Saturday, May 23, 2009

ಅ ಅ ಇ ಈ...

ಪುಟ್ಟಿಗೆ ಮೊದಲಿಂದ ಬಣ್ಣ ಬಣ್ಣದ ಚಿತ್ರಗಳಿರೋ ಬುಕ್ ಅಂದ್ರೆ ಬಲು ಇಷ್ಟ. ನಾನು ಅವಳಿಗೆ ಓದಿ ಹೇಳಲು ಹೋದ್ರೆ ಕಿತ್ಕೊಂಡು ತಾನೆ ಓದೊ ಹಾಗೆ ನಟಿಸೋಳು. ಮಾತಾಡೋದು ಕಲಿತ ಮೇಲೆ ಅವಳು ಬುಕ್ ಹಿಡಿದಾಗ ಅಥವಾ ಪೆನ್/ಪೆನ್ಸಿಲ್ ಹಿಡಿದು ಗೀಚುವಾಗ ಏನು ಓದ್ತಾಯಿದ್ದೀಯಾ/ಬರಿತಾಯಿದ್ದೀಯಾ? ಅಂತ ಕೇಳಿದ್ರೆ. ಥಟ್ ಅಂತ " ಆ ಈ..." ಅನ್ನೋಳು, ಅದನ್ಯಾರು ಅವ್ಳಿಗೆ ಹೇಳ್ ಕೊಟ್ಟ್ರೊ ಗೊತ್ತಿಲ್ಲ. ಯೂ ಟ್ಯೂಬಿನಲ್ಲಿ ನಾನ್ ತೋರಿಸ್ತಾಯಿದ್ದ ಕರುಳಿನ ಕರೆ ಚಿತ್ರದ ಅಕ್ಷರಮಾಲೆ ಹಾಡಿನ ಪ್ರಭಾವವಿರಬೇಕು !! ಈಗಂತೂ ಅಮ್ಮನ ಸಹಾಯದಿಂದ ಅ ಇಂದ ಅಃ ವರೆಗೆ ಹೇಳ್ತಾಳೆ.

ಹ್ಯಾಪಿ ಬಿರ್ತ್ ಡೇ ಅಮ್ಮು !!

ಪುಟ್ಟಿಯ ಬ್ಲಾಗ್ ಫ್ರೆಂಡ್ ನಂದಗೋಕುಲದ ಅಣ್ಣ ಅಮಾರ್ತ್ಯನಿಗೆ ಎರಡು ವರ್ಷ ತುಂಬಲಿದೆ. ಅವನಿಗೆ ಶುಭವನ್ನು ಹಾರೈಸುತ್ತೇವೆ.

From morning till night
May your birthday be bright
And nicer than ever before……
And as years come and go
May your happiness grow
And your dreams be fulfilled
Even more

Happy Birthday to you!

Friday, May 22, 2009

ವಿಸ್ಮಯ ವೃಕ್ಷಗಳು!!!

ಬಾವ್ಬಾಬ್ (Baobab) :

ಕಲ್ಪವೃಕ್ಷ ಎಂದು ಕರೆಸಿ ಕೊಳ್ಳುವ 100 ಅಡಿ ಎತ್ತರ, 35 ಅಡಿ ಸುತ್ತಳತೆ ಬೆಳೆಯುವ ಈ ಮರ ಆಫ್ರಿಕಾ , ಆಸ್ಟ್ರೇಲಿಯಾ ಮತ್ತು ಭಾರತದ ಕೆಲವು ಭಾಗಗಳಲ್ಲಿ ಕಾಣಸಿಗುತ್ತೆ. ಉಬ್ಬಿದ ಅದರ ಬೊಡ್ಡೆಯಲ್ಲಿ ಸುಮಾರು 120,000ಲಿ ನಷ್ಟು ನೀರು ಶೇಖರಿಸಿಟ್ಟುಕೊಂಡು ಬರಬಂದಾಗ ಉಪಯೋಗಿಸಿಕೊಳ್ಳುತ್ತದೆ. ಇದು ಮಡಗ್ಯಾಸ್ಕ

ರ್ ದೇಶದ ರಾಷ್ಟ್ರೀಯ ಮರ. ವರ್ಷದ 9 ತಿಂಗಳು ಇದರಲ್ಲಿ ಎಲೆಗಳೆ ಇರೊಲ್ಲ, ಇದನ್ನು ಆಗ ನೋಡಿದ್ರೆ ಯಾರೊ ಇದನ್ನ ಬುಡ ಸಮೇತ ಕಿತ್ತು ತಲೆಕೆಳಗಾಗಿ ಮತ್ತೆ ನೆಟ್ಟಂತೆ ಕಾಣಿಸುತ್ತೆ. ಕರ್ನಾಟಕದ ಹಾವೇರಿ ಜಿಲ್ಲೆಯ ಸವಣೂರ್ ನಲ್ಲಿ ಬೃಹತ್ ಮರಗಳಿವೆ.

ಈ ಮರಗಳು ಭಾರತದಲ್ಲಿ ಕಣ್ಮರೆಯಾಗುತ್ತಿರುವುದು ನೋವಿನ ವಿಷಯ. ಇದರ ಕುರಿತು ಒಂದು ವಿಡಿಯೋ.





ಅತಿ ದೊಡ್ಡ ಬೊಡ್ಡೆಯುಳ್ಳ ಮರ - El Árbol del Tule

El Árbol del Tule (”ಟ್ಯೂಲ್ ಟ್ರೀ”) ಅತಿ ಅಗಲವಾದ ಸೈಪ್ರೆಸ್ಸ್ ಮರ. ಇದು ಮೆಕ್ಸಿಕೋ ದೇಶದ ಓಕ್ಸಾಕ (Oaxaca) ನಲ್ಲಿದೆ. 190 ಅಡಿ ಎತ್ತರದಲ್ಲಿ ಇದರ ಸುತ್ತರಳತೆ 37ಅಡಿ!! ಜಗತ್ತಿನ ಅತಿ ಅಗಲವಾದ ಮರ ಇದು ಅಂತ ಒಪ್ಪದ ಕೆಲವರು ಇದು ಮೂರು ಪ್ರತ್ಯೆಕ ಮರಗಳು ಒಂದರ ಪಕ್ಕದಲ್ಲೇ ಬೆಳೆದಿವೆ ಅಂತೆಲ್ಲ ವಾದಿಸಿದ್ರು. ಆದ್ರೆ DNA ಅನಾಲಿಸಿಸ್ ನಿಂದ ಒಂದೇ ಮರ ಇಷ್ಟು ದೊಡ್ಡದಾಗಿ ಬೆಳೆದಿದು ಅನ್ನೋದು ಖಚಿತವಾಯ್ತು.


ಜನರೆಲ್ ಶೇರ್ ಮನ್:


ಕ್ಯಾಲಿಫೋರ್ನಿಯಾದಲ್ಲಿ ಬೆಳೆಯುವ ದೈತ್ಯ ಸೆಕ್ವಾಯಿಯಾ ಮರಗಳು ಪ್ರಪಂಚದ ದೊಡ್ಡ ಮರಗಳು (ಪರಿಮಾಣ/ volume ಲೆಖ್ಖದಲ್ಲಿ). ಅದರಲ್ಲಿ ಅತಿ ದೊಡ್ಡದು ಎಂಬ ಖ್ಯಾತಿಗೆ ಒಳಗಾಗಿರೋದು ಸೆಕ್ವಾಯಿಯಾ ನ್ಯಾಶನಲ್ ಪಾರ್ಕ್ ನಲ್ಲಿರೋ ಜೆನರಲ್ ಶೇರ್ ಮನ್ - 275ಅಡಿ ಎತ್ತರ, 52,500 cubic feet (1,486 m³) ಪರಿಮಾಣವಿರೋ ಇದರ ತೂಕ 6000 ಟನ್!!! ಇದು ಸುಮಾರು 2,200 ವರ್ಷಗಳ ಹಿರಿಯ ಮರ.


ಬ್ರಿಸ್ಟಲ್ ಕೋನ್ ಪೈನ್ - ಮೆತುಸೇಲಹ್

ಬೈಬಲ್ ನಲ್ಲಿ ಬರುವ ’ಮೆತುಸೇಲಹ್’ ಎಂಬಾತ 969ವರ್ಷಗಳು ಬದುಕಿದ್ದನಂತೆ!! ಅವನ ಹೆಸರನ್ನೇ ಈಗ ಜಗತ್ತಿನ ಅತಿ ಹಿರಿಯ 4,838 ಹರೆಯದ ಈ ಮರಕ್ಕೆ ಇಡಲಾಗಿದೆ. ಇದು ಕ್ಯಾಲಿಫೋರ್ನಿಯಾದಲ್ಲಿದೆ. 1957ರಲ್ಲಿ ಎಡ್-ಮಂಡ್ ಶೂಲ್-ಮನ್ ಅವರು ಇದರಲ್ಲಿ ಒಂದು ಸಣ್ಣ ರದ್ರ ಕೊರೆದು, ಮರದ ಒಳ ತಿರುಳನ್ನು ತೆಗೆದು ಅದರ ವಯಸನ್ನು ಅಳೆದಿದ್ದರು.

1964ರಲ್ಲಿ ಆಗ ಸ್ನಾತಕೋತ್ತರ ವಿದ್ಯಾರ್ಥಿಯಾದಿದ್ದ ಡೋನಾಲ್ಡ್ ಕರ್ರಿ (Donald R. Currey) ಎಂಬುವವರು "ಪ್ರೋಮೆಥಸ್" ಎಂಬ ಮರದಿಂದ ಸ್ಯಾಂಪಲ್ಸ್ ಅನ್ನು ಕೊರೆದು ತೆಗೆಯುತ್ತಿದ್ದರು. ಆಗ ಅಕಸ್ಮಾತ್ ಅವರ ರಂದ್ರ ಕೊರೆಯುವ ಸಲಕರಣೆ ಮುರಿದು ಒಂದು ಭಾಗ ಮರದ ಒಳಗೇ ಉಳಿಯಿತು. ಇದನ್ನು US ಅರಣ್ಯ ಇಲಾಖೆಗೆ ತಿಳಿಸಿ, ಮರವನ್ನ ಕತ್ತರಿಸಿ ಅದನ್ನು ಪರೀಕ್ಷಿಸಿಸಲು ಅನುಮತಿ ಕೋರಿದರು. ಕಡಿದನಂತರದ ಪರೀಕ್ಷೆಯಿಂದ ಅದರ ವಯಸ್ಸು 5,000 ವರ್ಷಗಳಿಗೂ ಹೆಚ್ಚು ಅಂತ ತಿಳಿಯಿತು. ಜಗತ್ತಿನ ಅತಿ ಹಿರಿಯ ಜೀವಿ ಎನಿಸಿ ಕೊಳ್ಳಬಹುದಿದ್ದ ಆ ಮರ ಅವರ ಅಚಾತುರ್ಯದಿಂದಾಗಿ ಆಗಲೆ ನೆಲಕ್ಕುರುಳಿತ್ತು:(

ಈಗ ಇರುವ ಮೆತುಸೇಲಹ್ ಮರವನ್ನು ಜೋಪಾನ ಮಾಡಬೇಕಾದ್ದು ಎಲ್ಲರ ಕರ್ತವ್ಯ.


ಆಲದ ಮರ:

Largest Banyan Tree

ಹಿಂದಿನ ಕಾಲದಲ್ಲಿ ಇದರ ನೆರಳಿನಲ್ಲಿ ಬನಿಯಾ(ಹಿಂದುವರ್ತಕರು)ಗಳು ತಮ್ಮ ವ್ಯಾಪಾರ ಮಾಡುತ್ತಿದ್ದುದರಿಂದ ಇದನ್ನು ಪ್ರವಾಸಿಗಳು ಬನಿಯಾನ್ ಟ್ರೀ ಎಂದು ಕರೆದರು.ಇದು ಬೃಹತ ಪ್ರಾಮಾಣದ್ದಾಗಿದ್ದು ಅಗಲವಾಗಿ ಹರಡಿರುವ ಕೊಂಬೆಗಳಿಂದ ಕೂಡಿದೆ. ಇದು ಭಾರತದ ರಾಷ್ಟ್ರವೃಕ್ಷ. ಸಂಸ್ಕೃತದಲ್ಲಿ 'ವಟವೃಕ್ಷ 'ಎಂದು ಕರೆಯುತ್ತಾರೆ.

ಇದು ವಿಶಾಲ ಕೊಂಬೆಗಳಿಂದ ಕೂಡಿದ ಮರ. ಈ ಕೊಂಬೆಗಳಿಂದ ಬೀಳಲುಗಳು ಹೊರಟು ನೆಲವನ್ನು ತಾಗಿ ಕಾಂಡಗಳಾಗಿ ಪರಿವರ್ತಿಸುತ್ತವೆ. ಈ ರೀತಿಯಿಂದ ಹಲವು ಎಕರೆ ಪ್ರದೇಶಗಳನ್ನೂ ವ್ಯಾಪಿಸುವುದುಂಟು.

ಕಲ್ಕತ್ತದ ಶಿಬಿಪುರದಲ್ಲಿರುವ 250ವರ್ಷಗಳ ಆಲದ ಮರ ಒಂದೂವರೆ ಎಕರೆಯಷ್ಟು ವಿಸ್ತಾರವಾಗಿದೆ. ಎರಡು ಸಾವಿರಕ್ಕೂ ಹೆಚ್ಚು ಬೇರುಗಳು ಇದಕ್ಕಿವೆ. ಇದರ ವಿಡಿಯೋ ತುಣುಕು ಇಲ್ಲಿದೆ .



ಮರಗಳ ಸರ್ಕಸ್:
ಅಕ್ಸೆಲ್ ಎರ್ಲ್ಯಾಂಡ್-ಸನ್(Axel Erlandson) ಅವರು ಮರಗಳಲ್ಲಿ ನಿರ್ಮಿಸುವ ಈ ಅದ್ಭುತಕ್ಕೆ ಅವರಿಟ್ಟ ಹೆಸರು "ಟ್ರೀ ಸರ್ಕಸ್" !! ಹೆಚ್ಚಿನ ವಿವರಗಳು ಇಲ್ಲಿ.

crafted_tree2.jpg

crafted_tree3.jpg

crafted_tree4.jpg

crafted_tree5.jpg

crafted_tree6.jpg

ಈ ಲೇಖನದ ಕ್ರೆಡಿಟ್ ನನ್ನ ಹೇಮಂತ್ ಅವರಿಗೆ ಸೇರಬೇಕು. ಅವರಿಂದ ತಿಳಿದದ್ದು/ ಕಲಿತಾಯಿರೋದು ತುಂಬಾಯಿದೆ. ಅವರು ವೃತ್ತಿಯಲ್ಲಿ ಹಾರ್ಟಿಕಲ್ಚರ್ ಮಾಲಿಕ್ಯುಲಾರ್ ಬಯಾಲಜಿಸ್ಟ್. ಗಿಡಗಳು ಅಂದ್ರೆ ಅವರಿಗೆ ಎಲ್ಲೆಲ್ಲಿದ ಆಸಕ್ತಿ, ಪ್ರೀತಿ:) ಮೊದಲ ಸರ್ತಿ ಅಮೇರಿಕಾಗೆ ಕಾನ್-ಫರೆನ್ಸ್ ಗೆ ಬಂದಿದ್ದಾಗ ಹತ್ತಿರದ ಯಾವುದೇ ಜಾಗಗಳನ್ನು ನೋಡದೇ ಕೇವಲ ಜೊಶುವಾ ಟ್ರೀ ನ್ಯಾಷನಲ್ ಪಾರ್ಕಿಗೆ ಭೇಟ್ಟಿ ಕೊಟ್ಟು ಮನೆಯಲ್ಲಿ ಸೋದರರ ನಗೆಗೆ ತುತ್ತಾಗಿದ್ದರು:( ನನಗೆ ಹೊಸ ವಿಷಯಗಳನ್ನು ಹೇಳೋದಲ್ಲದೆ ಆಗಾಗ್ಗೆ ಅದರ ಬಗ್ಗೆ ಕ್ವಿಜ್ ಕೂಡ ಮಾಡ್ತಾರೆ! ಅವರು ಹೇಳಿಕೊಟ್ಟ ಪಾಠದ ಪ್ರತಿಫಲವೇ ಈ ಲೇಖನ.

ಚಿತ್ರ ಕೃಪೆ: ಅಂತರ್ಜಾಲ

Tuesday, May 12, 2009

ಪುಟ್ಟಿಯ ಪುಟ್ಟ್ ತಂಗಿ:)

ಪುಟ್ಟಿಗೆ ಈಗ ಒಬ್ಳು ಪುಟ್ಟ್ ತಂಗಿ ಬಂದಿದ್ದಾಳೆ. ಬೆಂಗಳೂರಿನಲ್ಲಿರೋ ಚಿಕ್ಕಮ್ಮ-ಚಿಕ್ಕಪ್ಪ ಸೀಮಾ ಶರತ್-ಗೆ ಹುಟ್ಟಿರೊ ಮುದ್ದಾದ ಮಗೂ ಫೋಟೋ ನೋಡ್ತಾ ಪುಟ್ಟಿ ತನ್ನ ಎಂದಿನ ಸ್ಟೈಲ್-ನಲ್ಲಿ "ಪಾಪೂಊಊಊ..." ಅಂತ ಚಪ್ಪಾಳೆ ತಟ್ಟುತ್ತಾ ಕೂಗಿದ್ಲು.



ಮಲಗು ಮಲಗೆನ್ನ ಮರಿಯೆ
ಬಣ್ಣದ ನವಿಲಿನ ಗರಿಯೆ
ಎಲ್ಲಿಂದ ಬಂದೆ ಮನೆಗೆ
ನಂದನ ಇಳಿದಂತೆ ಧರೆಗೆ
ಜೋ..ಜೋಜೋಜೋ...

ತಾವರೆ ದಳ ನಿನ್ನ ಕಣ್ಣು
ಕೆನ್ನೆ ಮಾವಿನ ಹಣ್ಣು
ಸಣ್ಣ ತುಟಿಯ ಅಂದ
ಬಣ್ಣ್ದ ಚಿಗುರಿಗು ಚಂದ
ನಿದಿರೆ ಮರುಳಲ್ಲಿ ನಗಲು
ಮಂಕಾಯ್ತು ಉರಿಯುವ ಹಗಲು
ಜೋ..ಜೋಜೋಜೋ...

ಒಲುಮೆ ಹರಸಿದ ಕಂದ
ಹುಣ್ಣಿಮೆ ದೇವಗು ಚಂದ
ಬೆಳಕ ಕರೆವ ಅರುಣ
ನಿನ್ನ ನಗೆಯ ಕಿರಣ
ಚೆಲುವಿಗೆ ಸಾಟಿಯೆ ಕಾಮ
ತಿಮ್ಮಪ್ಪನಿಗೆ ಮೂರು ನಾಮ
ಜೋ..ಜೋಜೋಜೋ...

--ಎನ್.ಎಸ್.ಲಕ್ಶ್ಮಿನಾರಾಯಣ ಭಟ್ಟ್