ಪುಟ್ಟಿಗೆ ಘನ ಆಹಾರ ಕೊಡಲು ಶುರು ಮಾಡಿದಾಗಿನಿಂದಲೂ ಎಲ್ಲಾ ಹಣ್ಣು ಮತ್ತು ತರಕಾರಿಗಳು ಬಲು ಇಷ್ಟ. ಈಗಂತೂ ಅನ್ನ/ ಚಪಾತಿ/ರೊಟ್ಟಿ ಜೊತೆಗೆ ಪಲ್ಯ ಕೊಟ್ಟರೆ, ಪಲ್ಯ ಮಾತ್ರ ಖಾಲಿ ಆಗುತ್ತೆ, ಅನ್ನ ಅಲ್ಲೇ ಇರುತ್ತೆ. ಹಣ್ಣು ಕಂಡರಂತೂ ಶುರು ಅವಳ "ಕುಂಯ್, ಕುಂಯ್" ಅಂದ್ರೆ ಕುಯ್ದು ಕೊಡು ಅನ್ನೊ ಮಾತು. ಅದರಲ್ಲೂ ಬಾಳೆಹಣ್ಣು ತುಂಬಾನೆ ಇಷ್ಟ, ಅಮ್ಮ ಈಗ ಅದನ್ನ ಬಚ್ಚಿಡಿರೋ ಪರಿಸ್ಥಿತಿ ಬಂದಿದೆ. ಅವಳು ಆರು ತಿಂಗಳ ಮಗುವಿದ್ದಾಗಿಂದ ತೆಗೆದ ಹಲವು ಫೋಟೋಗಳು ಮತ್ತು ಇತ್ತೀಚೆಗೆ ಅವಳು ಫೋರ್ಕ್-ನಲ್ಲಿ ಹಣ್ಣು ತಿಂತಾಯಿರೋ ವಿಡೀಯೊ ಇಲ್ಲಿದೆ. ಜೊತೆಗೆ ಹಣ್ಣುಮಾರುವವನ ಹಾಡು. 
ನಂಜನಗೂಡಿನ ರಸಬಾಳೆ
ತಂದಿಹೆ ಕೊಡಗಿನ ಕಿತ್ತೀಳೆ
ಬೀದರ ಜಿಲ್ಲೆಯ ಸೀಬೆಯ ಹಣ್ಣು
ಬೆಂಗಳೂರಿನ ಸೇಬಿನ ಹಣ್ಣು
ಕೊಳ್ಳಿರಿ ಹಿಗ್ಗನು ಹರಿಸುವವು
ಕಲ್ಲುಸಕ್ಕರೆಯ ಮರೆಸುವವು
.
.
.
.
ಕೊಳ್ಳಿರಿ ಮಧುಗಿರಿ ದಾಳಿಂಬೆ
ಬೆಳವಲ ಬಯಲಿನ ಸಿಹಿಲಿಂಬೆ
ಬೆಳಗಾವಿಯ ಸವಿ ಸಪೋಟ
ದೇವನ ಹಳ್ಳಿಯ ಚಕ್ಕೋತ 
ನಾಲಿಗೆ ಬರವನು ಕಳೆಯುವವು
ದೇಹದ ಬಲವನು ಬೆಳೆಯುವೆವು
..
.
.
.
ಗಂಜಾಂ ಅಂಜೀರ್ ತುಮಕೂರ್ ಹಲಸು
ಧಾರವಾಡದ ಆಪೂಸು
ಮಲೆನಾಡಿನ ಅನನಾಸು
ಕೊಳ್ಳಿರಿ ಮರೆತು ಸಿಹಿ ತಿನಿಸು
.
ಕೊಲ್ಲಿರಿ ಬಗೆ ಬಗೆ ಹಣ್ಣುಗಳ
ಕನ್ನಡ ನಾಡಿನ ಹಣ್ಣುಗಳ
ಕನ್ನಡ ನಾಡಿನ ಹಣ್ಣುಗಳ
2 comments:
loved all the photos!! very nice song too..
ಇದಂತೂ ಬಲು ಮೋಸ ನನಗೆ ಕೊಡದೇನೆ..ಹೀಗೆ ಒಬ್ಬಳೆ ಗುಳುಂ ಮಾಡಬಹುದೇ...
Post a Comment