ಮಂಗಗಳ ಉಪವಾಸ

Photo via Sweet Clip Art

 ಬಾಳೆಯ ತೋಟದ ಪಕ್ಕದ ಕಾಡೊಳು

ವಾಸಿಸುತಿದ್ದವು ಮಂಗಗಳು

ಮಂಗಗಳೆಲ್ಲವು ಒಟ್ಟಿಗೆ ಸೇರುತ

ಒಂದುಪವಾಸವ ಮಾಡಿದವು .

ಏನೂ ತಿನ್ನದೆ ಮಟ ಮಟ ನೋಡುತ

ಇದ್ದವು ಮರದಲಿ ಕುಳಿತಲ್ಲೇ

"ನಾಳೆಗೆ ತಿಂಡಿಯ ಈಗಲೇ ಹುಡುಕುವ

ಬನ್ನಿರಿ " ಎಂದಿತು ಕಪಿಯೊಂದು

"ಹೌದೌದಣ್ಣಾ" ಎಂದೆನ್ನುತ ಎಲ್ಲವು

ಬಾಳೆಯ ತೋಟಕೆ ಹಾರಿದವು

ತೋಟದಿ ಬಾಳೆಯ ಹಣ್ಣನು ನೋಡಲು

ಆಶೆಯು ಹೆಚ್ಚಿತು ನೀರೂರಿ

"ಸುಲಿದೇ ಇಡುವ ಆಗದೆ " ಎಂದಿತು

ಆಶೆಯ ಮರಿಕಪಿಯೊಂದಾಗ

"ಹೌದೌದೆನ್ನುತ" ಹಣ್ಣನು ಸುಲಿದವು

ಕೈಯೊಳೆ ಹಿಡಿದು ಕುಳಿತಿರಲು

"ಕೈಯ್ಯಲ್ಲೇತಕೆ ಬಾಯೊಳಗಿಟ್ಟರೆ

ಆಗದೆ ? " ಎಂದಿತು ಇನ್ನೊಂದು

ಹಣ್ಣನು ಬಾಯಲಿ ಇಟ್ಟವು

"ಜಗಿದೇ ಇಡುವೆವು " ಎಂದಿತು ಕಪಿ ಮತ್ತೊಂದು

ಜಗಿದೂ ಜಗಿದೂ ನುಂಗಿದವೆಲ್ಲವು

ಆಗಲೇ ಮುಗಿಯಿತು ಉಪವಾಸ .

(ಕವಿ : ಮಚ್ಚಿಮಲೆ ಶಂಕರನಾರಾಯಣ ರಾವ್ )

ಹಾಡು ಕೇಳಲು ಇಲ್ಲಿ ಕ್ಲಿಕ್ ಮಾಡಿರಿ.

Posted in: ಕನ್ನಡ, ಪ್ರಾಣಿ-ಪಕ್ಷಿ, ಮಕ್ಕಳ ಪದ್ಯ