ನಮ್ಮ್ ಪುಟ್ಟಿ ಗಣೇಶ ಹಬ್ಬದ ದಿನ ತನ್ನಜ್ಜಿ ಕೊಟ್ಟ ಗಾಗ್ರಾ ಹಾಕೊಂಡು ಮನೆತುಂಬಾ ಅಂಬೆಗಾಲಿಟ್ಟು ಓಡಾಡಿದ್ಲು. ಆಶ್ಚರ್ಯದ ವಿಷ್ಯ ಅಂದ್ರೆ ಎಲ್ಲವನ್ನೂ ಎಳೆಯಲು ಮುಂದಾಗುವ ನಮ್ಮ್ ಪುಟ್ಟಿ ಅವರಮ್ಮ ಮಾಡಿದ್ದ ಮಣ್ಣಿನ ಗಣಪನ ಅಲಂಕಾರವನ್ನ ಯಾಕೋ ದೂರದಿಂದಲೇ ನೋಡಿ ಖುಶಿ ಪಟ್ಟಳು. ಅಂದು ಮನೆಗೆ ಬಂದವರಿಗೆಲ್ಲಾ ಎಂದಿನಂತೆ ಹಾಯ್ ಹೇಳುವ ಬದಲು "ತಾರಮ್ಮಯ್ಯ" ಅನ್ನುವಂತೆ ತನ್ನ ಪುಟ್ಟು ಕೈಗಳನ್ನ ಆಡಿಸ್ತಿದ್ದ್ಲು. 
ರಾಗ ನಾದನಾಮಕ್ರಿಯ/ಆದಿ ತಾಳ
ತಾರಮ್ಮಯ್ಯ, ಯದುಕುಲ ವಾರಿಧಿ ಚಂದ್ರಮನ /ಪಲ್ಲವಿ /
ಮಾರಜನಕನ ಮೋಹನಾಂಗನ ಸೇರಿ ಸುಖಿಸಲು ಹಾರೈಸಿ ಬಂದೆವು /ಅನು ಪಲ್ಲವಿ /
ಬಿಲ್ಲ ಹಬ್ಬಗಳಂತೆ, ಅಲ್ಲಿ ಬೀದಿ ಶೃಂಗಾರವಂತೆ
ಮಲ್ಲರ ಕಾಳಗ ಮದ್ದಾನೆಯಂತೆ
ಪುಲ್ಲಾಕ್ಷನು ತಾನಲ್ಲಿಗೆ ತೆರಳಿದ /೧ /
ಮಧುರಾಪುರಿಯಂತೆ, ಅಲ್ಲಿ ಮಾವ ಕಂಸನಂತೆ
ಒದಗಿದ ಮದಗಜ ತುರಗ ಸಾಲಿನಲಿ
ಮದಮೋಹನ ಕೃಷ್ಣ ಮಧುರೆಗೆ ತೆರಳಿದ /೨/
ಅತ್ತೆ ಮಾವನ ಬಿಟ್ಟು, ಬಂದೆವು ಹಿತ್ತಲ ಬಾಗಿಲಿಂದ
ಭಕ್ತವತ್ಸಲನ ಬಹು ನಂಬಿದ್ದೆವು
ಉತ್ಸಾಹ ಭಂಗ ಮಾಡಿದನಮ್ಮ /೩ /
ರಂಗನ ಸೆರೆ ನಂಬಿ ಬಂದೆವು ಸಂಗ ಸುಖವ ಬಯಸಿ
ಭಂಗಿಸಿ ನಮ್ಮನು ಹ್ಯಾಂಗೆ ಪೋದನಮ್ಮ
ಮಂಗಳಮೂರುತಿ ಮದನಗೋಪಾಲನು /೪ /
ಶೇಷಗಿರಿಯ ಮೇಲೆ, ಹರಿ ತಾ ವಾಸವಾಗಿಹ ಕಾಣೆ
ಸಾಸಿರನಾಮದ ಒಡೆಯನೆಂದೆನಿಸಿದ
ಶ್ರೀಶ ಪುರಂದರವಿಠ್ಠಲರಾಯನ /೫ /
~~~ * ~~~
[ಶ್ರೀ ಕೃಷ್ಣನು ಗೋಕುಲವನ್ನು ಬಿಟ್ಟು, ಮಥುರೆಗೆ ಹೋದ ಸಂಗತಿ ತಿಳಿದು ಗೋಕುಲದ ಗೋಪಿಯರು ಕೃಷ್ಣನ ವಿರಹದಿಂದ ವ್ಯಾಕುಲಗೊಂಡ ಬಗೆ ಇಲ್ಲಿ ವರ್ಣಿತವಾಗಿದೆ]
~~~ * ~~~
[ಶ್ರೀ ಕೃಷ್ಣನು ಗೋಕುಲವನ್ನು ಬಿಟ್ಟು, ಮಥುರೆಗೆ ಹೋದ ಸಂಗತಿ ತಿಳಿದು ಗೋಕುಲದ ಗೋಪಿಯರು ಕೃಷ್ಣನ ವಿರಹದಿಂದ ವ್ಯಾಕುಲಗೊಂಡ ಬಗೆ ಇಲ್ಲಿ ವರ್ಣಿತವಾಗಿದೆ]
4 comments:
namma manegu baa,,,,gowramma
ಮುಂದಿನ್ ವರ್ಷ ಬರ್ತೀನಿ, ನಿಮ್ಮ್ ಮನೆ ಗೌರಿ ಜೊತೆ ಆಡೋಕೆ :)
putti looks gorgeous with this gagra
Thank you sitaram avare.. avlige dress maaDkoLLodu ishta nange avlige shrungarisi nODOdu ishta:))
Post a Comment