ಮಲ್ನಾಡಿನ್ ಮೂಲೆನಾಗೆ..

ಚಿತ್ರ: ಸುವರ್ಣ ಸೇತುವೆ (1983)

ಸಾಹಿತ್ಯ: ಗೀತಪ್ರಿಯ
ಸಂಗೀತ: ವಿಜಯ ಭಾಸ್ಕರ್
ಗಾಯನ: ವಾಣಿ ಜಯರಾಂ

ತಂದಾನಿ ತಂದ ನಾನ ತನ ನನನಾ

ಮಲ್ನಾಡಿನ ಮೂಲೆನಾಗೆ ಇತ್ತೊಂದು ಸೋಮನ ಹಳ್ಳಿ
ಆ ಹಳ್ಳಿಲೆಲ್ಲ ಜನರು ಲೋಕನೆ ಗೊತ್ತಿಲ್ದೋರು
ಅದರೊಳಗೆ ಮುದುಕಿ ಒಬ್ಬಳು ದೌಲಿಂದ್ಲೆ ಮೆರಿತಿದ್ಲು
ಅವಳಂತು ಬೋ ಘಾಟಿ ಜಂಬಗಾತಿ

ಆ ಮುದುಕಿ ಜಂಬದ ಕೋಳಿ ಸಾಕಿರಲು
ಆ ಕೋಳಿ ಕೊಕ್ಕೋ ಅಂತ ಕೂಗಿರಲು
ಅದ್ರಿಂದ್ಲೇ ಉರಿಯೋ ಸೂರ್ಯ ಮೂಡ್ತೈತೆಂದು
ತನ್ನಿಂದ್ಲೇ ಲೋಕ ಬೆಳಕು ಕಾಣ್ತೈತೆಂದು
ತಾನಿಲ್ದೇ ಲೋಕವೇ ಇಲ್ಲ ತನ್ನ ಬಿಟ್ಟರೆ ಬದುಕೆ ಇಲ್ಲ
ಅಂದ್ಕೊಂಡೆ ಕೊಬ್ಬಿಂದ ಸೊಕ್ಕಿದ್ದಳು

ತಂದಾನಿ ತಂದ ನಾನ ತನ ನನನಾ

ಊರ್ನೋರ್ಗೆ ತನ್ನ ದರ್ಪ ತೋರಿಸ್ಬೇಕೆಂದು
ಕಂಕ್ಳಾಗೆ ತನ್ನ ಕೋಳಿ ಬಚ್ಚಿಟ್ಕೊಂಡು
ಕತ್ಲಾಗೆ ಒಂದೊಂದೇನೆ ಹೆಜ್ಜೆ ಇಟ್ಕೊಂಡು
ಕಾಡ್ನಾಗೆ ಸೇರ್ಕೊಂಡ್ಲು ಹೊತ್ ನೋಡ್ಕೊಂದು
ಬೆಳ್ಗಾಯ್ತು ಯಾವತ್ನಂಗೆ ಪೆಚ್ಚಾದ್ಲು ಮುದುಕಿ ಹಂಗೆ
ನಡೆದೈತೆ ಈ ಲೋಕ ಮಾಮೂಲ್ನಂಗೆ
ತಂದಾನಿ ತಂದ ನಾನ ತನ ನನನಾ

Posted in: ಚಿತ್ರಗೀತೆ, ಚಿತ್ರಗೀತೆ ವಿಡಿಯೊ, ವಿಡಿಯೋ