Saturday, June 11, 2011

ಜಾರಬಂಡಿ ಆಟ !!

ಜಾರ ಬಂಡಿ ಆಟ
ಜಾರಿ ಬೀಳೊ ಆಟ
ಜಾರಿ ಬಿದ್ದ ರಾಮಣ್ಣ
ಹಲ್ಲು ಮುರಿದು ಚೂರಾಗಿ
ಕಣ್ಣಲ್ ಬಂತು ನೀರು
ಆಡುತ್ತಿದ್ದ ಮಕ್ಕಳು
ಅವನ ನಗಿಸಿ ನಕ್ಕರು
ಹ್ಹ ಹ್ಹ ಹ್ಹ ...

Saturday, June 04, 2011

ಮಳೆ ಮಳೆ ಮಲ್ಲಪ್ಪ !!


ಮಳೆ ಮಳೆ ಮಲ್ಲಪ್ಪ
ಕೈಯ ಚಾಚೋ ಕರಿಯಪ್ಪ
ಮಳೆ ಮಳೆ ಮಲ್ಲಪ್ಪ
ಕೈಯ ಚಾಚೋ ಕರಿಯಪ್ಪ
ತಿರುಗೊ ತಿರುಗೊ ತಿಮ್ಮಪ್ಪ
ತಿರುಗಲಾರೆ ಉಸ್ಸಪ್ಪ !!
ಮಳೆ ಬಂತು ಮಳೆ
ಕೊಡೆ ಹಿಡಿದು ನಡೆ
ಮಣ್ಣಿನಲ್ಲಿ ಜಾರಿ ಬಿದ್ದು
ಬಟ್ಟೆ ಎಲ್ಲಾ ಕೊಳೆ

ಬಿಸಿಲು ಬಂತು ಬಿಸಿಲು
ಕೋಟು ಟೋಪಿ ತೆಗೆ
ಬಾವಿಯಿಂದ ನೀರು ಸೇದಿ
ಸೋಪು ಹಾಕಿ ಒಗೆ