ಆಸ್ಪತ್ರೆ ವಾಸ ಸಾಕು ನಡಿರಿ ನಮ್ಮ್ ಮನೆಗೆ ಹೋಗೋಣ ಅಂತ, ತನ್ನ ಚಿಕ್ಕ ಸೋದರ ಮಾವ ಆಸ್ಟ್ರೆಲಿಯಾದಿಂದ ಕಳುಹಿಸಿದ್ದ ಗುಲಾಬಿ ಸ್ಕರ್ಟ್, ಮೇಲಂಗಿ, ಕಾಲ್ಚೀಲ, ಟೊಪ್ಪಿ, ಮೇಲೆ ಕೆಂಪು ಜಾಕೆಟ್ ಧರಿಸಿ ರೆಡಿ ಆಗೇಬಿಟ್ಟ್ಲು.
ಸರಿ, ಆಸ್ಪತ್ರೆ ಸಿಬ್ಬಂದಿಗೆಲ್ಲ ಸಿಹಿ ಹಂಚಿ, ಅಪ್ಪನ ಕಾರಿನಲ್ಲಿ ತನ್ನದೇ ಕಾರ್ ಸೀಟಿನಲ್ಲಿ ಕೂತು ಮನೆಗೆ ಬಂದ್ಲು. ಅಜ್ಜಿ ಆರತಿ ರೆಡಿ ಮಾಡಿಟ್ಟು ಕಾಯ್ತಾಯಿದ್ರು. ಹಾಡು ಹೇಳಿ ಮೊಮ್ಮಗಳನ್ನು ಮನೆಗೆ ಬರಮಾಡಿಕೊಂಡರು.
ಅಜ್ಜಿ ಅವಳಿಗಾಗಿ ಹಾಡಿದ ಹಾಡು ಇದು:
ರಾಗ: ಮಧ್ಯಮಾವತಿ
ಎತ್ತಿರೇ ನವರತ್ನದಾರತಿ ಪಾರ್ವತಿ ದೇವಿಗೆ
ಶ್ರದ್ದೆಯಿಂದಲಿ ಭಕ್ತಿಯಿಂದಲಿ ಬೆಳಗಿರೆಲ್ಲ ಆರತಿ //ಪ//
ದೇವಿ ಶಾರದೆ ಗೌರಿ ಲಕ್ಷ್ಮಿಗೆ ಲಲಿತ ದುರ್ಗಾ ಮಾತೆಗೆ
ಸರ್ವ ಪಾಪಾಹಾರಿಣಿ ಶ್ರೀ ಪಾರ್ವತೀದೇವಿಗೆ //ಎತ್ತಿರೇ//
ಹರಿಯ ಸೋದರಿ ಹರನ ವಲ್ಲಭೆ ಗಣಪನಾ ಮಾತೆ ಗೌರಿಗೆ
ಸರ್ವ ದುಃಖತಾಪ ಹಾರಿಣಿ ಪಾರ್ವತಿದೇವಿಗೆ//ಎತ್ತಿರೇ//
0 comments:
Post a Comment