Saturday, March 10, 2012

ನಮ್ಮ ಮನೆಯಲೊಂದು ಪುಟ್ಟ ಪಾಪ

ನಮ್ಮ ಮನೆಯಲೊಂದು ಪುಟ್ಟ ಪಾಪ ಇರುವುದು

ಎತ್ತಿಕೊಳದೆ ಹೋದರದಕೆ ಕೋಪ ಬರುವುದು ।



ಕೋಪಬರಲು ಗಟ್ಟಿಯಾಗಿ ಕಿರಚಿಕೊಳುವುದು

ಕಿರಚಿಕೊಂಡು ತನ್ನ ಮೈಯಪರಚಿಕೊಳುವುದು।



ಮೈಯ ಪರಚಿಕೊಂಡು ಪಾಪ ಅತ್ತುಕರೆವುದು

ಅಳಲು ಕಣ್ಣಿನಿಂದ ಸಣ್ಣ ಮುತ್ತು ಸುರಿವುದು ।



ಪಾಪ ಅಳಲು ಅಮ್ಮ ತಾನು ಅತ್ತುಬಿಡುವಳು

ಅಯ್ಯೊ ಪಾಪ ಎಂದು ಎತ್ತಿಕೊಂಡು ಮುತ್ತು ಕೊಡುವಳು ।



ಪಾಪ ಪಟ್ಟುಹಿಡಿದ ಹಠವು ಸಾರ್ಥವಾಯಿತು

ಕಿರಚಿ ಪರಚಿ ಅಳುವುದೆಲ್ಲ ಅರ್ಥವಾಯಿತು ।।


0 comments:

Post a Comment