀ ದಿನ ಬಿಜಿಯಾಗಿ ಬೋರ್ ಆಗದಂತೆ ನೋಡಿಕೊಳ್ಳೊದು ನನ್ನ ಕೆಲ್ಸ! ರೈಮ್ಸ್, ಪ್ರಾಣಿಗಳ ವಿಡಿಯೋ ಹೊರತಾಗಿ ಟಿವಿಯಂತೂ ನೋಡೊದೇ ಇಲ್ಲ. ಸರಿ, ಉಳಿದಂತೆ ಅದೂ ಇದೂ ಹೇಳ್ಕೊಡ್ತಾಯಿರ್ತೀನಿ. ಪುಟ್ಟಿಗೆ ಒಮ್ಮೆ ಹೇಳ್ಕೊಟ್ಟ್ರೆ ಮತ್ತೆ ಮತ್ತೆ ಅದನ್ನೇ ಕೇಳ್ತಾಳೆ. ಅವಳು ಈಗ ದಿನಗಳ, ಮಾಸಗಳ ಮತ್ತು ಗ್ರಹಗಳ ಇಂಗ್ಲಿಷ್ ಹೆಸ್ರು ಹೇಳ್ತಾಳೆ. ಅಲ್ಲದೇ ಒಂದರಿಂದ ಹತ್ತರವರೆಗೆ ಅಂಕಿ, ಹಲವು ರೈಮ್ಸ್/ ಹಾಡು ಎಲ್ಲಾ ಗೊತ್ತು ಪುಟ್ಟಿಗೆ.


ಇನ್ನು ಬರಿಯೋ ವಿಚಾರಕ್ಕೆ ಬಂದ್ರೆ ಅದು ಪುಟ್ಟಿಗೆ ಬಲು ಇಷ್ಟದ ಕೆಲ್ಸ! ಇತ್ತೀಚೆಗೆ ಅವಳ ಗೀಚುವಿಕೆ ನೇರ ಗೆರೆ ಅಥವಾ ಸೊನ್ನೆ ಸುತ್ತೋ ರೀತಿ ಕಾಣಿಸುತ್ತಿದೆ. ಅವಳು ಬರಿಯುವಾಗ ಗೆರೆ ಎಳೆದಾಗ ಒನ್/ ಒಂದು ಅಂತಲೂ .. ಸೊನ್ನೆ ಸುತ್ತಿದಾಗ ಸೊನ್ನೆ/ಜೀರೊ ಅಂತಲೂ ಹೇಳಿದ್ದಾಗಿದೆ, ಅದೀಗ ಅವಳಿಗೆ ಕರತಲಾಮಲಕ. ಕೇಳಿದಾಗ ಒನ್ ಅಥವಾ ಜೀರೋ ಬರೆದು ತೋರಿಸ್ತಾಳೆ! ಸದ್ಯದಲ್ಲೇ ಅವಲಿಗೆ ’ಅಕ್ಷರಾಭ್ಯಾಸ’ ಮಾಡಿಸೋಣವೆಂದಿದ್ದೇವೆ:)

ನಮ್ಮ್ ಪುಟ್ಟಿನ ಈಗ ಪಾಪ/ಬೇಬಿ ಅನ್ನುವಂತಿಲ್ಲ! ಹಾಗೇನಾದ್ರೂ ಅಂದ್ರೆ ತನ್ನ ಬಳಿಯಿರುವ ಗೊಂಬೆಗಳನ್ನ ತೋರಿಸಿ ಅದನ್ನ ’ಪಾಪ’ ಅಂತ ಕರಿತಾಳೆ:) ಎಷ್ಟ್ ಬೇಗ ಬೆಳ್ದ್ ಬಿಟ್ಟ್ಲು ಅನ್ನ್ಸುತ್ತೆ, ಈ ರೀತಿ ಅವ್ಳು ಹೇಳಲು ನಾವೂ ಕಾರಣ. ಅವಳಿಗೆ potty ಟ್ರೈನಿಂಗ್ ಶುರು ಮಾಡಿದಾಗಿಂದ ’ನೀನೀಗ big girl, ಡೈಪರ್ಸ್ ಬೇಬಿ ಮಾತ್ರ ಹಾಕೋದು, ನೀನು ಟಾಯ್ಲೆಟಿನಲ್ಲಿ pee, poo ಮಾಡ್ಬೇಕು’ ಅಂತೆಲ್ಲಾ ಹೇಳ್ತಾಯಿದ್ದೀವಿ.
ಏನೋ ಅಂತೂ ಪುಟ್ಟಿ ಈಗ ಹಗಲು ದೈಪರ್ಸ್ ಗೆ ’ಟಾ ಟಾ’ ಹೇಳಿದ್ದಾಳೆ. ಸುಮಾರು ೧೩ ತಿಂಗಳಿಗೇ ಡೈಪರ್ ಭಾರವೆನಿಸಿದಾಗ ಅಮ್ಮ ’ಐವಿ(heavy)' ಅಂತ ಹೇಳೋಕೆ ಶುರುಮಾಡಿದ್ಲು. ಈಗ ಸ್ವಲ್ಪ ದಿನದಿಂದ ಮನೆಯಲ್ಲಿ ಮಾತ್ರ ಅಮ್ಮನಿಗೆ ಹೇಳ್ತಾಯಿದ್ದವಳು ಈಗ ಒಂದು ವಾರದಿಂದ ಹೊರಗೆ ಅಂಗಡಿ/ ಪಾರ್ಕಿಗೆ ಹೋದ್ರೂ ಹೇಳಿ ಅಲ್ಲಿ ರೆಸ್ಟ್ ರೂಮಿನಲ್ಲಿ ಮಾಡ್ತಾಯಿದ್ದಾಳೆ. ಇನ್ನೇನಿದ್ದರೂ ರಾತ್ರಿ ಹೊತ್ತು ಮಾತ್ರ ಡೈಪರ್!!

Monday, August 31, 2009

ಓಡಿ ಬಾ ಓಡೋಡಿ ಬಾ - ಚಕ್ರತೀರ್ಥ

ಈ ಇಬ್ಬರು ಬಾಲನಟರು ಯಾರು ಗೊತ್ತಾ?

ಚಕ್ರತೀರ್ಥ (1967) -

ಸಾಹಿತ್ಯ: ಆರ್.ಎನ್.ಜಯಗೋಪಾಲ್
ಸಂಗೀತ: ಟಿ.ಜಿ.ಲಿಂಗಪ್ಪ
ಗಾಯನ: ಬಿ.ಕೆ.ಸುಮಿತ್ರ ಮತ್ತು ಬೆಂಗಳೂರು ಲತಾ.

ಝೂಟ್.......
ಹಾಹಾಹಾಹಹ ಹಾಹಾ...ಲಲಲಲಲಲಾಲಾ

ಓಡಿ ಬಾ ಓಡೋಡಿ ಬಾ ಚಿನ್ನ ನನ್ನ ಬೆನ್ನ ಹಿಂದೆ ಓಡಿ ಬಾ
ಓಡುವೇ ನಾ ಓಡುವೇ ಜಿಂಕೆ ಹಾಗೆ ಓಡೀ ನಿನ್ನಾ ಕೂಡುವೇ
ಓಡಿ ಬಾ..ಝೂಟ್...

ಮಣ್ಣಿನಿಂದ ಕಪ್ಪೆಗೂಡು ಕಟ್ಟಬಲ್ಲೆಯಾ
ಅಲ್ಲಿ ನೀನು ಕಪ್ಪೆಯೊಂದ ಸಾಕಬಲ್ಲೆಯಾ
ಕಣ್ಣು ಮುಚ್ಚಿ ನನ್ನಾ ಹಿಡಿಯಬಲ್ಲೆಯಾ
ನಾ ಹಾರೆದಂತೆ ದೂರ ನೀನು ಹಾರಬಲ್ಲೆಯಾ...ಝೂಟ್...

ನನ್ನಾ ರೀತಿ ರೆಂಬೆ ಹತ್ತಿ ನೀನು ನೋಡುವಾ
ನನ್ನಾ ಸಾಟಿ ಕುಂಟೊಬಿಲ್ಲೇ ಆಡು ನೋಡುವಾ
ಸುತ್ತಿ ಸುತ್ತಿ ಲಾಗಾ ಹಾಕು ಅಮ್ಮಯ್ಯಾ
ಈ ಕೋತಿಯಾಟ ದೊಂಬರಾಟ ಬೇಡ ದಮ್ಮಯ್ಯಾ...ಝೂಟ್...

ಕಾಗದದ ದೋಣೀಯೊಂದ ನಾವು ಮಾಡುವಾ
ನೀರಿನಲ್ಲೀ ದೋಣಿಯನ್ನು ತೇಲಿ ಬಿಡುವಾ
ಅಂಚಿನಲ್ಲಿ ನಿಂತೂ ನಾವು ನೋಡುವಾ
ಹಾಯಾಗೀ ಒಂದಾಗೀ ಇನ್ನೆಂದೂ ಬಾಳುವಾ...ಝೂಟ್...

ಓಡಿಬಾ ....ನಾ ಓಡುವೇ...ಓಡಿಬಾ...ಝೂಟ್....

Sunday, August 30, 2009

ಗಣಪನ ಹಬ್ಬ!!!

ನಾವು ಗಣೇಶ ಹಬ್ಬಕೆಂದು ಮಣ್ಣಿನ ವಿಗ್ರಹ ಮಾಡುವಾಗ ಪುಟ್ಟಿ ತಾನೂ ಜೊತೆಯಲ್ಲಿ ಕುಳಿತು ಮಣ್ಣಿನಲ್ಲಿ ’ತಪಾತಿ(ಚಪಾತಿ)’ ಇತ್ಯಾದಿಗಳನ್ನು ಮಾಡಿದ್ಲು. ಕೊನೆಗೆ ಅಮ್ಮ ಮಾಡಿದ ವಿಗ್ರಹ ನೋಡಿ ಮೊದಲು ’ಆನಿ ಆನಿ’ ಅಂದಳಾದರೂ ನಂತರ "ಓಂ" ಅಂತ ಕೈ ಮುಗಿದಳು, ಸದ್ಯ ಅದು ಅವಳ ಕಣ್ಣಿಗೂ ಗಣಪನಂತೆ ಕಾಣಿಸಿತಲ್ಲ ಅಂದುಕೊಂಡ್ವಿ! ನಾವು ಇದಕ್ಕೆ ಮೊದಲು ಮಾಡಿದ ವಿಗ್ರಹಗಳ ಫೋಟೋ ಇಲ್ಲಿವೆ.

ಹಬ್ಬದ ದಿನವಂತೂ ದಿನವಿಡೀ ಸಂಭ್ರಮದಿಂದ ಓಡಾಡುತ್ತಿದ್ದು, ಮದ್ಯಾಹ್ನ ನಿದ್ದೆಯನ್ನೂ ಸರಿಯಾಗಿ ಮಾಡದೆ ಅಮ್ಮನಿಗೆ ಹೆಲ್ಪ್ ಮಾಡುತ್ತಿದ್ದು ಹಬ್ಬ ಮಾಡಿದ್ದು ಹೀಗೆ...

ಮಣ್ಣಿನ ಗಣಪನ
ವಿಗ್ರಹ ಮಾಡಿ
ಸುಂದರ ಪೀಠದಿ ಕುಳ್ಳಿರಿಸಿ
ಗಣಪನ ಕೊರಳಿಗೆ
ಕಡಲೆ ಹಾರವ ಹಾಕಿ
ಸುಂದರ ರಂಗೋಲಿಯ ಬಿಡಿಸಿ

ಕರಿದ ಕಡುಬು
ಮೋದಕ ಹುಸಲಿ
ಎಲ್ಲವ ಗಣಪನ ಮುಂದಿಡಲು

ಹಿರಿಯರು ಕಿರಿಯರು
ಮಕ್ಕಳು ಮುದುಕರು
ಗೆಳೆಯರೆಲ್ಲ ಮನೆಗೆ ಬಂದಿರಲು
ಆರತಿ ಬೆಳಗಿ
ಅಕ್ಷತೆ ಹಾಕಿ
ಪೂಜೆಯ ಮಾಡಿ ಕೈಮುಗಿದು
ಅಪ್ಪನೊಡನೆ ಕೂಡಿ
ಜಯ್ ಜಯ್ ಹಾಡಿ
ಗಣಪನ ವಿಸರ್ಜಿಸಲು ಹಬ್ಬವು ಮುಗಿದಿತ್ತು!

-ರೂpaश्री

ಗಣಪನ ಮುಂದೆ ಶಕ್ತಿ ಮತ್ತು ಶ್ರೀನಾ ಜೊತೆ..
ವಿಘ್ನೇಷ್ವರ ನಿನಗೆ ಇಪ್ಪತ್ತೊಂದು ನಮಸ್ಕಾರಗಳು!
ಅಕ್ಕ-ತಮ್ಮ ಅನಿಶಾ ಅಮೋಘ್ ಮತ್ತು ಶಕ್ತಿ!
ಗೀತಿಕಾ ಅಕ್ಕ!ರಿಂಗಾ ರಿಂಗಾ ರೋಸಸ್ಸ್