ಪುಟ್ಟಿಗೆ ಇವತ್ತಿಗೆ ಮೂರು ವರ್ಷ!!

ಸ

ಮಯ ಎಷ್ಟು ಬೇಗ ಕಳೆದು ಹೋಗುತ್ತದಲ್ಲ? ಮೂರು ವರ್ಷ ನೋಡುತ್ತ ನೋಡುತ್ತ ಕಳೆದು ಹೋಗಿದೆ. ಪುಟ್ಟಿಗೆ ಇವತ್ತಿಗೆ ಮೂರು ವರ್ಷ!!! ನನ್ನನ್ನು ಬ್ಲಾಗ್ ಬರೆಯುವಂತೆ ಮಾಡಿ, ದಿನಕ್ಕೊಂದು ಹೊಸ ಆಟ ಕಲಿತು ಬ್ಲಾಗಿನಲ್ಲಿ ಬರೆಯಲು ಹೊಸ ವಿಚಾರ ಕೊಡುತ್ತಿರುವವಳು ಇವಳು.  ಅವಳೆಷ್ಟೇ ದೊಡ್ಡವಳಾದರೂ ಇಂದಿನ ಮುಗ್ಧತೆ ಹೀಗೆ ಇರಲಿ ಮತ್ತು ಸದಾ ಸಂತಸದಿ ಬಾಳಲಿ ಎಂಬುದೇ ಜನುಮದಿನದಂದು ನನ್ನ ಹಾರೈಕೆ.

ಅಂದ ಹಾಗೆ, ‘ಪ್ರೇಮದ ಕಾಣಿಕೆ’ ಚಿತ್ರದಲ್ಲಿರುವ ಈ ಹುಟ್ಟುಹಬ್ಬದ ಹಾಡು ನೆನಪಿದೆಯಾ? ಇಲ್ಲ ಅಂದ್ರೆ ಒಮ್ಮೆ ನೋಡಿ ಮೆಲುಕು ಹಾಕಿಬಿಡಿ. 

ಚಿತ್ರ : ಪ್ರೇಮದ ಕಾಣಿಕೆ [1976]
ಗಾಯಕರು : ಪಿ . ಬಿ . ಶ್ರೀನಿವಾಸ್




ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ಸರದ ಸಮಯದಿ ಸದಾ ವಿರಸವೇನು ?

Happy birthday to you...
Happy birthday to you...
Happy birthday to you...Putti 

ಸ್ನೇಹವ ತೋರು ಎಲ್ಲರ ಸೇರು
ಸ್ನೇಹವ ತೋರು ಎಲ್ಲರ ಸೇರು
ದಿನವು ಸಂತೋಷದಿ ನಲಿ ನಲಿದಾಡು
ದಿನವು ಸಂತೋಷದಿ ನಲಿ ನಲಿದಾಡು
ನೂರಾರು ವರುಷ ಕಂಡ ಸುಖದಿ ಬಾಳು

ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ನನ್ನ ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು

ಯಾರೋಲೋ ಕೋಪ ಯಾರಿಗೋ ಶಾಪ
ಯಾರೋಲೋ ಕೋಪ ಯಾರಿಗೋ ಶಾಪ
ದಿನವು ಇದೇನಿದು ಈ ಪರಿತಾಪ
ದಿನವು ಇದೇನಿದು ಈ ಪರಿತಾಪ
ನೀ ತಾಯಿಯಂತೆ ಬಿಡು ಇನ್ನು ಚಿಂತೆ

ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ಸರದ ಸಮಯದಿ ಸದಾ ವಿರಸವೇನು ?

ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು
ಚಿನ್ನ ಎಂದು ನಗುತಿರು ನನ್ನ ಸಂಗ ಬಿಡದಿರು

Happy birthday to you...
Happy birthday to you...
Happy birthday to you...Putti 

Read More

ಬ್ಯಾ ಬ್ಯಾ ಕುರಿ ಮರಿ..

ಇದು ಪುಟ್ಟಿ ಮಾಡಿರೋ ಕುರಿಮರಿ. ಇದನ್ನ ನೋಡ್ತಾ ಪುಟ್ಟಿ ’baa baa white sheep' ಅಂತ ಹಾಡನ್ನ ಮಾರ್ಪಡಿಸಿ ಹಾಡ್ತಾಳೆ!! ಈ ಆಂಗ್ಳ ಶಿಶುಗೀತೆಯ ಕನ್ನಡ ಅನುವಾದ ಹೀಗಿದೆ..

ಬ್ಯಾ ಬ್ಯಾ ಕುರಿ ಮರಿ
ನಿನ್ ತವ ವುಲ್ ಐತ?

ಇದೆ ಸಾರ್ ಇದೆ ಸಾರ್

ಮೂರ್ ಚೀಲದ್ ತುಂಬ

ಒಂದ್ ನಮ್ ದಣಿಗೋಳ್ಗೆ

ಒಂದ್ ಅವ್ರ್ ಎಂಡ್ರುಗೆ

ಮತ್ತೊಂದ್ ಈ ರಸ್ತೆ ಮೂಲೇಲಿರೊ

ಚಿಕ್ಕ್ ಮಗೀಗೆ

-ಸುಚಿನ್

ಬಾ ಬಾರೋ ಕರಿ ಕುರಿ

ಉಣ್ಣೆ ಇದೆಯಾ ಕುರಿ ಮರಿ

ಇದೆ ಗುರು ಇದೆ ಗುರು

ಮೂರ್ ಮೂಟೆ ತುಂಬಾ ಗುರು

ನಮ್ಮ್ ಮಾಲೀಕಂಗೊಂದು

ಅವನ್ ಹೆಂಡ್ರಿಗಿನ್ನೊಂದು

ಕೊನೆ ಮೂಟೆ ಯಾರಿಗೆಂದು

ನಮ್ಮ್ ಕೊನೆ ಬೀದಿ ಭಾಸ್ಕರಂದು

-ಇದನ್ನ ಬರೆದವರು ಯಾರು ಗೊತ್ತಿಲ್ಲ

Read More

ಅಮ್ಮ ಮುದ್ದು ಅಮ್ಮ

ಅಮ್ಮ ಮುದ್ದು ಅಮ್ಮ
ಅಮ್ಮ ಮುದ್ದು ಅಮ್ಮ
ಎಂತ ಸಿಹಿ ನಿನ್ನ ಮುತ್ತು ಅಮ್ಮ
ನನ್ನ ಜೊತೆ ಆಡು ಬಾರೆ ಅಮ್ಮ

ಪಾಪ ಮುದ್ದು ಪಾಪ
ಪಾಪ ಮುದ್ದು ಪಾಪ
ದಂತದ ಗೊಂಬೆ ನೀನು ಪಾಪ
ದೈವ ತಂದ ಕೊಡುಗೆ ನೀನು ಪಾಪ

ಅಮ್ಮ ಎತ್ತಿಕೋ ಒಮ್ಮೆ ಅಪ್ಪಿಕೋ
ಅಮ್ಮ ಎತ್ತಿಕೋ ಒಮ್ಮೆ ಅಪ್ಪಿಕೋ
ತೂಗಿಸು ತೂಗಿ ನಲಿಯಿಸು
ನಗುವಲಿ ಮೈಮನ ಮರೆಯಿಸು
ನಿನ್ನ ಪ್ರೀತಿ ಅಲೆಯಲಿ ಎನ್ನ ತೇಲಿಸು

ಹೊತ್ತವಳಲ್ಲ ಹೆತ್ತವಳಲ್ಲ
ತಾಯಿತನವ ನಾ ಕಂಡವಳಲ್ಲ
ಬಂದೇ ನೀನು ಬಂದೆ
ತಾಯಿಯ ... ತಂದೆ
ಬಾಳಲಿಂದು ಬೆಳಕು ಚೆಲ್ಲಿ ನಿಂದೆ


ಪಾಪ ಮುದ್ದು ಪಾಪ

ಪಾಪ ಮುದ್ದು ಪಾಪ

ದಂತದ ಗೊಂಬೆ ನೀನು ಪಾಪ

ದೈವ ತಂದ ಕೊಡುಗೆ ನೀನು ಪಾಪ

ತಬ್ಬಲಿ ಅಲ್ಲ ನಾ

ತಾಯಿಯಾ ಪಡೆದೆ ನಾ

ತಬ್ಬಲಿ ಅಲ್ಲ ನಾ

ತಾಯಿಯಾ ಪಡೆದೆ ನಾ

ಮರೆಯೆನಾ ಈ ದಿನ ಮರೆಯೆನಾ

ಪ್ರೇಮದ ಮಳೆಯಲಿ ನೆನೆದೆ ನಾ

ತಾಯಿ ಹೆಸರ ಬೆಳಗುವಂತೆ ಬೆಳೆವೆ ನಾ

ಪತಿಯ ಒಲವಿದೆ

..ರೆಯ ಸುಖವಿದೆ

ಮನದ ಕೊರತೆಯಾ 

ಮಗುವೇ ನೀಗಿದೆ

ಮನೆಯನೂ ಗೋಕುಲ ಮಾಡಲು

ಹೊಸಲಿನ ರಂಗೋಲಿ ಅಳಿಸಲು

ಬಂದೆ ನೀನು ಎನ್ನ ಮಡಿಲ ತುಂಬಲು

ಅಮ್ಮ ಮುದ್ದು ಅಮ್ಮ

ಅಮ್ಮ ಮುದ್ದು ಅಮ್ಮ

ಎಂತ ಸಿಹಿ ನಿನ್ನ ಮುತ್ತು ಅಮ್ಮ

ನನ್ನ ಜೊತೆ ಆಡು ಬಾರೆ ಅಮ್ಮ

ಪಾಪ ಮುದ್ದು ಪಾಪ

ಪಾಪ ಮುದ್ದು ಪಾಪ

ದಂತದ ಗೊಂಬೆ ನೀನು ಪಾಪ

ದೈವ ತಂದ ಕೊಡುಗೆ ನೀನು ಪಾಪ

Read More

ಮುದ್ದೆ ಮಾಡೋದು ಹೀಗೆ ...

ನನಗೆ ಮುದ್ದೆ ಮಾಡೋಕೆ ಬರೋಲ್ಲ. ಅದು ಅಷ್ಟಾಗಿ ಇಷ್ಟನೂ ಇಲ್ಲ. ರಾಗಿ ರೊಟ್ಟಿ ಇಷ್ಟ ಅದನ್ನ ತಪ್ಪದೇ ವಾರಕ್ಕೆ ಒಂದೆರೆಡು ಸರ್ತಿ ಮಾಡ್ತೀನಿ. ಪುಟ್ಟಿಗೂ ಬಲು ಇಷ್ಟ. ಪುಟ್ಟಿ ಅಜ್ಜ್ಜಿಇಲ್ಲಿ ಇದ್ದಾಗ ಅವರು ಆಗಾಗ್ಗೆ ಮುದ್ದೆ ಮಾಡುತ್ತಿದ್ದರು. ಆಗೆಲ್ಲಾ ಪುಟ್ಟಿ ಅವರ ಪಕ್ಕದಲ್ಲೇ ಕುಳಿತಿದ್ದು, ಅವರು ಮುದ್ದೆ ತಿರುವುದನ್ನೇ ನೋಡುತ್ತಾ ಕೊನೆಯಲ್ಲಿ ತಾನೂ ಒಂದೆರೆಡು ತುತ್ತು ಬಿಸಿ ಬಿಸಿ ಮುದ್ದೆ ತುಪ್ಪದಲ್ಲಿ ಹಾಕಿ ಗುಳುಮ್ ಮಾಡುತ್ತಿದ್ದಳು. 

ಈಗ ಮುದ್ದೆ ಮಾಡುವ ಕೋಲಿಗೆ ಕೆಲಸವಿಲ್ಲ. ಆಗಾಗ್ಗೆ ಕಣ್ಣಿಗೆ ಕಾಣಿಸಿದಾಗ ಅದನ್ನ ಹಿಡಿದು ಪುಟ್ಟಿ ಮುದ್ದೆ ಮಾಡೋದು ಹೀಗೆ... 

Read More

ಪುಟ್ಟ ಪುಟ್ಟ ಕಣ್ಣುಗಳನು
ಬೊಚ್ಚು ಬಾಯಿಯನ್ನು ಬಿಟ್ಟು
ಬೆರಳ ಚೀಪಿ ಮನವ ತಣಿಸುವವನು ಯಾರು?
ಚುಳ್ ಎಂದು ಉಚ್ಚೆ ಹುಯ್ದು
ಹಾಸಿಗೆಯನು ಒದ್ದೆ ಮಾಡಿ
ಆ ಇ ಊ ಎಂದರಚುವ
ನಿವನು ಯಾರು?
ಉರುಟು ಮುಖವ ದೊಡ್ಡ ಕಿವಿಯ
ಉದ್ದುದ್ದದ ಬೆರಳ ಹೊಂದಿ
ದಟ್ಟ ಕೂದಲುಗಳನು ಹೊಂದಿದವನು ಯಾರು?
ಇರಲಿ ನೀ ಚಿರಾಯುವಾಗು
ನೆಮ್ಮದಿ ಆನಂದ ಹೊಂದಿ
ನಿನಗೆ ಇರಲಿ ಲಕ್ಷ್ಮಿ ದಯೆಯು
ಈಶಪುತ್ರನೇ ಗಿರೀಶಪುತ್ರನೇ!ಮಂಜುಪುತ್ರನೇ!
ಸಾಫ಼್ಟ್ ವೇರ್ ಅಪ್ಪ ತಾನು
ಅಮ್ಮನೊ ತಾ ವೈದ್ಯೆಯಾಗಿ
ಪಡೆದನೀನು ಧನ್ಯನೇ ಅನಾಮಧೇಯನೇ!
(ಕೌಶಿಕ ಮರಾಠೆ ಯನಾಮಕರಣದದಿನಕ್ಕೆ
ರಚಿಸಿದ ಕಂದ ಪದ್ಯ.)

Read More

ಅಪ್ಪ ಅಪ್ಪ ನನ್ನಪ್ಪ

ಮುದ್ದು ಮಾಡುವ ನನ್ನಪ್ಪ

ವಿದ್ಯೆಯ ಕಲಿಸುವ ನನ್ನಪ್ಪ

ಬುದ್ದಿಯ ಹೇಳುವ ನನ್ನಪ್ಪ

ಜೀವನ ಸ್ಫೂರ್ತಿ ನನ್ನಪ್ಪ

ಭಾವ ಜೀವಿ ನನ್ನಪ್ಪ
--ಸುಬ್ರಹ್ಮಣ್ಯ ಭಟ್

Read More

ಪುಟ್ಟಿಯ ಮೊದಲ ಸ್ಟೇಜ್ ಶೋ !!

ಪುಟ್ಟಿಗೆ ಡ್ಯಾನ್ಸ್ ಬಹಳ ಇಷ್ಟ! ಯಾವ ಮಗುವಿಗೆ ಇಷ್ಟವಿಲ್ಲ ಅಲ್ವಾ :) ನಮ್ಮೂರಿನ ಭಾರತೀಯ ಅಸೋಸಿಯೇಷನ್ ಅವರ ವಾರ್ಷಿಕೋತ್ಸವ 'Glimpses of India' ಕಾರ್ಯಕ್ರಮದಲ್ಲಿ ಈ ಸರ್ತಿ ಪುಟ್ಟಿ ಮತ್ತವಳ ಸ್ನೇಹಿತರದ್ದೂ ಒಂದು ಡ್ಯಾನ್ಸ್ ಇತ್ತು. ಪ್ರಾಕ್ಟೀಸ್ ಮಾಡುವಾಗಲಿಂದನೂ ಬಹಳ ಉತ್ಸಾಹದಿಂದಲೇ ಅದರಲ್ಲಿ ಭಾಗವಹಿಸಿದಳು. ಇದು ಅವಳ ಮೊದಲ ’ಸ್ಟೇಜ್ ಶೋ’ !! ಹಿಂದಿ ಚಲನಚಿತ್ರ ’ಹೋಮ್ ಡೆಲಿವೆರಿ’ ಯಲ್ಲಿರುವ ’ಹ್ಯಾಪಿ ದಿವಾಲಿ’ ಅನ್ನೋ ಹಾಡಿಗೆ :) ದೀಪಾವಳಿ ಹಬ್ಬವೂ ಅದೇ ಸಮಯದಲ್ಲಿ ಬಂದಿದ್ದರಿಂದ ಇದು ಎಲ್ಲರಿಗೂ ಮೆಚ್ಚುಗೆ ಆಯಿತು.

ವಿಡಿಯೋ ರೆಕಾರ್ಡ್ ಮಾಡಿ ಕೊಟ್ಟ ಶಿಶಿರ್ ಅಪ್ಪ ಮತ್ತು ಅರ್ಜುನ್ ಅಂಕಲ್ ಗೆ ತುಂಬಾ ತುಂಬಾ ಥ್ಯಾಂಕ್ಸ್ !!

Read More

ದೀಪಾವಳಿ ಪುಸ್ತಕ !!

ಇತ್ತೀಚೆಗೆ ನಾವು ಲೈಬ್ರರಿಗೆ ಹೋದಾಗಲೆಲ್ಲ ಪುಟ್ಟಿ ತನಗೆ ಬೇಕಾದ ಪುಸ್ತಕಗಳನ್ನು ಆರಿಸಿ ತರ್ತಾಳೆ. ನಾನು ಮೊದಲೇ ಲೈಬ್ರರಿಯ ವೆಬ್ಸೈಟಿನಲ್ಲಿ ಹುಡುಕಿ ಬೇಕಾದ ಪುಸ್ತಕವನ್ನು ಕಾದಿರಿಸಿಕೊಳ್ಳುವೆ.  ಪುಟ್ಟಿಗೆ ಅವರ ಸ್ಕೂಲಿನಲ್ಲಿ ವಾರಕ್ಕೊಂದು ’ಥೀಮ್’ ಇರುತ್ತೆ. ನಾನು ಅವಳಿಗೆ ಆ ಥೀಮಿನ ಅನುಗುಣವಾಗಿ ಪುಸ್ತಕಗಳನ್ನು ತರ್ತೀನಿ. ಮೊನ್ನೆ ಹ್ಯಾಲೋವೀನ್ ಟೈಮಿನಲ್ಲಿ ಓದಿದ್ದೆಲ್ಲಾ ಅದೇ ಪುಸ್ತಕಗಳೇ!
ಸರಿ ದೀಪಾವಳಿ ಬಂತಲ್ಲ ಅದರ ಬಗ್ಗೆ ಪುಸ್ತಕಗಳೇನಾದ್ರು ಇದೆಯಾ ಅಂತ ಹುಡುಕಿದೆ ಲೈಬ್ರರಿಯಲ್ಲಿ ಹಲವು ಪುಸ್ತಕಗಳು ಸಿಕ್ಕವು. ಅದರಲ್ಲಿ ಮಕ್ಕಳಿಗೆ ಅಂತ ಇದ್ದದ್ದು ಇದು "Lighting a Lamp: A Diwali Story (Festival Time)". ತಕ್ಷಣವೇ ಕಾದಿರಿಸಿದೆ. ಈ ಪುಸ್ತಕ ಮನೆಗೆ ತಂದಾಗಿನಿಂದ ಪುಟ್ಟಿ ಇದನ್ನು ದಿನಕ್ಕೆ ಒಂದು ಸಲವಾದ್ರೂ ತಿರುವಾಕಿದ್ದಾಳೆ.

ಅವಳು ಪುಸ್ತಕ ನೋಡುತ್ತಿರುವ ಒಂದು ವಿಡಿಯೋ...


ಇದಲ್ಲದೆ ಯೂಟ್ಯೂಬಿನಲ್ಲಿರುವ ಈ ಎರಡು ವಿಡಿಯೋ ಕೂಡ ಪುಟ್ಟಿಗೆ ಬಲು ಇಷ್ಟ.

Read More

ದೀಪಾವಳಿಯ ಶುಭಾಶಯಗಳು!!

ದೀಪವಿರಲಿ ಮನದಲಿ,

ಬೆಳಗಲಿ ಕನಸುಗಳಾ

ಕರಗಿಸಲಿ ಕತ್ತಲೆಯಾ! 

 ನಿಮಗೆಲ್ಲರಿಗೂ ಬೆಳಕಿನ ಹಬ್ಬ ದೀಪಾವಳಿಯ ಶುಭಾಶಯಗಳು!!

Read More

ಪೇಪರ್ ಲ್ಯಾಂಟರ್ನ್...

ದೀಪಾವಳಿಗೆ ಆಕಾಶಬುಟ್ಟಿ ಮಾಡಿ ಅದರೊಳಗೊಂದು ಸಣ್ಣ ದೀಪವನ್ನು ಹಚ್ಚಿ ಮನೆಯ ಮುಂದೆ ನೇತು ಹಾಕುವುದನ್ನು ಅಮ್ಮ ಹೇಳಿದ್ದನ್ನು ಕೇಳಿದ್ದೆ. ಬೆಂಗಳೂರಿನಲ್ಲಿ ಕೆಲವರು ಮನೆಯ ಮುಂದೆ ಹಾಕಿದ್ದ ಅಂಗಡಿಯಲ್ಲಿ ಸಿಗುವ ’ಬಟ್ಟೆಯ ಆಕಾಶಬುಟ್ಟಿ’ ಯನ್ನು ನೋಡೂ ಇದ್ದೆ. ಅದು ಮತ್ತೆ ಇನ್ನೂ ಕೆಲವು ದೀಪಾವಳಿಯ ಆಚರಣೆ  ನಶಿಸುತ್ತಿರುವ ಬಗ್ಗೆ ಒಂದು ಲೇಖನ ಇಲ್ಲಿ.
ಮೊನ್ನೆ ನಡೆದ ’Asian festival' ನಲ್ಲಿ ಥೈಲಾಂಡಿನವರ ಬೂತಿನಲ್ಲಿ ಮಕ್ಕಳಿಗೆ ಮಾಡಿಸುತ್ತಿದ್ದ ಪೇಪರ್ ಲ್ಯಾಂಟರ್ನ್ ಪುಟ್ಟಿ ಕೂಡ ಮಾಡಿದ್ದಳು. ಅದು ಮಾಡಲು ಬಲು ಸುಲಭ.

ಸರಿ, ನಾವೂ ಕೂಡ ನಮ್ಮ ಹಬ್ಬಕ್ಕೆ ಮಾಡೋಣ ಅಂತ ಶುರು ಮಾಡಿದೆವು. ಮೊದಲು ಮಾಡಿದ್ದು ಸರಿಯಾಗಲಿಲ್ಲ. ತಪ್ಪಾಗಿ ಕಟ್ ಮಾಡಿದೆವು. ಆದ್ರೆ ಅದನ್ನು ಅಂಟಿಸಿದಾಗ, ಅದು ಹೀಗಾಯ್ತು!

ನಂತರ ಕೆಲವನ್ನು ಮಾಡಿಯೇ ಬಿಟ್ಟೆವು...

ಕೆಲವನ್ನು ಪೈಂಟ್ ಮಾಡಿದಳು, ಕೆಲವರಲ್ಲಿ ಮಾರ್ಕರ್/ ಕ್ರಯಾನ್ಸ್ ನಿಂದ ಸಿಂಗರಿಸಿದ್ದಳು. . ಕತ್ತರಿಸುವಾಗ ಪುಟ್ಟಿಗೆ ಸಹಾಯವಾಗಲೆಂದು ಹಾಳೆ ಹಿಡಿದೆ. ಕೆಲವೊಂದು ಸ್ವಲ್ಪ ಹೆಚ್ಚಾಗಿ ಕಟ್ ಕೂಡ ಆಯ್ತು:) ಯಾವುದೂ ಪರ್ಫೆಕ್ಟ್ ಆಗಿಲ್ಲ, ಪರ್ವಾಗಿಲ್ಲ:)  ಇವುಗಳು ಈಗ ಅಡುಗೆ ಮನೆಯ ಬಾಗಿಲಲ್ಲಿವೆ!

ನೀವೂ ಕೂಡ ಮಾಡಬೇಕೆ? ಹಾಗಾದ್ರೆ ನೋಡಿ ವಿಡಿಯೋ ಇಲ್ಲಿದೆ. ಒಳಗಿನ ಪೇಪರ್ ಟ್ಯೂಬ್ ಇಲ್ಲದೆಯೂ ಮಾಡಬಹುದು.

Read More

ಪೇಪರ್ ದೀಪಗಳ ಹಾರ...

ಪುಟ್ಟಿ ಪೈಂಟ್ ಮಾಡಿರೋ ಕೆಲವು ಹಾಳೆಗಳನ್ನು ಅರ್ಧ ಸರ್ಕಲ್ ಆಗಿ ಕತ್ತರಿಸಿದೆ. ಒಂದು ಹಾ;ಎ ಪೂರ್ತಿ ಹಳದಿ ಬಣ್ಣ ಪೈಂಟ್ ಮಾಡಿಸಿ, ಅದನ್ನು 'tear shape'ನಲ್ಲಿ ಕಟ್ ಮಾಡಿ, ಮದ್ಯ ಸ್ವಲ್ಪ ಕೆಂಪು ಹಾಕಿ ದೀಪಗಳನ್ನು ಮಾಡಿದೆವು. ಅವುಗಳನ್ನು ಹಬ್ಬದ ದಿನ ಡೈನಿಂಗ್ ಟೇಬಲ್ ನಲ್ಲಿ ಹೀಗೆ ಜೋಡಿಸಿಡುವ ಇರಾದೆ ನನಗಿತ್ತು.

ಅಥವಾ ಬಾಗಿಲಿಗೆ ತೋರಣದ ತರಹ ಈ ದೀಪಗಳ ಹಾರ ಹಾಕಬಹುದಿತ್ತು!

ಆದ್ರೆ, ಪುಟ್ಟಿಯ ಐಡಿಯಾ ಬೇರೆಯಗಿತ್ತು. ಮೊನ್ನೆ ಹ್ಯಾಲೋವೀನ್ ಗೆಂದು ಮಾಡಿದ್ದ ವ್ರೆತ್ ಹಬ್ಬ ಮುಗಿದ ಮೇಲೆ ತೆಗೆದು ಹಾಕಿದ್ದೆ. ಹಾಗಾಗಿ ಅಲ್ಲಿಗೆ ಇವನ್ನು ಅಂಟಿಸಬೇಕೆಂಬ ಆಸೆ ಅವಳದ್ದು. ಕೊನೆಗೆ ಅವಳ ಆಸೆಯೇ ಸದ್ಯಕ್ಕೆ ಗೆದ್ದಿದೆ:)

Read More

ಮಲ್ಟಿ ಕಲ್ಚರ್ ಡೇ!!

ಪುಟ್ಟಿ ಶಾಲೆಯಲ್ಲಿ ನಿನ್ನೆ ಭಾನುವಾರ ’ಮಲ್ಟಿ ಕಲ್ಚರ್ ಡೇ’ ಆಚರಿಸಿದರು. ಎಲ್ಲರೂ ಅವರವರ ದೇಶದ ಉಡುಗೆ ತೊಟ್ಟು ಹೋಗಬೇಕಿತ್ತು. ಪುಟ್ಟಿ ಎಂದಿನಂತೆ ಉತ್ಸಾಹದಿಂದ ಸಿಂಗರಿಸಿಕೊಂಡು ಹೊರಟಳು. ಅಲ್ಲಿ ಎಲ್ಲಾ ಮಕ್ಕಳಿಂದ ಒಂದು ಸಣ್ಣ ಕಾರ್ಯಕ್ರಮವೂ ಇತ್ತು. ಅದರ ವಿಡಿಯೋ ತುಣುಕು.....

ನಮ್ಮ ತ್ರಿರಂಗ..

ನೆಚ್ಚಿನ ಐರೀನ್ ಜೊತೆಯಲ್ಲಿ...

ಇದಾದ ನಂತರ ಎಲ್ಲರ ಜೊತೆಗೂಡಿ ಊಟ ಮಾಡುವ ಕಾರ್ಯಕ್ರಮ. ಎಲ್ಲರೂ ಅವರವರ ದೇಶದ ಒಂದು ಅಡಿಗೆಯನ್ನು ತಂದಿದ್ದರು. ಇದೊಂದು ತರಹ ವಿಶೇಷ ಅನುಭವ!!

ನಮ್ಮ ಶ್ಯಾವಿಗೆ ಪಾಯಸ...

Read More

ಸಂಪಿಗೆ ಮರದ ಹಸಿರೆಲೆ ನಡುವೆ ..

ಚಲನಚಿತ್ರ: ಉಪಾಸನೆ (1974)

ಸಾಹಿತ್ಯ : ಆರ್.ಎನ್. ಜಯಗೋಪಾಲ್

ಸಂಗೀತ : ವಿಜಯಭಾಸ್ಕರ್
ಗಾಯನ : ಬಿ.ಕೆ. ಸುಮಿತ್ರ

ಸಂಪಿಗೆ ಮರದ ಹಸಿರೆಲೆ ನಡುವೆ ಕೋಗಿಲೆ ಹಾಡಿತ್ತು
ಚಿಕ್ಕವ್ವ....ಚಿಕ್ಕವ್ವ.....ಎನ್ನುತ ತನ್ನಾ ಗೆಳೆಯರ ಕರೆದಿತ್ತು
ಅದ ಕೇಳಿ ನಾ ಮೈ ಮರೆತೆ ಸ್ವರವೊಂದು ಆಗಲೆ ಕಲಿತೆ
ಹಾಡಿದೆ ಈ ಕವಿತೆ ನಾ ಹಾಡಿದೆ ಈ ಕವಿತೆ

ದೂರದ ಗುಡಿಯಲಿ ಪೂಜೆಯ ವೇಳೆಗೆ ಘಂಟೆಯು ಮೊಳಗಿತ್ತು
ಟಣ್ ಡಣ್ ಟಣ್ ಡಣ್......
ಎನ್ನುತ ಸೇವೆಗೆ ಎಲ್ಲರ ಕರೆದಿತ್ತು
ಅದಕೇಳಿ ನಾ ಮೈಮರೆತೆ ಸ್ವರವೊಂದು ಆಗಲೆ ಕಲಿತೆ
ಹಾಡಿದೆ ಈ ಕವಿತೆ ನಾ ಹಾಡಿದೆ ಈ ಕವಿತೆ

ಹರಿಯುವ ನದಿಯಾ ನೋಡುತ ನಿಂತೆ ಅಲೆಗಳು ಕುಣಿದಿತ್ತು
ಕಲ ಕಲ ಕಲ ಕಲ......
ಮಂಜುಳ ನಾದವು ಕಿವಿಗಳ ತುಂಬಿತ್ತು
ಅದಕೇಳಿ ನಾ ಮೈ ಮರೆತೆ ಸ್ವರವೊಂದು ಆಗಲೆ ಕಲಿತೆ
ಹಾಡಿದೆ ಈ ಕವಿತೆ ನಾ ಹಾಡಿದೆ ಈ ಕವಿತೆ

Read More

ಕನ್ನಡ ಕಲಿ ಕಂದ...

ಕನ್ನಡವಿಲ್ಲದ ಈ ಹೊರದೇಶದಲ್ಲಿ ಪುಟ್ಟಿಗೆ ಕನ್ನಡ ಕಲಿಸುವುದು ಒಂದು ಸಾಹಸವೇ ಅನ್ನೋದು ಮೊದಲಿಂದಾ ಗೊತ್ತಿದ್ದೆ ಆದರೂ ಇತ್ತೀಚೆಗೆ ಅದರ ಅರಿವಾಗುತ್ತಿದೆ. ಇಲ್ಲಿಯವರೆಗೆ ಮನೆಯಲ್ಲಿಯೇ ಇದ್ದ ಪುಟ್ಟಿ ಈಗ ವಾರಕ್ಕೆರಡು ಅರ್ಧ ದಿನ ಶಾಲೆಗೆ ಹೋಗಲು ಆರಂಭಿಸಿದ ಮೇಲೆ ಬಹಳ ಬೇಗ ’english' ಮಾತಾಡಲು ಶುರು ಮಾಡಿದ್ದಾಳೆ. ಎಷ್ಟೇ ನೆನಪು ಮಾಡಿದ್ರೂ ಅವಳು ಮೊದಲು ಮಾತಾಡೋದು ಇಂಗ್ಳೀಷಿನಲ್ಲೇ. ಅವಳ ವಯಸ್ಸಿನ ಮಕ್ಕಳೇ ನಮ್ಮ ಕನ್ನಡ ಮಾತಾಡುವ ಹಾಗೆ ಆದ್ರೆ ಅವಳಿಗೂ ಮಾತಾಡಲು ಉತ್ಸಾಹ ಬರುತ್ತೆ ಅನಿಸಿ ಕ್ಲಾಸ್ ಶುರು ಮಾಡೋಣ ಅಂದುಕೊಂಡೆ.
ಕ್ಲಾಸ್ ಶುರು ಮಾಡೋದೇನೋ ಸರಿ. ಆದ್ರೆ ಹೇಳಿ ಕೊಡೋದೇನು? ಹೇಗೆ? ಅಂತ ಬಹಳಷ್ಟು ತಲೆ ಕೆಡಿಸಿಕೊಂಡೆ. ನಾನೇ ಕನ್ನಡ ಸರಿಯಾಗಿ ಕಲಿತಿಲ್ಲ, ಇನ್ನೂ ಈ ಪುಟ್ಟ ಮಕ್ಕಳಿಗೆ ಹೇಳಿ ಕೊಡೋದು ಹೇಗಪ್ಪ... ಸರಿ, ಎಂದಿನಂತೆ 'ಗೂಗಲ್ ದೇವರ’ ಮೊರೆ ಹೋದೆ. 


ಆಗ ನಂಗೆ ಸಿಕ್ಕ ಮೊದಲ ತಾಣ ಕನ್ನಡ ಕಲಿ. ಅಲ್ಲಿಯ ಶ್ರೀ. ವಿಷ್ವೇಶ್ವರ ಅವರನ್ನು ಸಹಾಯಕ್ಕಾಗಿ ಸಂಪರ್ಕಿಸಿದಾಗ ಅವರ  ಉತ್ತರ "ಭಾಷೆ ಕಲಿಸ/ಯಲು ತಕ್ಕ ವಾತಾವರಣ ಅವಶ್ಯ. ಕನ್ನಡ ಮಾತಾಡುವವರ ಮಧ್ಯೆ ಇದ್ದರೆ, ಕನ್ನಡ ಕಿವಿಯ ಮೇಲೆ ಸದಾ ಬಿಳುತ್ತಿದ್ದರೆ ಅದು ತಾನಾಗೆ ಬರುತ್ತದೆ. ಈ ದಿಶೆಯಲ್ಲಿ, ಮನೆಯಲ್ಲಿ ಕನ್ನಡ ಮಾತಾಡುತ್ತ ಸರಿಯಾದುದನ್ನೆ ಮಾಡುತ್ತಿದ್ದೀರಿ. ಮಕ್ಕಳು ಇಲ್ಲಿ ಶಾಲೆಗೆ ಹೋಗುವ ವರೆಗೆ ಯಾವ ಸಂಕೋಚವೂ ಇಲ್ಲದೆ ಸ್ಪಷ್ಟವಾಗಿ ನಿಮ್ಮಡನೆ ಕನ್ನಡದಲ್ಲೆ ಮಾತಾಡುತ್ತಾರೆ. ಶಾಲೆಯ ವಾತಾವರಣದಲ್ಲಿ ತಾವೊಬ್ಬರೆ ಕನ್ನಡ ಮಾತಾಡುವುದನ್ನು ಕಂಡು ಕನ್ನಡ ಮಾತಾಡಲು ಹಿಂದೇಟು ಹೊಡೆಯುತ್ತಾರೆ. ನೀವು ಕನ್ನಡದಲ್ಲಿ ಪ್ರಶ್ನಿಸಿದರೂ ಉತ್ತರ ಇಂಗ್ಲೀಷಿನಲ್ಲೆ ಹೊರಬರುತ್ತದೆ. ಇದಕ್ಕೆ ಧೈರ್ಯಗುಂದದೆ ಮನೆಯಲ್ಲಿ ಕನ್ನಡ ಮಾತಾಡುವದನ್ನು ಮುಂದುವರೆಸಬೇಕು. ಸಮಾಧಾನದಿಂದ ತಿದ್ದುತ್ತ, ಅವರು ಹೇಳಿದ್ದನ್ನೆ  ಕನ್ನಡದಲ್ಲಿ ಹೇಳಿ, ಮಕ್ಕಳಿಂದ ಹೇಳಿಸಬೇಕು. ಕನ್ನಡ ಮಾತಾಡುವದು fun ಅನಿಸಬೇಕು; ಹೋರಾಟ ಬೇಡ. ಬೇರೆ ಕನ್ನಡ ಮಕ್ಕಳೊಡನೆ ಬೆರೆಯಬೇಕು. ಕನ್ನಡ ಕಲಿ ಈ ನಿಟ್ಟಿನಲ್ಲಿ ಬಹಳ ಅವಶ್ಯ. ಬೇರೆ ಕನ್ನಡ ಮಕ್ಕಳು ಕನ್ನಡ ಮಾತಾಡುವದನ್ನು ನೋಡಿ, ಅದು 'ಅಸಹಜ' ಎಂಬ ಭಾವನೆ ಬಾರದು. " ಹೀಗಿತ್ತು. 


ಅಂತೆಯೇ Kannada koota of northern california ದ ಶ್ರೀಮತಿ. ಸಂಧ್ಯಾ ಅವರನ್ನು ಸಂಪರ್ಕಿಸಿದಾಗ ಅವರು ಹೀಗೆಂದರು "ಮಕ್ಕಳಿಗೆ ಈ ಕನ್ನಡವಿಲ್ಲದ ಪರಿಸರದಲ್ಲಿ ಕನ್ನಡ ಕಲಿಸುವುದು ಒಂದು ಸಾಹಸವೇ ಸರಿ.  ಟೀ.ವಿ. ಯಲ್ಲಿ ಆಕರ್ಷಕ ಇಂಗ್ಲಿಷ್ ಕಾರ್ಯಕ್ರಮಗಳನ್ನು ನೋಡುವುದರಿಂದ ಮತ್ತು ಉಳಿದ ಮಕ್ಕಳು (ಕನ್ನಡದವರೂ) ಬರಿ ಇಂಗ್ಲಿಷಿನಲ್ಲೇ   ಮಾತನಾಡುವುದರಿಂದ ಕನ್ನಡ ಬೇಗ ಮರೆತು ಹೋಗುತ್ತದೆ. ನೀವು ಮಕ್ಕಳಿಗೆ ಕಲಿಸುವುದಾದರೆ, ನಾನು ಸಹಾಯ ಮಾಡುತ್ತೇನೆ""


ಹಾಗೆಯೇ ಕಾವೇರಿ ಕನ್ನಡ ಕೂಟದ ಶ್ರೀ ಫಣೀಂದ್ರ ಅವರು ನನ್ನನ್ನ ಅವರ ’ಕನ್ನಡ ಕಲಿಯೋಣ’ ಗುಂಪಿಗೆ ಸೇರಿಸಿಕೊಂಡರು. 


ಇವರೆಲ್ಲರ ಬೆಂಬಲ ಮತ್ತು ಹಿರಿಯರ ಆಶೀರ್ವಾದ ’ಕನ್ನಡ ಕಲಿ ಕಂದ’ ಅನ್ನೋ ಪುಟ್ಟ ಕಾರ್ಯಕ್ರಮವನ್ನ ಇನ್ನ್ಮೇಲೆ ನಮ್ಮ ಮನೆಯಲ್ಲಿ ಶುರು ಮಾಡಲು ನಿರ್ಧರಿಸಿರುವೆ. ಅದರ ಆರಂಭ ನವರಾತ್ರಿಯ ಈ ಶುಭ ಘಳಿಗೆಯಲ್ಲಿ.  

 

ಸದ್ಯಕ್ಕೆ ನಮ್ಮ ಗಮನ ಮಾತಿನ ಕಡೆಗೆ ಹೆಚ್ಚು, ಮಕ್ಕಳಿಗೆ ಕಥೆ ಹೇಳುತ್ತಾ, ಅವರ ಕೈಯಲ್ಲೇ ಹೇಳಿಸೋದು.. ಅಲ್ಲದೆ ’ವಾರಕ್ಕೊಂದು ಅಕ್ಷರ’ ಕಲಿಸೋ ಯೋಜನೆ ಅದು ಆಟದ ಜೊತೆಗೆ ಪಾಠ ಅನ್ನೋ ರೀತಿಯಲ್ಲಿ. ಇದಕ್ಕೆ ನಾನ್ಗೆ ಸ್ಪೂರ್ತಿ ಈ ತಾಣಗಳು ’Kids matter' ಮತ್ತು ’No time for flash cards'. ಇದನ್ನ ನಮ್ಮ ಕನ್ನಡ ಅಕ್ಷರಗಳಿಗೆ ಅಳವಡಿಸೋದು ಹೇಗೆ ಅನ್ನೋದು ಇನ್ನೊ ತಿಳಿದಿಲ್ಲಾ... ನೋಡೋಣ ಏನ್ ಮಾಡ್ತೀವಿ ಅಂತ... ಸದ್ಯಕ್ಕೆ ’ಅ’ ಅಕ್ಷರದ printout ಗೆ ಅಕ್ಕಿ ಕಾಳನ್ನು ಅಂಟಿಸುವುದು. ತಿನ್ನಲು ’ಅನಾನಸ್’, ’ಅನ್ನ’, ’ಅ’ ಆಕಾರದ ದೋಸೆ... ಏನಂತೀರಾ? 

ಇದಕ್ಕೆ ನಿಮ್ಮೆಲ್ಲರ ಸಹಾಯನೂ ಬೇಕು. ನಿಮಗೆ ತಿಳಿದ ಹೊಸ ಕಲಿಕಾ ವಿಧಾನಗಳನ್ನ ಹಂಚಿಕೊಳ್ಳಿ. ನಮ್ಮ ಪುಟಾಣಿಗಳಿಗೆ ಮತ್ತು ನಮಗೆ ನಿಮ್ಮ ಪ್ರೋತ್ಸಾಹ ಇರಲಿ. 

Read More

ಗಣಪನ ಹಬ್ಬ 2010 !!

                                                                    ಬೆನಕ ಬೆನಕ ಏಕದಂತ

ಪಚ್ಚೆ ಕಲ್ಲು ಪಾಣಿ ಮೆಟ್ಲು

ಮುತ್ತಿನುಂಡೆ ಹೊನ್ನಗಂಟೆ

ಒಪ್ಪುವ ಶ್ರೀ ವಿಘ್ನೇಶ್ವರನಿಗೆ

21 ನಮಸ್ಕಾರಗಳು !

ಈ ನಮ್ಮ ಗಣಪನ ಮೆಚ್ಚಿ ಶೃತಿಯವರು ತಮ್ಮ ಬ್ಲಾಗಿನಲ್ಲಿ ಅವರು ಪ್ರತಿ ತಿಂಗಳೂ ನಡೆಸುವ ಸ್ಪರ್ಧೆಗೆ ಸೇರಿಕೊಂಡಿದ್ದರು, ನಮಗೆ ಬಹುಮಾನನೂ ಕೊಟ್ಟಿದ್ದಾರೆ. ಜೊತೆಗೆ ಮತ್ತಷ್ಟು ಬಹುಮಾನ ಕೊಡುತ್ತಿರುವ ವಿನುತಾ ಅವರಿಗೂ ವಂದನೆಗಳು!

Read More

ತೆಂಗಿನಕಾಯಿ ಚಿಪ್ಪು ಪೈಂಟಿಂಗ್

ಗಣಪನ ಹಬ್ಬಕ್ಕೆ ತಂದಿದ್ದ ತೆಂಗಿನಕಾಯಿ, ಗಣಪತಿಗೆ ಅರ್ಪಿಸಿ ಹಬ್ಬ ಮಾಡಿದಾಯ್ತು. ಅದರ ಚಿಪ್ಪನ್ನು ಎಸೆಯುವ ಬದಲು ಪುಟ್ಟಿ ಕೈಯಲ್ಲಿ ಏನಾದ್ರೂ ಮಾಡಿಸೋಣ ಅಂತ ಇಟ್ಟಿದ್ದೆ. ಪುಟ್ಟಿಗೆ ಪೈಂಟ್ ಮಾಡೋಣವಾ ಅಂದಿದ್ದೆ ತಡ ಹೂಂ ಅಂತ ಕುಣಿದಾಡಿದ್ಲು. ಮೊದಲು ಚಿಪ್ಪಿಗೆ ಅವಳು ಕೇಳಿದ ಹಳದಿ ಬಣ್ಣ ಹಚ್ಚಿದಳು. ಎಷ್ಟೇ ನಾರು ತೆಗೆದರೂ ಅದರ ಮೇಲೆ ಬಣ್ಣ ಹಚ್ಚುವುದು ಪುಟ್ಟಿಗೆ ಸ್ವಲ್ಪ ಕಷ್ಟವೇ ಆಯ್ತು, ಅಮ್ಮ ಇದು ಕಟ್ಟಿ ಅನ್ನುತ್ತಲೇ ಮಾಡಿದ್ಲು. ಕೊನೆಗೆ ಅಲ್ಲಲ್ಲಿ ಉಳಿದ ಗ್ಯಾಪ್ ಅನ್ನು ನಾನು ತುಂಬಿದೆ.

ಇದಕ್ಕೆ ಎರಡು ಸರ್ತಿ ಬಣ್ಣ ಹಚ್ಚಿದಾಯ್ತು. ಅಂತೂ ಒಂದು ಇಡೀ ದಿನ ಇದೇ ಆಯ್ತು :) ಆ ಹಳದಿ ಚಿಪ್ಪು ನೋಡಿ ಅದನ್ನು "bee" ಮಾಡಬಹುದು ಅನ್ನಿಸಿ, ಅದಕ್ಕೆ ಕಪ್ಪು ಬಣ್ಣದ ಗೆರೆಗಳನ್ನು ಹಾಕಿಕೊಟ್ಟೆ ಪುಟ್ಟಿ ಅದರ ಮೇಲೆ ಪೈಂಟ್ ಮಾಡಿದ್ಲು. ಕೊನೆಗೆ ಅದಕ್ಕೆ ’googly eye' ಅಂಟಿಸಿದೆವು.

ನಮ್ಮ ’bee' ಪುಟ್ಟಿಗೆ ಇಷ್ಟವಾದದ್ದನ್ನು ನೋಡಿ ಮತ್ತೊಂದು ಚಿಪ್ಪನ್ನೂ ಪೈಂಟ್ ಮಾಡಲು ಮನಸಾಯ್ತು. ಅದಕ್ಕೆ ಕೆಂಪು ಬಣ್ಣ ಹಾಕಿ, ದುಂಡನೆ ಸ್ಪಾಂಜ್ ಬ್ರಷ್ ನಿಂದ ಕಪ್ಪು ಚುಕ್ಕಿ ಇಟ್ಟು ’Lady bug' ಮಾಡಿದ್ವಿ!!

ಇದೇ ಸಮಯಕ್ಕೆ ಆ ವಾರ ಲೈಬ್ರರಿಯಿಂದ ನಾವು ತಂದು ಓದಿದ ಪುಸ್ತಕಗಳಿವು... The Grouchy Ladybug,   Honeybee's Busy Day

Read More

ಕಣ್ಣಾ ಮುಚ್ಚೆ ಕಾಡೆ ಗೂಡೆ...

ಕಣ್ಣಾ ಮುಚ್ಚೆ ಕಾಡೆ ಗೂಡೆ
ಉದ್ದಿನ ಮೂಟೆ ಉರುಳಿ ಹೋಯ್ತು
ನಿಮ್ಮಯ ಹಕ್ಕಿ ಬಚ್ಚಿಟ್ಟ್ ಕೊಳ್ಳಿ

ನಮ್ಮಯ ಹಕ್ಕಿ ಬಿಟ್ಟೇ ಬಿಟ್ಟೇ!

ಈ ಹಾಡಿನ ಬಗ್ಗೆ ಹಿಂದೆ ನನ್ನ ಬ್ಲಾಗಿನಲ್ಲಿ ಬರೆದಿದ್ದೆ...

Read More

ABC ಆಟ!!

A for Apple, B for Ball ಕಲಿಯಲು ಪುಟ್ಟಿ ಜೊತೆ ಮನೆಯಲ್ಲಿ ನಾವು ಆಡೋ ಕೆಲವು ಆಟಗಳಿವು......

ಆಟ ಒಂದು:

ಅಕ್ಷರಗಳ ಕಾರ್ಡ್ಸ್ ಪುಟ್ಟಿಗೆ ಕೊಡೋದು... ಪುಟ್ಟಿಯ ಆಟದ ವಸ್ತುಗಳು ಜೊತೆಗೆ ಮನೆಯಲ್ಲಿರುವ ಯಾವುದೇ ಪುಟ್ಟ ದೊಡ್ಡ ಸಾಮಾನುಗಳನ್ನು ಒಂದೆಡೆ ಕಲೆ ಹಾಕೋದು. ಆಮೇಲೆ ಒಂದೊಂದಾಗಿ ಅವುಗಳ ಹೆಸರನ್ನು ಹೇಳೋದು. ಪುಟ್ಟಿ ball ಅಂದ್ರೆ ನಾವು ಕರೆಕ್ಟ್ ಪುಟ್ಟಿ bbbbbball ಅನ್ನೋದು ಜೊತೆಗೆ ಅದು ಶುರುವಾಗುವ ಅಕ್ಷರವನ್ನ ಗುರುತಿಸೊಕೆ ಪ್ರಯತ್ನಿಸೋದು. ಪುಟ್ಟಿಗೆ ಈಗಾಗಲೇ ಎಲ್ಲಾ ಅಕ್ಷರಗಳ ಸೌಂಡ್ ಗೊತ್ತಿರುವುದರಿಂದ ಇದು ಸ್ವಲ್ಪ ಸುಲಭ. ಮೊದಲ ಕೆಲವು ಸರ್ತಿ ಅವಳಿಗೆ ಇನ್ನೂ ಆಟ ಆರ್ಥವಾಗದೇ ಇದ್ದಾಗ ನಾವೇ ಅವಳಿಗೆ "ball , bbb ಸೌಂಡ್ ಮಾಡೋದು ಏನು"? ಅಂತ ಹಿಂಟ್ ಕೊಟ್ಟು ಸಹಾಯ ಮಾಡ್ತಾಯಿದ್ವಿ. ಅವಳು "b" ಅಂತ ಗುರುತಿಸದ ಮೇಲೆ ball ಅನ್ನು ’b' ಕಾರ್ಡ್ ಮೇಲಿಡುವುದು. ಹೀಗೆ ಎಲ್ಲಾ ವಸ್ತುಗಳನ್ನೂ ಮಾಡಿ ಮುಗಿಸೋದು.

ಆಟ ಎರಡು:

Alphabet matching treasure hunt

ಒಂದು ಅಕ್ಷರದ ಕಾರ್ಡ್ ಹಿಡಿದು ಆ ಅಕ್ಷರದಿಂದ ಶುರುವಾಗುವ ಎಲ್ಲಾ ವಸ್ತುಗಳನ್ನು ಗುರುತಿಸುತ್ತಾ ಮನೆಯಲ್ಲೆಲ್ಲಾ ಓಡಾಡೋದು. ಹೀಗೆ ಮಾಡುತ್ತಾ ಮೊದಲಿನ ಆಟದಲ್ಲಿ ಉಪಯೋಗಿಸಲಾಗದ ದೊಡ್ಡ ವಸ್ತುಗಳನ್ನೂ ಇಲ್ಲಿ ಕಲಿಯಬಹುದು. (ಉದಾ- Television, Bed, Table....)

ಆಟ ಮೂರು:

ನಾನು ಅಡುಗೆ ಮನೆಯಲ್ಲಿ ಕೆಲಸ ಮಾಡುವಾಗ ಅಥವಾ ಇನ್ನೇನೋ ಮಾಡುವಾಗ ಪುಟ್ಟಿಗೆ ಈ ಆಟ ಆಡಬೇಕು ಅನಿಸಿದರೆ ಆಗ ಆಡೋದು ಹೀಗೆ. "ಪುಟ್ಟಿ ಈಗ ನಿನ್ನ ಆಟ ಸಾಮಾನಿಂದ B ನಿಂದ ಶುರುವಾಗುವ ಆಟಿಕೆ ತಗೊಂಡುಬಾ" ಅಂದ್ರೆ ಅವಳು ಹೋಗಿ ’Ball' ಅಥ್ವಾ ’Bunny' ತರಬೇಕು.

ಆಟ ನಾಲ್ಕು:

ಪುಟ್ಟಿಗೆ "I Spy" ಬುಕ್ಸ್ ತುಂಬಾ ಇಷ್ಟ , ಅದನ್ನು ನಾವು abc ಕಲಿಯಲು ಹೀಗೆ ಮಾಡ್ತೀವಿ. ಮೊದಲ ಆಟದಂತೆ ಹಲವು ಸಾಮಾನು ಒಂದೆಡೆ ಹಾಕಿಕೊಂಡು "I spy something that begins with the "b" sound" ಅನ್ನೋದು. ಪುಟ್ಟಿ ಆಗ ball ತೋರಿಸೋದು:)

೧. ನಾನಿಲ್ಲಿ ಅಂಗಡಿಯಲ್ಲಿ ಸ್ಯಾಂಪಲ್ ಗೆಂದು ಇಟ್ಟಿರುವ paint chips ಕಾರ್ಡ್ ಮೇಲೆ ABC - capital and lower case ಬರೆದಿರುವೆ. ಇದರ ಬದಲು ನೀವು ಪ್ರಿಂಟ್ ಕೂಡ ಮಾಡ ಬಹುದು.

೨. ಕೆಲವೊಮ್ಮೆ, ಪುಟ್ಟಿಯ ರೂಮಿನ alphabet matನ ಅಕ್ಷರಗಳನ್ನು ಕೂಡ ಬಳಸುತ್ತೇವೆ.

೩. Magnetic alphabets ಕೂಡ ಬಳಸ ಬಹುದು

೪. ಅಂಗಡಿಯಲ್ಲಿ ಸಿಗುವ alphabet flash cards ಕೂಡ ಉಪಯೋಗಿಸಬಹುದು.

Read More

ಕೈ-ಕಾಲು ಪೈಂಟ್

ಇವತ್ತು ಏನ್ ಪೈಂಟ್ ಮಾಡೋಣ ಪುಟ್ಟಿ? ಅಂತ ಕೇಳಿದ್ರೆ "ಕೈ ಮಾಡೋಣ ಅಮ್ಮ" ಅಂದ್ಲು. ಹಾಗಂದ್ರೇನು ಅಂತ ಗೊತ್ತಾಗದೆ ಅದು ಹೆಂಗೆ ಮಾಡೋದು ಅಂದೆ? "ಅಕ್ಕ ಕೈ ಮಾಡಿ ಸ್ಪೈಡರ್ ಮಾಡ್ತಾರಲ್ಲ ಹಾಗೆ" ಅಂದ್ಲು ಅವಳು ನೋಡುವ ಬಾರ್ನಿ ಕಾರ್ಟೂನ್ ನೆನದು. ಆಗ ಅರ್ಥವಾಯ್ತು ಅವಳು ಹೇಳಿದ್ದು ಕೈ ಟ್ರೇಸ್ ಮಾಡೋಣ ಅಂತ. ಸರಿ, ಅವಳ ಎರಡೂ ಕೈಗಳನ್ನ ಪೇಪರ್ ಮೇಲಿಟ್ಟು ಸುತ್ತ ಪೆನಿನಲ್ಲಿ ಬರೆದೆ, ಪೆನ್ ಕೈಗೆ ತಾಗಿದಾಗಲೆಲ್ಲ ಕಚಗುಳಿ ಕೊಟ್ಟಂತಾಗಿ ನಗುತ್ತಿದ್ದಳು. ಬಳೆಗಳನ್ನೂ ಮಾಡುವಂತೆ ಹೇಳಿದ್ಲು, ಬರೆದೆ.

ಮುಂದೇನು? ಅಂತ ಯೋಚಿಸ್ತಾಯಿದ್ರೆ ಪುಟ್ಟಿ “ಅಮ್ಮ ನೇಲ್ಸ್ ಬರ್ದಿಲ್ಲ ನೀನು ಹ್ಹಹ್ಹ ಅಮ್ಮ ಮರ್ತೋಯ್ತು ಹ್ಹಹ್ಹ” ಅಂತ ನಗುತ್ತ ನೆನಪಿಸಿದ್ಲು. ಸರಿ, ಉಗುರು ಬರೆದಿದ್ದು ಆಯ್ತು, ಅದಕ್ಕೆ ಬಣ್ಣ ಹಾಕೋಣವಾ ಅಂದೆ, ಹೂಂ ಆಂಟಿ ಹಾಕ್ತಾರೆ ಹಂಗೆ ಮಾಡೋಣ ಅಂದ್ಲು. ಎಲ್ಲಿ ಯಾವ ಆಂಟಿ ಕೈ ನೋಡಿದ್ಲೋ ಗೊತ್ತಿಲ್ಲ. ಅಂತು ನೋಡಿದ್ದೆಲ್ಲಾ ಆ ಪುಟ್ಟ ತಲೆಯಲ್ಲಿ ನೆನಪಿರುತ್ತೆ ಅಂತ ತಿಳೀತು.

ಆಮೇಲೆ ಕಾಲು ಮಾಡೋಣ ಅಂತ ಅದನ್ನೂ ಮಾಡಿಸಿಕೊಂಡಳು. ಅದಕ್ಕೆ ಉಗುರುಬಣ್ಣ ಹಾಕಿ ಮೆಹಂದಿಯನ್ನೂ ಹಾಕಿದ್ವಿ (ಯಾವಾಗಲೋ ಸೇವ್ ಮಾಡಿಟ್ಟುಕೊಂಡಿದ್ದ ಕೆಲವು ಮೆಹಂದಿ ಡಿಸೈನ್ ಗಳನ್ನ ಮೊನ್ನೆ ಪುಟ್ಟಿಗೆ ತೋರಿಸಿದ್ದೆ, ಅದರ ಪರಿಣಾಮವಿರ ಬಹುದು).

ಅದೇ ಮೆಹಂದಿ ಡಿಸೈನ್ ಕೈಗೂ ಮಾಡೋಣ ಅಂತ ಮತ್ತೊಮ್ಮೆ ಮಾಡಿದ್ವಿ.

ನನ್ನ ಕೈ ಕಾಲುಗಳನ್ನ ಪುಟ್ಟಿ ಟ್ರೇಸ್ ಮಾಡಿದ್ದು ಹೀಗೆ.

Read More

Hand Ankle..

ಪುಟ್ಟಿ ಸ್ಕೂಲಿಗೆ ಹೋಗೊಕೆ ಶುರು ಮಾಡಿದಾಗಿನಿಂದ ಮನೆಯಲ್ಲೂ ಆಗಾಗ್ಗೆ ಸ್ವಲ್ಪ ಇಂಗ್ಲೀಷ್ ಮಾತಾಡೋಕೆ ಶುರು ಮಾಡಿದ್ದಾಳೆ, ಆಗೆಲ್ಲಾ ನಾವು"ಹಾಗಂದ್ರೇನು?" ಅಥವಾ "ಕನ್ನಡದಲ್ಲಿ ಅದನ್ನ ಹೇಗೆ ಹೇಳೋದು" ಅಂತ ಅವಳನ್ನು ಮತ್ತೆ ನಮ್ಮ್ ಕನ್ನಡ ಮಾತಾಡೋಕೆ ನೆನಪಿಸುತ್ತೀವಿ. ಇತ್ತೀಚೆಗೆ ಅವಳಿಗೆ ಸಣ್ಣದೊಂದು ಏನೆ ತಗುಲಿದರೂ ಬಂದು "ಉಫ್" ಮಾಡಿಸಿಕೊಳ್ಳೊ ಆಟ ಶುರುವಾಗಿದೆ.

ಇವತ್ತು ಆಟವಾಡುತ್ತಿದ್ದವಳು ಅಡುಗೆ ಮನೆಗೆ ನನ್ನ್ ಹತ್ರ ಓಡಿ ಬಂದು "ಅಮ್ಮ, My Hand Ankle hurt ಆಯ್ತು, ಉಫ್ ಮಾಡು" ಅಂದ್ಲು. "Hand Ankle" ಹಾಗಂದ್ರೇನು ಪುಟ್ಟಿ ನಂಗೆ ಅರ್ಥ ಆಗ್ಲಿಲ್ಲಾ ಅಂದೆ. ಅದಕ್ಕವಳು ತನ್ನ ಬಲಗೈ ಮಣಿಗಂಟನ್ನ ತೋರ್ಸಿ ಇಲ್ಲಿ ಉಫ್ ಮಾಡು ಅಂದ್ಲು. ನಾನು " ಪುಟ್ಟಿ ಇದು ’wrist' .. ankle ಅಂದ್ರೆ ಕಾಲಲ್ಲಿ ಇರೋದು ಅಂದೆ. ಅದಕ್ಕವಳು "ಹೂಂ, (ಕಾಲನ್ನು ತೋರಿಸುತ್ತಾ) ಅದು leg ankle, ಇದು (ಕೈ ತೋರಿಸುತ್ತಾ_ hand ankle ಅಂದ್ಲು!!!

Read More

ಪುಟ್ಟಿ ಆರ್ಟ್ ಗೋಡೆ ಮೇಲೆ

ಇತ್ತೀಚೆಗೆ ನಾನು ನೋಡಿದ ಹಲವಾರು kids art ಬ್ಲಾಗ್ ಗಳಲ್ಲಿ "ದ ಆರ್ಟ್ ಫುಲ್ ಪೇರಂಟ್" ಬಹಳ ಇಷ್ಟವಾಯ್ತು. ಅವರು ತಮ್ಮ ಮಗಳ ಬಹುತೇಕ ಎಲ್ಲಾ ಪೇಂಟಿಂಗ್ಸ್ ಗಳನ್ನು ಉಳಿಸಿಕೊಂಡಿದ್ದಾರೆ. ಅಲ್ಲದೆ ಕೆಲವನ್ನು ಫ್ರೇಮ್ ಕೂಡ ಮಾಡಿರಿವುದನ್ನು ಕಂಡು ಆಶ್ಚರ್ಯ ಸಂತಸ ಎರಡೂ ಆಯ್ತು. ಫ್ರೇಮ್ ಹಾಕಿಸಿದ ಪೇಂಟ್ಸ್ ಯಾವುದೋ ಫೇಮ್ಸ್ ಕಲೆಗಾರನ ಮಾಡ್ರನ್ ಆರ್ಟ್ ನಂತಿತ್ತು!!
ಪುಟ್ಟಿ ಮಾಡಿದ ಪೈಂಟಿಂಗ್ಸ್ ನಲ್ಲಿ ಚೆಂದ (ನನ್ನ ಕಣ್ಣಿಗೆ ಚೆಂದ) ಅನಿಸಿದ ಕೆಲವನ್ನು ಮಾತ್ರ ಎತ್ತಿಟ್ಟು ಮಿಕ್ಕ ಹಲವಾರನ್ನು ಬಿಸಾಡಿದ್ದೇನೆ, ಬೇಸರವಾಯ್ತು. Atleast ಅವುಗಳ ಫೋಟೋನಾದ್ರು ಕ್ಲಿಕ್ಕಿಸಿಟ್ಟುಕೊಳ್ಳಬಾರದಿತ್ತೇ ಅನಿಸಿತು. ಜೊತೆಗೆ ಅವುಗಳನ್ನು ಮನೆಯ ಫ್ರಿಡ್ಜ್ ಗೆ ನೇತು ಹಾಕೋದು ಬಿಟ್ಟು ಹೆಚ್ಚೇನೂ ಮಾಡಿಲ್ಲಾ :(

ಜೇನ್ ಅವರೇ ತಮ್ಮ ಬ್ಲಾಗಿನಲ್ಲಿ ಮಕ್ಕಳ ಆರ್ಟ್ ಅನ್ನು ಚೆಂದವಾಗಿ ಪ್ರದರ್ಶಿಸುವ ಹಲವಾರು ರೀತಿಗಳನ್ನು ತೋರಿಸಿದ್ದರು. ಅಲ್ಲದೆ ನಾನು ಅಂತರ್ಜಾಲದಲ್ಲಿ ಹುಡುಕಿದಾಗ ಇನ್ನೂ ಹಲವಾರು ಉಪಾಯಗಳು ಹೊಳೆದವು. ಆದ್ರೆ ಬಾಡಿಗೆಯ ಆಪಾರ್ಟ್-ಮೆಂಟಿನಲ್ಲಿ ಮೊಳೆ ಹೊಡೆಯೋದು ಹೇಮಂತ್ ಗೆ ಇಷ್ಟವಿಲ್ಲ, ಆದ್ರೂ ಅವಳ ರೂಮಿನ ಒಂದು ಗೊಡೆಯನ್ನು ಅವಳ ಪೈಂಟಿಂಗ್ಸ್ ಗಾಗಿ ಮೀಸಲಿಡಲು ನಿರ್ಧರಿಸಿದೆ. ಮಕ್ಕಳ ಕಲೆಯನ್ನು ಪ್ರದ್ರಶಿಸುವುದರಿಂದ ಅವರಲ್ಲಿ ಆತ್ಮವಿಶ್ವಾಸ ಹೆಚ್ಚುವುದು.

ಸರಿ, ಮೊದಲಿಗೆ ಪೈಂಟ್ಸ್ sheet protectorsನಲ್ಲಿ ಹಾಕಿ ಗೋಡೆಗೆ ಟೇಪ್ ಮಾಡಿದೆ...

ಪುಟ್ಟಿಗೆ ಬಹಳ ಖುಶಿ ಆಯಿತಾದ್ರೂ, ನಂಗೆ ಅದು ಅಷ್ಟು ಚೆಂದ ಕಾಣಿಸಲಿಲ್ಲ. ಸರಿ, ಒಂದು ಅಗಲವಾದ ಬಟ್ಟೆಗೆ ಹಲವು sheet protectorಗಳನ್ನು ಹೊಲೆದು ಅದನ್ನು ಗೋಡೆಗೆ ಪಿನ್ ಮಾಡಿದೆ. 
ಇದಕ್ಕೊಂದು ಚೆಂದದ ಬಾರ್ಡರ್(ಪುಟ್ಟಿಯ ಆಯ್ಕೆಯ) ತಂದು ಅಂಟಿಸಿದೆವು. 

ಆಮೇಲೆ ಅದಕ್ಕೊಂದು ಬೋರ್ಡ್ ಹಾಕಬೇಕೆನಿಸಿತು. ಸರಿ, ಮನೆಯಲ್ಲಿದ್ದ ಖಾಲಿ cerealsನ ಡಬ್ಬಕ್ಕೆ ಪುಟ್ಟಿಗೆ ಪೈಂಟ್ ಮಾಡಲು ಹೇಳಿದೆ (ಗೆರೆಗಳನ್ನು ಬರೆಯಲು ಹೇಳಿದೆ). 

ನಂತರ ಅದನ್ನು ಬೇಕಾದ ಅಳೆತೆಗೆ ಕತ್ತರಿಸಿದೆ. ಬಿಳಿಯ ಹಾಳೆಯ ಮೇಲೆ "Putti's Art"ಯಲ್ಲಿನ ಒಂದೊಂದೇ ಅಕ್ಷರಗಳನ್ನು ಪುಟ್ಟಿಗೆ ಬರೆಯಲು ಹೇಳಿ ಅದನ್ನು ನಾನು ನಂತರ ಸ್ವಲ್ಪ ಗ್ಯಾಪ್ ಬಿಟ್ಟು ಕತ್ತರಿಸಿ(ಬಿಳಿ ಹಾಳೆ ಕಾಣುವಂತೆ ಕತ್ತರಿಸಿ) ಬಣ್ಣದ ಬೋರ್ಡಿಗೆ ಅಂತಿಸಿದೆವು:)

ಪುಟ್ಟಿ, ಈಗ ಮನೆಗೆ ಬಂದವರನೆಲ್ಲಾ ತನ್ನ ರೂಮಿಗೆ ಕರೆದು ಇದನ್ನು ತೋರಿಸಿ ತಾನೇ ಮಾಡಿದ್ದು ಅಂತ ಹೇಳಿ ಕೊಳ್ತಾಳೆ. ಇನ್ನ್ಮೇಲೆ ತಿಂಗಳಿಗೊಮ್ಮೆ ಇದರಲ್ಲಿನ ಪೈಂಟ್ಸ್ ಗಳನ್ನ ಬದಲಾಯಿಸುತ್ತೇವೆ!

Read More

ಪುಟ್ಟಿ ಶಾಲೆಗೆ ಹೊರಟಳು

ಪುಟ್ಟಿಯ ಅಜ್ಜಿ ತಾತ ವಾಪಸ್ ಇಂಡಿಯಾಕ್ಕೆ ಹೋದಮೇಲೆ, ಮತ್ತೆ ಪುಟ್ಟಿಯ ಜೊತೆ ಆಟವಾಡುವವರು ಕಮ್ಮಿಯಾದ್ರು. ವಾರಾಂತ್ಯದಲ್ಲಿ ನಡೆಯುವ ಪಾರ್ಟಿಗಳಲ್ಲಿ ೨-೩ ಘಂಟೆಗಳ ಕಾಲ ಬೇರೆ ಮಕ್ಕಳೊಡನೆ ಬೆರೆಯುವುದು ಅಷ್ಟೆ!
ಹಾಗಾಗಿ ಪುಟ್ಟಿಯನ್ನ ’Preschool'ಗೆ (ಅಂದ್ರೆ ನಮ್ಮಲ್ಲಿ ನರ್ಸರಿ ಅಂತಾರಲ್ಲ ಹಾಗೆ) ಸೇರಿಸಿದ್ವಿ. ಅಲ್ಲಿ ABCD ಇಲ್ಲ...ಬರಿ ವ್ಯಕ್ತಿತ್ವ ವಿಕಸನ, ಮಕ್ಕಳನ್ನ ಅವರ ಅಭಿರುಚಿಗೆ ಅನುಗುಣವಾಗಿ ಬೆಳೆಸುತ್ತಾರೆ. ಹೊರೆಯಲ್ಲದ ಶಾಲೆ (ನಮ್ಮ ಜೇಬಿಗೆ ಹೊರೆಯೇ.. ವಾರಕ್ಕೆ ಎರಡು ಅರ್ಧ ದಿನಗಳು ಪುಟ್ಟಿ ಹೋಗೋದು ಅದಕ್ಕೆ ತಿಂಗಳ ಫೀ $240) ಮಕ್ಕಳು ಆಡಿದ್ದೇ ಆಟ,ಕಲಿತಿದ್ದೇ ಪಾಟ.
ಮೊದಲು ಒಂದೆರೆಡು ಕಡೆ ಹೋಗಿ ನೋಡಿಕೊಂಡು ಬಂದೆವು, ಆಗ ಪುಟ್ಟಿನೂ ಜೊತೆಗಿದ್ದಳು. ಅಲ್ಲಿ ಮಕ್ಕಳನ್ನ ನೋಡಿ ಅಲ್ಲಿಂದ ಬರಲು ಸುತಾರಮ್ ಇಷ್ಟವಿಲ್ಲ ಅವಳಿಗೆ. ಪ್ರತಿ ಸರ್ತಿಯೂ ಅಳುತ್ತಲೇ ಮನೆಗೆ ಬಂದಿದ್ದಳು. ಸರಿ, ಅಂತೂ ಅವಳು ಶಾಲೆಗೆ ಹೋಗೋ ದಿನ ಬಂದೇ ಬಿಡ್ತು. ಅವಳೋ ಭಾರಿ ಸಂಭ್ರಮದಿಂದ ರೆಡಿಯಾಗಿ ಹೊರಟಳು. ಅಲ್ಲಿ ಕೂಡ ಕೊಂಚವೂ ಬೆಸರಿಸದೆ "ಬಾಯ್ ಅಮ್ಮ, ಬಾಯ್ ಅಪ್ಪ" ಅಂತ ಇಬ್ಬರಿಗೂ ಟಾಟಾ ಮಾಡಿದಳು. ಮೊದಲ ಬಾರಿ ಸತತ ನಾಲ್ಕು ಘ೦ಟೆ ಪುಟ್ಟಿಯನ್ನು ಬಿಟ್ಟಿರುತ್ತಿದ್ದೇನಲ್ಲಾ ಎನ್ನುವ ತಳಮಳ. ಇಂಗ್ಳೀಷ್ ಬರದ ನನ್ನ ಪುಟ್ಟಿ ಅಲ್ಲಿ ಕಷ್ಟ ಪಡಬಹುದು ಎಂದೆಣಿಸಿದ್ದೆ. ಶಾಲೆಯ ಹೆಡ್ ಮಿಸ್ ಈ ವಯಸ್ಸಿನ ಮಕ್ಕಳ ಜೊತೆ ಮಾತಾಡಲು ’ಆಟ’ದ ಭಾಷೆ ಸಾಕು ನಾಮ್ಗೆ ಚಿಂತಿಸ ಬೇಡಿ ಅಂತ ಧೈರ್ಯ ಕೊಟ್ಟರು, ಆದ್ರೂ ಯಾಕೋ ಸಮಾಧಾನವಿರಲಿಲ್ಲ. ಅವಳ ಕ್ಲಾಸ್ ಟೀಚರಿಗೆ(ಐದು ಮಕ್ಕಳಿಗೆ ಒಬಾಕೆ ಟೀಚರ್) ಇವಳು pee, water, food...ಇವುಗಳಿಗೆ ಹೇಳೋ ಪದಗಳನ್ನು ಬರೆದು ಕೊಟ್ಟು ಬಂದೆ.
ಮೊದಲ ದಿನ ಆ ನಾಲ್ಕು ಘಂಟೆಗಳು ಕಳೆಯುವುದು ನಂಗೆ ಬಹಳ ಕಷ್ಟವಾಯ್ತು. ಸರಿ, ಘಂಟೆ ಒಂದಾಗುತ್ತಲೇ ಶಾಲೆಗೆ ಹೋದ್ರೆ ಪುಟ್ಟಿ ಎಲ್ಲರೊಡನೆ ಖುಶಿಯಾಗಿ ಆಟವಾಡುತ್ತಿದ್ದಳು. ಮನೆಗೆ ಹೋಗೋಣ ಬಾರೆ ಪುಟ್ಟಿ ಅಂದ್ರೆ ಜೋರಾಗಿ ಅಳೋಕೆ ಶುರು ಮಾಡಿದ್ಲು, ಅವಳ ಮಿಕ್ಕ ಫ್ರೆಂಡ್ಸ್ ಅಲ್ಲಿ ಫುಲ್ಲ್ ಡೇ ಇದ್ದರಲ್ಲ ಅದಕ್ಕೆ .. ಜೊತೆಗೆ ಮುಂಚಿನ ಹಾಗೆ ಸ್ಕೂಲ್ ನೋಡಲು ಹೋದ ಹಾಗೆನೇ ಇವತ್ತು ಅಂದುಕೊಂಡಲೋ ಏನೊ ಅಳುತ್ತಲೇ ಬಂದ್ಲು!!
ಶಾಲೆ ಈಗ ನಮ್ಮ ದಿನನಿತ್ಯದ ಜೀವನವಾಗಿದೆ, ಬೆಳಗ್ಗೆ ಸ್ಕೂಲಿದೆ ಅಂದ್ರೆ ಸಾಕು ಯಾವುದೇ ಗಲಾಟೆಯಿಲ್ಲದೆ ರೆಡಿಯಾಗುತ್ತಾಳೆ. ಮದ್ಯಾಹ್ನ ವಾಪಸ್ ಕರೆತರ್ರ್ಲಲು ಹೋದಾಗ ತಾನು ಮತ್ತೆ ಶಾಲೆಗೆ ಬರುತ್ತೇನೆ ಅನ್ನುವ ನಂಬಿಕೆ ಬಂದಿದೆ ಹಾಗಾಗಿ ನಗುತ್ತಲೇ ಮನೆಗೆ ಬರುತ್ತಾಳೆ:) ಶಾಲೆಯಲ್ಲಿ ಊಟ ಒಂದು ಬಿಟ್ಟು ಇನ್ನೇಲ್ಲಾ ಚೆನ್ನಾಗಿಯೇ ಮಾಡುತ್ತಾಳೆ

Read More