Wednesday, January 02, 2013

ಮತ್ತೆ ಬಂತು ಸಂಕ್ರಾಂತಿ...

ಸಂಕ್ರಾಂತಿ Sankranti Pongal
ಮತ್ತೆ ಬಂತು ಸಂಕ್ರಾಂತಿ
ಎಳ್ಳು ಬೆಲ್ಲದ ಜೊತೆಯಲ್ಲಿ
ದುಡಿಮೆಯ ಮುಗಿಸಿದ
ಸಂಭ್ರಮ ರೈತನ ಮುಖದಲ್ಲಿ

ಗುಡ್ಡೆಯ ಸಾಲು ಹೊಲದಿ
ಧಾನ್ಯ ಧವಸ ಕಾಳು
ಉದ್ದನೆ ಕಬ್ಬಿನ ಜಲ್ಲೆ
ಆಯ್ತು ಸಮ ಸಮ ಪಾಲು

ಜೋಡಿ ಎತ್ತಿಗೆ ಸಿಂಗಾರ
ಚೆಂದದ ಚಕ್ಕಡಿ ಜೊತೆಗೆ
ಹಳ್ಳಿಯ ವಾಹನ ಅದುವೆ
ಎಲ್ಲ ರೈತರ ಮನೆಗೆ

ಚಿಣ್ಣರಿಗೆಲ್ಲಾ ಸಂಜೆಗೆ ಆರತಿ
ಅಜ್ಜಿಯ ಹರಕೆಯ ಹಾಡು
ಸಂಕ್ರಾಂತಿ ಅಂದರೆ
ಸಂತಸ, ಸಂಭ್ರಮ ಗೂಡು

--ಎಸ್. ಆರ್. ಸತ್ಯ ಕುಮಾರ್